بۇگىنگى تاڭدا ەلىمىزدىڭ قارۋلى كۇشتەرى اسكەرگە شاقىرۋ جانە كەلىسىمشارت بويىنشا ارالاس تاسىلمەن جاساقتالادى. قازاقستان ارمياسىنىڭ ءىس-قيمىلى الەمدىك تاجىريبەگە نەگىزدەلگەن, سونىمەن قاتار جەكە قۇراممەن جاساقتاۋ, اسكەرگە شاقىرۋ كەنجەلەگەن جوق. وڭىرلەردە ساربازدار قاتارىنا قابىلدانعانداردى ارمياعا سالتاناتتى تۇردە شىعارىپ سالۋ, اسكەري انت قابىلداۋ ءداستۇرىن اشىق الاڭداردا, قالالار مەن اۋدانداردىڭ تاريحي ماڭىزدى جەرلەرىندە قوعام مەن بۇقارالىق اقپارات وكىلدەرىن كەڭىنەن تارتا وتىرىپ وتكىزۋ جوسپارلانۋدا. سەبەبى اسكەري-پاتريوتتىق جۇمىس جاس بۋىننىڭ بيىك پاتريوتتىق سەزىمىن قالىپتاستىرىپ, ءوز وتانىن قورعايتىن ءار ازاماتتىڭ ادامگەرشىلىك قاسيەتىن ودان ءارى دامىتۋعا ىقپال ەتۋى ءتيىس دەدى كونفەرەنتسيا بارىسىندا ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى, پولكوۆنيك ارداق كۋكاتوۆ. ونىڭ ايتۋىنشا, بيىل 1992-2000 جىلدار ارالىعىندا تۋعان 17 مىڭنان استام ازامات وتان الدىنداعى بورىشىن وتەۋگە شاقىرىلاتىن بولادى. اسكەر قاتارىنا دەنساۋلىعى مىقتى, پسيحولوگيالىق دايىندىعى جاقسى ەر ازاماتتار قابىلدانادى.
اسكەري بولىمدەر بويىنشا شاقىرىلۋشىلاردى ىرىكتەۋ جانە ءبولۋ كەزىندە الدىن الا زەردەلەۋ ناتيجەلەرى جانە شاقىرىلۋعا دەيىن يگەرگەن ماماندىقتارى ەسكەرىلەدى. سونىمەن بىرگە اسكەري بولىمدەر ەكساۋماقتىق قاعيدات بويىنشا جۇزەگە اساتىن بولادى. ياعني, ساربازدار وڭىرلەر بويىنشا جان-جاققا جىبەرىلمەك.
ۆەنەرا تۇگەلباي,
«ەگەمەن قازاقستان»
