ايدار چارلز ۇلى بەركىمباەۆ 1970 جىلى تۋعان. الماتى ەنەرگەتيكا جانە بايلانىس ينستيتۋتىن, «ارنا» ۋنيۆەرسيتەتىن, قازاق سپورت جانە تۋريزم اكامەدياسىن ونەركاسىپتىك جىلۋ ەنەرگەتيگى, تاۋ ينجەنەر-گەوفيزيگى, دەنە شىنىقتىرۋ ءپانىنىڭ مۇعالىمى, كۇرەس جاتتىقتىرۋشىسى ماماندىقتارى بويىنشا اياقتاعان. العاشقى ەڭبەك جولىن الماتى وبلىسى ەڭبەكشىقازاق اۋدانى «گيگانت» جەمىس-جيدەك سوۆحوزىنىڭ جۇمىسشىسى بولىپ باستادى. ءار جىلداردا ءتۇرلى جەكە قۇرىلىمداردا باسشىلىق قىزمەتتەر اتقاردى, «الماتى ەلەكتر ستانتسياسى» اق مەردىگەرلىك جۇمىستار ءبولىمىنىڭ مامانى بولدى. 2014 جىلدىڭ قاراشا ايىنان - «الماتى ەلەكتر ستانتسياسى» اق-نىڭ ءبولىم باستىعى قىزمەتىن اتقارعان.
ال الماتى وبلىسى اكىمىنىڭ وكىمىمەن دانيار كەڭعازى ۇلى الىمباەۆ وبلىستىق قارجى باسقارماسىنىڭ باسشىسى بولىپ تاعايىندالدى. ول 1977 جىلى تۋعان. قازاق مەملەكەتتىك زاڭ ينستيتۋتىن, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن زاڭگەر, ەكونوميست ماماندىقتارى بويىنشا بىتىرگەن. ەڭبەك جولىن الماتى وبلىسى ىلە اۋدانىنداعى «رەمسترويتەحنيكا» ااق-دا كەڭەسشى زاڭگەر بولىپ باستاعان. ءار جىلداردا الماتى قالاسى جەتىسۋ اۋدانى اكىمى اپپاراتىنىڭ مەملەكەتتىك-قۇقىقتىق ءبولىمىنىڭ مەڭگەرۋشىسى, باستىعى, «قازاقستان جاستارىنىڭ كونگرەسى» زاڭدى تۇلعالاردىڭ قاۋىمداستىق نىسانىنداعى بىرلەستىگى اتقارۋ ديرەكتوراتىنىڭ اپپارات باسشىسى, قازاقستان رەسپۋبليكاسى پرەمەر-ءمينيسترىنىڭ كەڭسەسى قر پرەمەر-ءمينيسترى ورىنباسارىنىڭ كومەكشىسى, قازاقستان رەسپۋبليكاسى پرەزيدەنتىنىڭ اكىمشىلىگى قر پرەزيدەنتى كەڭسەسىنىڭ باس ساراپشىسى, پرەزيدەنت اكىمشىلىگى كادر ساياساتى ءبولىمىنىڭ باس ساراپشىسى, باس كونسۋلتانتى, «ايتەي» جشس زاڭ قىزمەتىنىڭ باسشىسى, استانا قالاسىنداعى «بايتەرەك» قازاقستان-رەسەي بىرلەسكەن كاسىپورنى» اق كادر قىزمەتى باستىعىنىڭ ورىنباسارى, الماتى وبلىسى اكىمىنىڭ اپپاراتى زاڭ, مەملەكەتىك-قۇقىقتىق ءبولىمىنىڭ مەڭگەرۋشىسى, الماتى وبلىستىق قارجى باسقارماسى باسشىسىنىڭ ورىنباسارى لاۋازىمدارىن اتقاردى. 2018 جىلدىڭ قىركۇيەگىنەن - الماتى وبلىسى اكىمىنىڭ كومەكشىسى بولدى.
