ماسەلەن, مەملەكەت باسشىسى تۇرىك كاسىپكەرلەرىن ەل ەكونوميكاسىنىڭ شيكىزاتتىق ەمەس سالالارىنا ينۆەستيتسيا سالۋعا شاقىردى. ونىڭ ىشىندە تۇركيالىق كاسىپكەرلەردىڭ الەمدىك دەڭگەيدەگى تاجىريبەسى بار كولىك جانە كوممۋنيكاتسيا, اۋىل شارۋاشىلىعى, شاعىن جانە ورتا بيزنەس, تۋريزم سالالارىن بىرلەسە يگەرۋ قاي تاراپقا بولماسىن ءتيىمدى ەكەندىگى راس.
بىرىنشىدەن, مۇناي مەن گاز سالاسىنا قارجى سالاتىن شاق كەلمەسكە كەتتى. ەكىنشىدەن, قازاقستان مەن تۇركيا – دامۋ ۇدەرىسى جوعارى, باعىتتارى ۇقساس مەملەكەتتەر. ەكى ەل دە ەكونوميكانى ءارتاراپتاندىرىپ, بايلانىستارىن نىعايتۋعا مۇددەلى.
الايدا قازاقستان مەن تۇركيانىڭ كاسىپكەرلەرى ەكونوميكالىق قارىم-قاتىناستاردىڭ الەۋەتى تولىق قولدانىلىپ وتىرماعاندىعىن سەزەدى. سوندىقتان, قازاقستان پرەزيدەنتى ساۋدا اينالىمىن 5 ملرد اقش دوللارىنا جەتكىزۋ قاجەت ەكەندىگىن ايتقان كەزدە بارشا كاسىپكەرلەر ەلەڭ ەتە قالدى.
سوندىقتان نۇرسۇلتان نازارباەۆتىڭ رەسمي ساپارى ەكى ەل اراسىنداعى قارىم-قاتىناستارعا تىڭ سەرپىن بەرىپ, بايلانىستىڭ كوكجيەگىن كەڭەيتە تۇسپەك. سونداي-اق ساۋدا-ەكونوميكالىق بايلانىستاردى تەرەڭدەتە تۇسۋگە جول اشادى.
ەكى مەملەكەت ەكونوميكامەن ۇشتاسقان ساياسي بايلانىستار ارقىلى حالىقارالىق ارەنادا تىزە قوسىپ ارەكەتتەنە بەرمەك.
سانات كوشكىمباەۆ,
ساياسي عىلىمدار دوكتورى
