بۇگىندە تۇرىك ينۆەستورلارى تاۋ-كەن, ەنەرگەتيكا سالالارىنا دا قىزىعۋشىلىق تانىتۋدا. ماسەلەن, «Lidya Madencilik» اتتى تۇرىك كومپانياسى قاراعاندى وبلىسىنداعى وڭتۇستىك مويىنتى التىن كەن ورنىنىڭ 100% ۇلەسىن ساتىپ الۋدى جوسپارلاپ وتىر.
سونداي-اق ەكى ەل ساۋدا اينالىمىن قازىرگى 2 ملرد دوللاردان 5 ملرد دوللارعا دەيىن كوبەيتۋگە كەلىستى. بۇگىندە قازاقستان تۇركيادان تاۋارلاردىڭ ۇلكەن اسسورتيمەنتىن يمپورتتايدى, سونىڭ ىشىندە حالىق تۇتىناتىن تاۋارلار (كيىم, اياق-كيىم), قۇرىلىس ماتەريالدارى, حيميا ونەركاسىبىنىڭ ونىمدەرىنىڭ ۇلەسى باسىم. تۇركيا ءۇشىن قازاقستان ەڭ الدىمەن قۇرىلىس سالاسىندا قىزمەت كورسەتۋ نارىعى رەتىندە تارتىمدى. قازاقستاندا Sembol, ENKA سياقتى تۇرىك كومپانيالارىنىڭ فيليالدارى تابىستى جۇمىس ىستەۋدە. تۇركيانىڭ Sembol Construction كومپانياسىنىڭ فيليالى 2017 جىلى ەلىمىزدىڭ بيۋدجەتىن 17,27 ملرد تەڭگەگە تولتىرىپ, قۇرىلىس كومپانيالارىنىڭ ىشىندە ەڭ ۇلكەن سالىق تۇسىمدەرىن قامتاماسىز ەتتى.
قازاقستان ءۇشىن ەكسپورتىنىڭ قۇرىلىمىندا 41%-ءى تۇتىنۋشىلىق, 47% ارالىق جانە 11% ينۆەستيتسيالىق تاۋاردى قۇرايتىن تۇركيانىڭ تاجىريبەسى وتە پايدالى. ءوز كاپيتالىمەن جانە تەحنولوگيالارىمەن كەلەتىن تۇرىك كاسىپكەرلەرى قازاقستان وڭىرلەرىنىڭ ءار ءتۇرلى سالالارىن دامىتۋعا ەلەۋلى ۇلەس قوسۋعا قابىلەتتى.
ايجان مۇقىشباەۆا,
الەمدىك ەكونوميكا جانە ساياسات ينستيتۋتىنىڭ ساراپشىسى
