جەر كەزەگىنە تۇرۋ, مەملەكەتتىك قىزمەتتەر مەن سەرۆيستەر تۋرالى اقپارات تا وسىندا كورسەتىلگەن. بۇل – ەلباسى تاپسىرماسىمەن قولعا الىنعان «تسيفرلى قازاقستان» مەملەكەتتىك باعدارلاماسىنىڭ جەمىسى. وبلىس اكىمدىگىنىڭ قولداۋىمەن وبلىس اكىمى اپپاراتىنىڭ احۋالدىق ورتالىعىنىڭ تاپسىرىسى نەگىزىندە جاساقتالعان اتىراۋ وبلىسىنىڭ گەواقپاراتتىق پورتالى – ايماقتىڭ ءتۇرلى باعىتتاعى قىزمەتتەرىن قامتيتىن, ءار نىساننىڭ الەۋمەتتىك, كولىكتىك, ينجەنەرلىك ينفراقۇرىلىمى تۋرالى دەرەكتەرى ورنالاستىرىلعان وبلىس پەن قالانىڭ العاشقى ەلەكتروندى كارتاسى.
گەوپورتالدى دەربەس كومپيۋتەرمەن قاتار, Android جانە iOS نەگىزىندەگى كەز كەلگەن ۇيالى قۇرىلعىدان «Smart اتىراۋ» قوسىمشاسى ارقىلى قاراۋعا بولادى. قالا تۇرعىندارى مەن قوناقتارى اتىراۋعا قاتىستى بارلىق اقپاراتتى وسى پورتالدان الا الادى. ال «جولداۋلار» سەرۆيسى ارقىلى ايماقتى باسقارۋ ۇردەرىستەرىنە قاتىسۋ مۇمكىندىگى قامتاماسىز ەتىلگەن. كەز كەلگەن قىزىعۋشى اتىراۋ قالاسىنىڭ باس جوسپارىمەن تانىسۋىنا بولادى. الەۋەتتى ينۆەستورلار ءۇشىن ماقساتتارى, جالپى سوماسى, قازىرگى احۋالى مەن ارتىقشىلىقتارى سيپاتتالعان جوبالار جاريالانعان.
پورتالداعى وبلىستا وتەتىن جەر اۋكتسيوندارى مەن كونكۋرستار تۋرالى اقپاراتتىق جاريالانىمدار كاسىپكەرلەرگە پايدالى ەكەنى ءسوزسىز. ويتكەنى وندا ساتىلىمعا شىعارىلعان جەر تەلىمدەرىنىڭ ورنالاسقان جەرى مەن قاتىسۋ شارتتارى, ءوتىنىم قابىلداۋ ورىندارى دا كورسەتىلگەن. سول ارقىلى قاتىسۋشى جەر تەلىمىنىڭ ارتىقشىلىقتارىن بىلە الادى.
«تسيفرلى قازاقستان» باعدارلاماسى اياسىندا جۇزەگە اسقان بۇل جوبا اقپاراتتىڭ قولجەتىمدى بولۋىنا, ۇسىنىلاتىن قىزمەتتەردىڭ ساپاسىنا, سىبايلاس جەمقورلىقتىڭ الدىن الۋعا باعىتتالعان. جىل سوڭىنا دەيىن وبلىس حالقىنا گەوپورتالدا جەر قاتىناستارى, ساۋلەت جانە قالا قۇرىلىسى سالالارىندا 20-عا جۋىق ەلەكتروندى قىزمەت الۋ بويىنشا سەرۆيستەر ۇسىنىلادى. بۇل جەر تەلىمدەرىن, تەحنيكالىق شارتتاردى, ساۋلەت-جوسپارلاۋ تاپسىرماسىن بەرۋ سەكىلدى ءوتىنىم بەرەتىن راسىمدەردى جەڭىلدەتەدى.
مەملەكەت باسشىسى بيىلعى جولداۋىندا «جەر قاتىناستارى مەن قۇرىلىس سالاسىنداعى بيۋروكراتتىق راسىمدەر جۇرتشىلىقتى مازالايتىن ماسەلەلەردىڭ ءبىرى بولىپ سانالادى. بۇل سالادا اشىقتىق جوق, حالىق پەن بيزنەس اقپاراتقا تولىق قول جەتكىزە الماي وتىر. جەر قورى مەن جىلجىمايتىن م ۇلىك نىساندارى تۋرالى مالىمەتتەردىڭ بىرىڭعاي اقپاراتتىق بازاسىن جاساۋدى تاپسىرامىن. جالپى, 2019 جىلى كورسەتىلەتىن مەملەكەتتىك قىزمەتتەردىڭ 80 پايىزى, ال 2020 جىلى كەمىندە 90 پايىزى ەلەكتروندى فورماتقا كوشىرىلۋگە ءتيىس», دەپ اتاپ كورسەتتى. اتىراۋدىڭ العاشقى گەوپورتالى دا وسى ماقساتتا قولعا الىنعان جوبا رەتىندە حالىقتىڭ كوڭىلىنەن شىعادى دەگەن سەنىم بار.
باقىتگۇل باباش,
«ەگەمەن قازاقستان»
اتىراۋ
