ايماقتار • 24 قازان، 2018

الماتىدا «نۇرلى جەر» باعدارلاماسى بويىنشا 1500 سالىمشى باسپانالى بولادى

210 رەتكورسەتىلدى

«نۇرلى جەر» مەملەكەتتىك تۇرعىن ءۇي باعدارلاماسى الماتىنىڭ دا تالاي تۇرعىنداردى قونىس تويىنا جەتكىزىپ وتىر.

ەندىگى كەزەكتە تۇرعىن ءۇي قۇرىلىس جيناق بانكىنىڭ الماتىداعى 1 500 سالىمشىسى «نۇرلى جەر» باعدارلاماسىنىڭ اياسىندا باسپانا يەسى اتانباق.

وسى تولىمدى وقيعاعا وراي بۇگىن باق وكىلدەرى باعدارلاما ارقىلى بەرىلەتىن ۇيلەرگە ساياحات جاسادى. ءوز كەزەگىندە بۇل ۇيلەر  – «جەرگىلىكتى اتقارۋشى ورگاندار ارقىلى كرەديتتىك تۇرعىن ءۇي قۇرىلىسى» باعىتى بويىنشا الاتاۋ اۋدانى، «سايالى» ىقشاماۋدانىندا سالىنىپ جاتىر. كەشەن 5 قاباتتى كوپپاتەرلى ۇيلەردەن تۇرادى. پاتەرلەر اۋماعى 29-84 شارشى مەترى ارالىعىندا.

قازىر بانك 886 پاتەردەن تۇراتىن پۋل دايىندادى. جىل سوڭىنا دەيىن تاعى 621 پاتەر بويىنشا ءوتىنىش قابىلداۋ جاريالانادى. ال «نۇرلى جەر» باعدارلاماسى اياسىندا تۇرعىن ءۇي قۇرىلىس جيناق بانكى جەلىسى ارقىلى ساتىلاتىن ءار پاتەرگە 6 ۇمىتكەردەن كەلەدى.

– قازىر تۇرعىن ءۇي قۇرىلىس جيناق بانكى ونىمدەرى مەن باعدارلامالارى حالىق اراسىندا ۇلكەن سۇرانىسقا يە بولىپ وتىر. وسى جىلدىڭ العاشقى 9 ايىنىڭ ناتيجەسى بويىنشا جالپى قازاقستاندىق يپوتەكاداعى ءبىزدىڭ بانكتىڭ ۇلەسى 62%-عا تەڭ. 26 000 ازامات باسپانالى بولدى، ونىڭ 6 000-ى «نۇرلى جەر» مەملەكەتتىك باعدارلاماسى بويىنشا ءۇي الدى. وسى جىلدىڭ سوڭىنا دەيىن تەك ءبىر الماتىدا عانا تاعى 3 000 پاتەر ساتىلادى، ونىڭ 1 500-ءى «نۇرلى جەر» باعدارلاماسى بويىنشا بەرىلەدى. بۇل كەلتىرىلىپ وتىرعان دەرەكتەر – ەلدەگى الەۋمەتتىك تۇرعىدان ەڭ وزەكتى ماسەلەلەردىڭ ءبىرىنىڭ، ياعني ازاماتتاردى قولجەتىمدى ۇيمەن قامتاماسىز ەتۋدىڭ ءتيىمدى جولمەن شەشىلىپ جاتقانىنىڭ ايقىن مىسالى، – دەدى تۇرعىن ءۇي قۇرىلىس جيناق بانكى الماتى قالالىق فيليالىنىڭ ديرەكتورى گۇلزات سيمتيكوۆا.

«نۇرلى جەر» بويىنشا تۇرعىن ۇيلەر 50/50 قاعيداسىمەن بولىستىرىلەدى. ياعني پاتەرلەردىڭ كەم دەگەندە 50%-ى اكىمدىكتە تۇرعىن ءۇي كەزەگىندە تۇرعاندارعا بەرىلەدى، ال قالعان 50%-ى كەزەكتە جوق تۇرعىن ءۇي قۇرىلىس جيناق بانكى سالىمشىلارى اراسىندا ساتىلادى.

جالپى العاندا 2019 جىلدىڭ ناۋرىز ايىندا «الما سيتي» تۇرعىن ءۇي كەشەنىندەگى بەس قاباتتى ۇيلەردەن 600 پاتەردى پايدالانۋعا بەرۋ جوسپارلانىپ وتىر. بۇدان بولەك، توعىز قاباتتى ۇيلەردەگى 1 مىڭنان استام پاتەر 2019 جىلدىڭ شىلدەسىندە سالىنىپ بىتەدى.

ايناش ەسالي،

«ەگەمەن قازاقستان»

الماتى

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

قازاقتىڭ تۇڭعىش ابايتانۋشىسى

رۋحانيات • بۇگىن، 14:24

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

حيرۋرگ، عالىم، قالامگەر

رۋحانيات • بۇگىن، 07:38

اقتىق ساپارعا شىعارىپ سالدى

قوعام • بۇگىن، 07:34

ۇقساس جاڭالىقتار