سالتاناتتى شاراعا قازاقستاننىڭ مەملەكەتتىك حاتشىسى گۇلشارا ابدىحالىقوۆا, وبلىس اكىمى قىرىمبەك كوشەرباەۆ جانە قالا اكىمى نۇرلىبەك نالىباەۆ ارنايى قاتىسىپ, بارشا قالا تۇرعىندارىن ايتۋلى مەرەكەمەن قۇتتىقتادى.
«سىر سۇلەيلەرى» اللەياسىندا قالاعا قاراستى كەنت, اۋىلدىق وكرۋگتەردىڭ قاز-قاتار ورنالاسقان قاراشا ۇيلەرىنەن ەتنواۋىل بوي تۇزەسە, ارنايى تىگىلگەن اق شاتىرلاردا قالا مەيرامحانالارى ۇلتتىق داستارحان ءمازىرىن جانە شارۋا قوجالىقتارى قاۋىن, قاربىز, قىمىز, شۇبات, باۋىرساقتاردى قالا تۇرعىندارى مەن قوناقتارىنا تارتۋ ەتتى.
بۇل كۇنى قالاعا قاراستى شارۋاشىلىق قۇرىلىمدارى 600 ليتر قىمىز, 600 ليتر شۇبات, 4 توننا قاۋىن, 4 توننا قاربىز, 50 كگ قاۋىن قاق, 50 كگ قاۋىن قۇرت اكەلسە, قالا كاسىپكەرلەرىنىڭ مەرەكەلىك تارتۋى رەتىندە «براۋنيس» كونديتەرلىك اسحاناسى, «Salem Village» ساۋدا ماركەتى, «شاح ساراي», «ماقسۇت», «كورەانا» مەيرامحانالارى ءتۇرلى اس مازىرلەرىن جانە جەكە كاسىپكەرلەر قالامىزدىڭ 200 جىلدىعىنا ارناپ 200 قوراپ باۋىرساق ازىرلەدى.
باقتيار تايجان,
«ەگەمەن قازاقستان»
قىزىلوردا وبلىسى
