كاميلا عابدۋللينا
«كوشپەلىدەن كەيىنگى كوكجيەك» كورمەسىنە 33 سۋرەتشى قاتىسادى, ولار پوستمودەرنيزمنىڭ زاماناۋي تىلىندە كوركەم سۋرەت, فوتوسۋرەت, ءمۇسىن, ينستاللياتسيا جانە ۆيدەو سەكىلدى ءارتۇرلى شىعارماشىلىق مەديادا جۇمىس ىستەيدى.
كورمە شىعارماشىلىق تاجىريبەلەر ارقىلى «كوشپەلىدەن كەيىنگى» تۇجىرىمداماسىن كورسەتەتىن قازىرگى زاماننىڭ سۋرەتشىلەرى مەن كەڭەستىك ءىزاشارلارى اراسىنداعى ديالوگ تۇرىندە قازاقستاننىڭ زاماناۋي ونەرىن ۇسىنادى.
كورمە كۋراتورلارى ينديرا دۇيسەباەۆا مەن اليا دە تيزەنگاۋزەن الەمدىك اعىمدار نەگىزىندە قازاقستاننىڭ ونەر تاريحىنداعى جاعدايدى, سونداي-اق, جاھاندانۋ تۇرعىسىنان قازاقستاندىق الەۋمەت سيپاتىن قاراستىرۋدى ۇسىنادى.
اليا دە تيزەنگاۋزەن اتاپ وتكەندەي, كەڭەستىك كەزەڭ كوشپەلى ءوسىر سالتىنىڭ تۇبەگەيلى جويىلۋىنا اكەلدى, ال قازىرگى جاھاندانۋ ءداۋىرى ءالى دە ساقتالىپ قالعان كوشپەندىلىك نىشاندارىنا – داستۇرلەرى مەن مادەنيەتىنە ىقپالىن تيگىزۋدە.
«پوستنوماديزم» ۇعىمى قازاقستانمەن بايلانىستىرىلاتىن, كەڭەس داۋىرىندەگى سۋرەتشىلەر دە, قازىرگى زامانداستارى دا بەلسەنە قولداناتىن كوشپەندىلەر ءداۋىرىن بىلدىرەدى, "كوشپەلىدەن كەيىنگى سانا" كورمەنىڭ اعىلشىن تىلىندەگى اتاۋىنىڭ سوزبە-ءسوز اۋدارماسى. بۇل ماعىناسىندا ء"سانا" سوزى ءبىزدىڭ ەلمەن بايلانىستىرىلاتىن ۆيزۋالدى تاپتاۋرىندىقتان ارىلىپ, سۋرەتشىلەردىڭ ەڭبەكتەرىن وتكەن مەن بولاشاقتى سانادا دا, سانادان تىس تا قايتا پىسىقتاۋ رەتىندە تالداۋعا دەگەن قۇشتارلىقتى ايقىندايدى», — دەدى ا. دە تيزەنگاۋزەن.
كورمە جەتەكشىلەرىنىڭ ايتۋىنشا, ۇسىنىلعان جۇمىستار سۋرەتشىلەردىڭ كورەرمەننىڭ الدىنا قويىپ وتىرعان, كورەرمەن ناتسيوناليزم, تراديتسيوناليزم, كونسيۋمەريزم, فەمينيزم, پوستكولونياليزم جانە پوستنوماديزم سۋبەكتىسى نەمەسە وبەكتىسى رەتىندە اتقاراتىن ءتۇرلى رولدەرى تۋرالى ساۋالدارى ىسپەتتى.
