وتىرىس بارىسىندا شەتەلدىك ينۆەستيتسيالاردى تارتۋ, ەكونوميكالىق ءوسىم مەن يننوۆاتسيالاردىڭ قوزعاۋشى كۇشى رەتىندە باسەكەگە قابىلەتتى ەكونوميكالىق ورتانى قامتاماسىز ەتۋ ءۇشىن قولايلى جاعدايلار مەن ءادىل رەجيمدى قۇرۋ مۇمكىندىكتەرىن كەڭەيتۋ ماسەلەلەرى تالقىلاندى. سونداي-اق, مينيسترلەردىڭ وسى جىلدىڭ 12 شىلدەسىندە وتكەن وتىرىستىڭ قورىتىندىسى بويىنشا ياجك مۇشەلەرىنىڭ ۇسىنىستارىن پىسىقتاۋ جونىندەگى ەسەپتەرى قارالدى. الەۋمەتتىك-مادەني سالاعا ينۆەستيتسيالار سالۋ ماسەلەلەرى كوتەرىلدى.
تالقىلاۋ بارىسىندا قازاقستانداعى امەريكا ساۋدا پالاتاسىنىڭ اتقارۋشى ديرەكتورى د. برەدبيۋري, قر-داعى كانادا ەلشىسى ن. برۋسسو, قر-داعى اقش ەلشىلىگىنىڭ ۋاقىتشا سەنىمدى وكىلى ت. لينگ, قر-داعى ۇلىبريتانيا ەلشىسى م. گيففورد, قر-داعى حالىقارالىق قارجى كورپوراتسياسىنىڭ ديرەكتورى ك. كولبەرت, ەىدۇ باسەكەلەستىك ماسەلەلەرى جونىندەگى اعا ساراپشىسى س. زيگەلسكي, Morgan Lewis زاڭ فيرماسىنىڭ باسقارۋشى سەرىكتەسى ا. شىڭعىسوۆ ءسوز سويلەدى.
