وش قالاسىندا ءوتىپ جاتقان ءىى قازاق-قىرعىز زيالىلارى فورۋمىنىڭ ەكىنشى جۇمىس كۇنى قازاقستاننىڭ حالىق جازۋشىسى شەرحان مۇرتازانى ەسكە الۋمەن باستالدى.
قىرعىزستان جازۋشىلار وداعىنىڭ توراعاسى اكبار رىسقۇلوۆتىڭ باستاماسىمەن فورۋمعا قاتىسۋشىلار بىرنەشە كۇن بۇرىن عانا ومىردەن وتكەن زاڭعار جازۋشىنى ءبىر مينۋت ۇنسىزدىكپەن ەسكە الدى.
فورۋمعا قاتىسۋشىلار شەرحان مۇرتازانىڭ ادەبيەت پەن جۋرناليستيكاداعى ايىرىقشا ورنىن اتاپ ءوتىپ, جازۋشىنىڭ قازاسى قازاق-قىرعىزعا بىردەي ەكەندىگىن تىلگە تيەك ەتتى. سونداي-اق, باۋىرلاس ەكى حالىقتىڭ ادەبيەتى مەن مادەنيەتى دە بىتە قايناسىپ جاتقانىنا توقتالدى.
فورۋم بارىسىندا قازاق پەن قىرعىزعا ورتاق تۇلعالاردىڭ تاريحتا مول بولعانى دا ايتىلدى. اتاپ ايتقاندا, «ەڭسەگەي بويلى ەر ەسىم» دەگەن اتپەن ۇلت جادىندا ساقتالعان ەسىم حان باۋىرلاس قوس حالىق ءۇشىن دە ورنى بولەك تۇلعا. سونىمەن قاتار, 90 جىلدىعى اتاپ ءوتىلىپ جاتقان شىڭعىس ايتماتوۆتى تا قازاق-قىرعىز جوعارى باعالايدى. جيىندا ەكى حالىقتىڭ تاعدىر-تالايىنداعى وسىنداي ورتاق جايتتار ءسوز بولدى. فورۋم سوڭىندا ارنايى رەزوليۋتسيا قابىلدانادى.
