بىرىككەن ۇلتتار ۇيىمى باس اسسامبلەياسىنىڭ 1990 جىلعى 14 جەلتوقسانداعى كەزەكتى وتىرىسىندا 1 قازان – دۇنيەجۇزىلىك قارتتار كۇنى دەپ بەلگىلەنگەننەن بەرى ەلىمىزدە جىل سايىن وسى كۇن كەڭىنەن اتالىپ ءوتىلىپ, قاريالارىمىزعا قۇرمەت كورسەتىلىپ كەلەدى.
«قارتتار كۇنى» مەرەكەسىمەن قاتار ىشكى ىستەر ورگاندارىنىڭ ارداگەرلەرى قىزىلوردا قىىب ارداگەرلەر كەڭەسىنىڭ توراعاسى الماعامبەت ۇلى جاقسىلىق 75 جاسقا جانە وماروۆ ارىستانبەك, وماروۆ سارسەنباي, ساعىمباەۆ ءامىرحان 70 جاسقا تولۋ مەرەيتويلارى دا تۋرا كەلدى.
ءومىردىڭ تالاي بەلەستەرىنەن تابىستى ءوتىپ, بۇگىندە الىپ بايتەرەكتەي ءبىر اۋلەتتىڭ اقىلشى تىرەگى, ۇجىمنىڭ ارقا سۇيەر ارداگەرلەرىن قىزىلوردا ءوىىد باستىعىنىڭ ورىنباسارى پوليتسيا پولكوۆنيگى انارباەۆ نۇرلان سانسىزباي ۇلى قۇتتىقتاپ, العىس ءبىلدىردى.
قىزىلوردا ءوىىد جانىنداعى ارداگەرلەر كەڭەسىنىڭ توراعاسى سەرىكبول تۇڭعىشباي جانە قىزىلوردا قىىب ارداگەرلەر كەڭەسىنىڭ توراعاسى الماعامبەت ۇلى جاقسىلىق ارداگەر ابىشەۆ جايلاۋبايدى 70 جاسقا تولۋ مەرەيتويىمەن قۇتتىقتاپ, «قر ءىىم-ءنىڭ قۇرمەتتى ارداگەرى» توسبەلگىسىن تاقتى.
سونىمەن قاتار, شارا بارىسىندا قىزىلوردا وبلىسى ىشكى ىستەر ورگاندارىنىڭ زەينەتكەرلەرىن ماراپاتتاۋ تۋرالى دەپارتامەنت باستىعىنىڭ بۇيرىعىنا سايكەس, ءوىىد-ءنىڭ «قۇرمەت گراموتاسىمەن» شالعىنباي جەتىباي, ابدىقالىقوۆ ەرتاي, بەكيشەۆ ەرگالي, بەكەتوۆ بوزجان, قۋاتباي ساعىنبەك, پاك لەونيد, ساعىمباەۆ ءامىرحان, الماعانبەتوۆ قوجابەك, وسپانوۆ سارسەنباي, ەرسەيتوۆ سەيتبەك ماراپاتتالدى.
«نۇر وتان» پارتياسى اتىنان اۋدان ورتالىقتارىنان كەلگەن ارداگەرلەر ءالجانوۆ ءسابيت, جۇسىپباەۆ تورەباي, امانوۆ نۇعمان, دەلمانبەتوۆ تەمىرحان, بايجانوۆ بەرىكبايعا العىس حاتتار تابىستالدى.
سالتاناتتى ءىس-شارا پوليتسيا قىزمەتكەرلەرىنىڭ كۇشىمەن دايىندالعان مەرەكەلىك كونتسەرتكە ۇلاستى. ۇرپاققا يگىلىك پەن ىزگىلىكتىڭ, پايىم-پاراساتتىڭ ۇلگىسىن تانىتقان ارداگەرلەر ءوز كەزەگىندە ءىس-شارانى ۇيىمداستىرۋشىلارعا العىستارىن ءبىلدىردى.