«كوشپەلىدەن كەيىنگى كوكجيەك» كورمەسىنە كەلەسى اۆتورلاردىڭ جۇمىستارى قويىلدى: ساليحيتدين ايتباەۆ, اسحات احمەدياروۆ, سايد اتابەكوۆ, سىرلىبەك بەكبوتاەۆ, الەكساندر بيبين, باقىت بۇبىقانوۆا, اعىمسالى دۇزەلحانوۆ, ساۋلە دۇيسەنبينا, ۆلاديمير ەيفەرت, كاميلا عابدۋللينا, اسەل قادىرحانوۆا, ءابىلحان قاستەەۆ, داۋرەن قاستەەۆ, مولداحمەت كەڭباەۆ, رۋستام حالفين, ماكۋم كيسامەدينوۆ, عالىم مادانوۆ جانە زاۋرەش تەرەكباي, عايشا مادانوۆا, ەربوسىن مەلدىبەكوۆ, الماگۇل مەڭلىباەۆا, ەركىن مەرگەنوۆ, گۇلنۇر مۇقاجانوۆا, ازا شادەنوۆا, ساۋلە سۇلەيمەنوۆا, زيتتا سۇلتانباەۆا, ءابدىراشيت سادىحانوۆ, باقتيار تابيەۆ, قانافيا تەلجانوۆ, الەكساندر ۋگاي, پاۆەل زالتسمان, ۆلاديمير تۆەردوحلەبوۆ, شولپان شارباقوۆا.
كورمە كۋراتورلارى: ينديرا دۇيسەباەۆا–زيابەك, اليا دە تيزەنگاۋزەن, كۋراتور-اسسيستەنت اليما بورانباەۆا جانە كونسۋلتانت ولگا سوۆا.
كورمە 16 قازانعا دەيىن اشىق بولادى. وتەتىن ورنى: The Wapping Project: 37 Wapping Wall, St Katharine's & Wapping.
ماسەلەن, كورمەدە الماگۇل مەڭلىباەۆانىڭ «ايشا ءبيبى كوبەلەكتەرى» بەينەينستاللياتسياسى ۇسىنىلعان, وندا سۋرەتشى ءوزىنىڭ كوشپەلى تامىرىن, ورتا ازيا حالىقتارىنىڭ شاماندىق داستۇرلەرىن تەرەڭىنەن تارتا وتىرىپ, ميفولوگيالىق جۇيەلىلىگىن اشا تۇسەدى. ەربوسىن مەلدىبەكوۆتىڭ «كوممۋنيزم شىڭى» تۋىندىسى سوڭعى 130 جىلدىڭ ىشىندە اتاۋى التى رەت وزگەرتىلگەن پامير شىڭدارىنىڭ ءبىرىنىڭ اۋىسۋ پروتسەسى ارقىلى وڭىردەگى يدەولوگيالىق وزگەرىستەردى زەردەلەۋدى بىلدىرەدى.
عالىم مادانوۆ جانە زاۋرەش تەرەكباي دۋەتى كورمەدە «ترانسگرەسسيا» ينستاللياتسياسىن پاش ەتتى, بۇل شىعارما 54-ءشى ۆەنەتسيا بيەننالەسىنىڭ ورتالىق ازيا پاۆيلونىندا كورسەتىلگەن بولاتىن. «ترانسگرەسسيا» — بۇل قازاقستاندىق قوعامدا ورىن العان كۇرت جانە ىرگەلى وزگەرىستەردى وي ەلەگىنەن وتكىزۋ.
اسەل قادىرحانوۆا ءوزىنىڭ «ماشينا» اتتى ينستاللياتسياسىمەن تانىستىردى. «ماشينا» — بۇل 1930 جىلدارداعى ستاليندىك رەپرەسسيانىڭ اتى-ءجونى بەلگىسىز بولىپ قالعان ميلليونداعان قۇرباندارىن ەسكە الۋ, سونداي-اق, قاماۋعا الۋ تۋرال"ى بۇيرىقتارعا قول قويعانداردىڭ جاۋاپكەرشىلىك ماسەلەسى, جەكە ادامنىڭ ۇجىمدىق زورلىق-زومبىلىقتاعى ءرولى مەن ورنى تۋرالى ەستەلىك.
سۋرەتتى تۇسىرگەن: كاميلا عابدۋللينا
