ساپاردى ەلىمىزدىڭ سىرتقى ەكونوميكالىق باسىمدىقتارىن جۇزەگە اسىرۋ جانە «نۇرلى جول» ينفراقۇرىلىمدىق دامۋ مەملەكەتتىك باعدارلاماسىنىڭ وزىق جوبالارىن ىلگەرىلەتۋ شەڭبەرىندە الماتى وبلىسى اكىمدىگى مەن «قازاقستان تەمىر جولى» ۇك» اق-مەن بىرلەسە وتىرىپ, سىرتقى ىستەر مينيسترلىگى ۇيىمداستىردى.
پرەزيدەنت ن. نازارباەۆ قازاقستاننىڭ حالقىنا كەشە عانا جاساعان جولداۋىندا بۇگىنگى جانە باسقا دا مىندەتتەردى ۇكىمەت پەن ءسىم الدىنا قويعانى وتە سيمۆوليكالىق بولىپ تابىلادى.
ءىس-شاراعا ەۋروپا, ازيا, تاياۋ شىعىس, سولتۇستىك جانە وڭتۇستىك امەريكا, افريكالىق كونتينەنت ەلشىلەرى مەن ديپميسسيا وكىلدەرى, سونداي-اق دۇنيەجۇزىلىك بانك, ەسكاتو, ەقىۇ سياقتى بىرقاتار حالىقارالىق جانە ايماقتىق ۇيىمدار وكىلدىكتەرىنىڭ باسشىلارى قاتىستى.
سىرتقى ىستەر ءمينيسترى قايرات ءابدىراحمانوۆ شەتەلدىك ديپلوماتتاردىڭ الدىندا سويلەگەن سوزىندە «نۇرلى جول» باعدارلاماسىن جۇزەگە اسىرۋ قىتايدىڭ شىعىس جاعالاۋى – ليانيۋنگان پورتىنان قازاقستان مەن قىتاي شەكاراسىنداعى قۇرعاق پورت ارقىلى تەمىرجول جانە اۆتوكولىك جولدارى جۇيەسى ارقىلى كاسپي تەڭىزىنەن ەۋروپاعا اپاراتىن وڭتايلى لوگيستيكالىق تىزبەكپەن قامتاماسىز ەتكەنىن اتاپ ءوتتى. اتالعان لوگيستيكالىق تىزبەك ترانسكاسپيلىك حالىقارالىق ءدالىزدىڭ كونتەينەرلىك مۋلتيمودالدى باعىتتارىن بايلانىستىراتىندىقتان ورتالىق ازيا, قىتاي, كاۆكاز, تۇركيا جانە ەۋروپا ەلدەرىنىڭ سەرىكتەستەرى ءۇشىن اسا تارتىمدى بولىپ تابىلادى.
«مەملەكەت باسشىسى قازاقستاندى ەۋرازيانىڭ اسا ماڭىزدى كولىكتىك-لوگيستيكالىق حابىنا اينالدىرۋ بويىنشا ۇلكەن مىندەت قويدى, وسى ماقساتتا ءبىز «سولتۇستىك - وڭتۇستىك», «شىعىس - باتىس», «باتىس ەۋروپا - باتىس قىتاي» دالىزدەرىنىڭ تولىققاندى جۇمىس ىستەۋىن قامتاماسىز ەتۋدى, «نۇرلى جول» اياسىنداعى جاڭا ەكونوميكالىق ساياساتتى قىتايلىق «بەلبەۋ جانە جول» باستاماسىمەن ۇيلەستىرۋدى, سونداي-اق قازاقستاننىڭ وڭىرلەرىن «قىتاي – يران» كونتينەنتارالىق ماگيسترالدارىمەن جانە كاۆكاز بەن رەسەي ارقىلى وتەتىن دالىزىمەن بايلانىستىرۋدى كوزدەيمىز», - دەدى مينيستر.
مەملەكەت باسشىسىنىڭ ء«تورتىنشى يندۋستريالدى رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنا سايكەس, ۇكىمەت 2020 جىلى ترانزيتتىك تاسىمالدان تۇسەتىن جىل سايىنعى تابىستى 5 ميلليارد اقش دوللارىنا دەيىن ۇلعايتۋدى, كونتەينەرلىك تاسىمالدى 2 ميلليون جفم-گە (جيىرما فۋتتىق مولشەر – جۇك تاسىمالى قۇرالدارىنىڭ سىيىمدىلىعى ولشەمىنىڭ شارتتى بىرلىگى) جەتكىزۋدى, اۋە قاتىناسى ارقىلى جولاۋشىلار تاسىمالىن 4 ەسەگە ۇلعايتۋدى جانە ترانزيتتىك جولاۋشىلار اعىنىن 1,6 ميلليونعا جەتكىزۋ جوسپارلاۋدا.
ق. ءابدىراحمانوۆ بىلتىرعى جىلى قازاقستان ارقىلى جۇك تاسىمالى 17%-عا ءوسىپ, 17 ميلليونعا جۋىق توننا قۇراعانىن جانە 2015 جىلدان باستاپ ءجىو-دەگى كولىكتىك سالانىڭ ۇلەسى ورتا ەسەپپەن 8%-دان تومەن بولماعانىن اتاپ ءوتتى. «قورعاس» شىحو-نىڭ ءساتتى جۇزەگە اسىرىلۋىنىڭ ارقاسىندا قازىرگى كەزدە قازاق-وزبەك شەكاراسىندا وسى ىسپەتتەس شىحو قۇرۋ ماسەلەسى قاراستىرىلۋدا.
«قورعاستاعى» ترانسشەكارالىق سەرىكتەستىكتى دامىتۋ قازاقستان-قىتاي قارىم-قاتىناستارىنىڭ نەگىزگى جوبالارىنىڭ ءبىرى بولىپ تابىلادى. شىحو ءوز اۋماعىندا قازاقستان جانە قىتاي ازاماتتارىنىڭ, سونداي-اق بولۋ ەلىنە رەسمي ساپارمەن ىسكەرلىك كەزدەسۋلەرگە, قازاقستاندا, قىتايدا جانە تمد ەلدەرىندە وندىرىلەتىن ونەركاسىپتىك ونىمدەرمەن تانىسۋعا, ساۋدا-ساتتىق جانە ساۋدا كەلىسىمدەرىن جاساۋعا, دەمالىسقا كەلگەن ءۇشىنشى ەلدىڭ ازاماتتارىنىڭ ەركىن قوزعالۋىن ءجۇرىپ-تۇرۋىن قامتاماسىز ەتەدى.
سىرتقى ىستەر مينيسترلىگىنىڭ ءباسپاسوز قىزمەتى
