شارا ۇيىمداستىرۋشىلار – قازاقستانداعى بىرىككەن ۇلتتار ۇيىمىنىڭ دامۋ باعدارلاماسى, قازاقستان رەسپۋبليكاسى اۋىل شارۋاشىلىق مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى مەن «بارىس» حك.
اكتسيا وتكەن كۇنى «بارىس ارەنا» سارايى فويەسىندە جانكۇيەرلەردى اۋقىمدى ويىن-ساۋىق باعدارلاماسىمەن قۋانتتى. ولارعا ارنايى فوتوزونا ۇيىمداستىرىلىپ, ۆيكتورينا مەن سىيلىقتاردىڭ ۇتىس ويىنى وتكىزىلىپ, يميدجدىك ءونىم تاراتىلىپ, بۇعان قوسا, ءۇل ولشەمدى كەسكىن ايماعى ۇيىمداستىرىلدى. سوڭعىسىندا تولىقتىرىلعان شىندىق ارنايى موبيلدىك قوسىمشاسى ارقىلى انيماتسيالانعان قار بارىسىمەن فوتو جانە بەينەتۇسىرىلىم جاساۋعا مۇمكىندىك بەرىلدى.
ماتچ باستالماس بۇرىن «بارىس ارەنانىڭ» تەلەديدارلىق كۋبىندا قار بارىسىن ساقتاپ قالۋ تاقىرىبى بويىنشا بەينەروليك كورسەتىلدى. ال, بۇدان كەيىن جاس «بارىسشىلار» #QarBarysynSaqta ۇرانى جازىلعان سيمۆوليكالىق جالاۋدى شىعاردى. قازاقستانداعى بۇۇ تۇراقتى ۇيلەستىرۋشىسى/بۇۇدب تۇراقتى وكىلى نوريماسا شيمومۋراعا «بارىس» جانە «دينامو» كوماندالارى كاپيتاندارىنىڭ قاتىسۋىمەن شايبا لاقتىرۋدان قۇرمەتتى ميسسياسى بۇيىردى. قازاقستانداعى بۇۇدب تۇراقتى وكىلىنىڭ ورىنباسارى ۆيتالي ۆرەميش ۇزدىك ويىنشىلارعا ەستەلىك سىيلىقتار تابىستادى.
ال, ماتچ قورىتىندىسى قازاقستاندىق جانكۇيەرلەرى قۋانتتى: «بارىس» حك مينسكىنىڭ «دينامو» كلۋبىن 3-1 ەسەبىمەن جەڭدى.
بۇۇدب جوباسىنىڭ مەنەدجەرى تالعات كەرتەشەۆتىڭ سوزىنشە, بۇل اكتسيا «بارىس» حك جانكۇيەرلەرى جانە حوككەيدى جاقسى كورەتىن ادامداردىڭ نازارىن قازاقستانداعى قار بارىسىن ساقتاۋعا اۋدارۋعا مۇمكىندىك بەردى. جانكۇيەرلەر مەن كورەرمەندەرگە تۇسىنىكتى تۇردە قازاقستاننىڭ تاۋ شىڭدارىن مەكەن ەتەتىن اڭ تۋرالى مالىمەت بەرىلدى.
شاراعا حوككەي جانكۇيەرلەرىنەن بولەك قار بارىسى تىرشىلىك ەتەتىن ەلدەردىڭ ء(ۇندىستان, تاجىكستان, وزبەكستان) ەلشىلىكتەرىنىڭ, سونىمەن بىرگە شۆەيتساريا, بەلارۋس رەسپۋبليكاسى مەن ەۋروپالىق وداق دەلەگاتسياسىنىڭ وكىلدەرى قاتىستى.
2018 جىلعى 23 قىركۇيەكتەن 27 قازانعا دەيىن قازاقستاندا «قار بارىسىن ساقتا!» رەسپۋبليكالىق فەستيۆالى ءوتىپ جاتقانىن ەستەرىڭىزگە سالامىز. ونىڭ ماقساتى – قازاقستان قوعامىن قار بارىسى پوپۋلياتسياسىن ساقتاۋ بويىنشا شارالار قابىلداۋ قاجەتتىگى تۋرالى حابارلاندىرۋ. فەستيۆال اياسىندا 23 قىركۇيەكتەن 20 قازانعا دەيىن «بىرگە قار بارىسىن ساقتايىق!» اتتى بالالاردىڭ سۋرەت سالۋ بويىنشا كونكۋرسى ءوتتى. 27 قازاندا شىمكەنت قالاسىندا ونىڭ ناتيجەسى شىعارىلىپ, سونىمەن بىرگە كوركەمونەر كورمەسىن ۇيىمداستىرۋ, كونكۋرس جەڭىپازدارىن ماراپاتتاۋ ءراسىمىن وتكىزۋ جوسپارلانىپ وتىر.
