وتىرىسقا, سونداي-اق باس پروكۋروردىڭ ورىنباسارى م.احمەتجانوۆ پەن ءىىم قىلمىستىق-اتقارۋ جۇيەسى كوميتەتىنىڭ توراعاسى ا.بازىلبەكوۆ قاتىسىپ, باس بوستاندىعىنان ايىرۋ ورىندارىنداعى ادام قۇقىقتارىن قامتاماسىز ەتۋدىڭ وزەكتى ماسەلەلەرىن تالقىلادى.
ۇيلەستىرۋ كەڭەسىنىڭ قاراۋىندا باس پروكۋرور تاپسىرماسى بويىنشا الماتى وبلىسىنىڭ پەنيتەنتسيارلىق مەكەمەلەرىنە جۇرگىزىلگەن تەكسەرۋدىڭ قورىتىندىسى بولدى. وندا سوتتالعاندارمەن قاتىگەز قارىم-قاتىناس جاساۋ, مەكەمە قىزمەتكەرلەرىنىڭ زاڭسىز ءىس-ارەكەتتەرىن جاسىرۋ ماقساتىندا ولارعا قىسىم كورسەتۋ فاكتىلەرى راستالعان.
وسى ماسەلەگە بايلانىستى ۇيلەستىرۋ كەڭەسى ءىىم باسشىلىعىنىڭ الدىندا كىنالى ادامداردى جازالاۋ قاجەتتىگى ماسەلەسىن قويدى.
ۇيلەستىرۋ كەڭەسىنىڭ مۇشەلەرى الدىن الا انىقتالعان فاكتىلەردىڭ نەگىزىندە تۇزەۋ مەكەمەلەرىندە ارنايى قۇرالداردى قولدانۋ ارقىلى قاتىگەزدىك قاۋپىنىڭ جوعارى فاكتورلارى بولۋىن اتاپ ءوتتى. وسى جاعدايدى ەسكەرە وتىرىپ, سوتتالعانداردى كولونيالاردا ءتىنتۋ جانە ەتاپ كەزەڭىندە قابىلداۋ تۋرالى ءىس-شارالاردى جۇرگىزۋگە ۇات قاتىسۋشىلارىن تارتۋ تاجىريبەسىن ەنگىزۋ جونىندە شەشىم قابىلداندى.
تۇتاستاي العاندا, ۇلتتىق الدىن الۋ تەتىگىنىڭ ءىىم قاجك-مەن ءوزارا ءىس-قيمىلىنداعى وڭ ديناميكا اتاپ ءوتىلدى, بۇل تۋرالى پەنيتەنتسيارلىق مەكەمەلەر اكىمشىلىكتەرىنىڭ ولارعا ۇات قاتىسۋشىلارىنىڭ كىرۋىنە كەدەرگى كەلتىرەتىن جاعدايلاردىڭ بارىنشا ازايۋى كۋالاندىرادى.
وسى تۇرعىدا ۇيلەستىرۋ كەڭەسىنىڭ حالىقارالىق ساراپشىلارمەن بىرلەسىپ قۇقىق قورعاۋ ورگاندارىنىڭ قىزمەتكەرلەرى ءۇشىن ءتيىستى ترەنينگتەر وتكىزۋ جونىندەگى ءرولى جوعارى باعالاندى.
«ەگەمەن-اقپارات»
