«جاستار – وتانعا!» جاستار ساياسي لاگەرى 2009 جىلدان بەرى تۇراقتى وتكىزىلىپ كەلە جاتقان يگى باستاما. بيىل قاتارىنان ونىنشى رەت ءوتىپ وتىرعان ءىس-شاراعا ەلىمىزدىڭ ءار ايماعىنان كەلگەن 170 بەلسەندى جاس قازاقستاندىق قاتىسۋدا. وسىلايشا, «جاس وتان» جاستار قاناتىنىڭ ءى سەزىندە ەلباسىنىڭ باستاماسىمەن اكتسيا رەتىندە باستالعان جوبا تىڭ يدەيالار تالقىلاناتىن ءتيىمدى الاڭعا اينالىپ وتىر. بۇگىندە مەملەكەتتىك دەڭگەيدە جۇزەگە اسىرىلىپ جاتقان «ديپلوممەن اۋىلعا!», «جاستار كادرلىق رەزەرۆى» سياقتى ءىرى جوبالار ءدال وسى لاگەر جۇمىسىنىڭ ناتيجەسىندە قولعا الىنعانىن ەرەكشە اتاپ وتكەن ءجون.
بارشا قاتىسۋشىلاردى لاگەردىڭ اشىلۋىمەن قۇتتىقتاعان ماۋلەن اشىمباەۆ جاستار ىسىنە قاتىستى پارتيا تاراپىنان اتقارىلعان جۇمىستارعا توقتالدى.
– قازىرگى تاڭدا «نۇر وتان» پارتياسى ەلباسى تاپسىرماسىنا سايكەس پارتيا قىزمەتىن جاڭعىرتۋ جۇمىستارىن قارقىندى جۇرگىزۋدە. وسى ماقساتتا 20-دان استام جاڭا جوبا قولعا الىندى. ولاردىڭ قاتارىندا جاستار ساياساتىن جانداندىرۋعا قاتىستى تىڭ باستامالار دا بار. ويتكەنى جاستار ماسەلەسى پارتيا جۇمىسىنداعى باسىم باعىتتاردىڭ ءبىرى. پارتيانىڭ باستاماسىمەن جاستاردىڭ باعدارلامالاۋ نەگىزدەرىن, روبوت تەحنيكالارىن جانە 3D مودەلدەۋدى ۇيرەنۋى ءۇشىن تەگىن «1000 ءىت-سىنىپ» اشۋ جوباسى جۇزەگە اسىرىلۋدا. ودان بولەك, جاس بۋىننىڭ دۇرىس تاماقتانۋى مەن سالاماتتى ءومىر سالتىن ۇستانۋىن قامتاماسىز ەتۋ ءۇشىن مەكتەپ اسحانالارىن جاڭعىرتۋ جانە مەكتەپ سپورت الاڭدارىن قايتا جابدىقتاۋ جۇمىستارىن باستاپ كەتتىك. اۋىل جاستارىنا اعىلشىن ءتىلىن ۇيرەتىپ, وتاندىق كىتاپحانالاردى زاماناۋي ءبىلىم ورتالىعى رەتىندە قايتا قۇرۋ باستامالارى دا پارتيا تاراپىنان ىسكە اسىرىلۋدا,– دەدى «نۇر وتان» پارتياسى توراعاسىنىڭ ءبىرىنشى ورىنباسارى.
بۇگىندە ەلىمىزدىڭ بىرقاتار كىتاپحانالارىندا اتالعان كۆوركينگ-ورتالىقتار اشىلدى. «جاس وتان» جاستار قاناتىنىڭ ۇيىمداستىرۋىمەن مۇنداي ورتالىقتاردا «Made in QZ»ۇلتتىق مۋزىكا كەشى, «جەتى جارعى» شەشەندىك ونەر كۋرستارى, «قولعانات» ەرىكتىلەر مەكتەبى سياقتى جاستارعا ارنالعان كوميۋنيتيلەر وتكىزۋ ءىسى قولعا الىنعان. قازىردىڭ وزىندە اقمولا, شىعىس قازاقستان, پاۆلودار وبلىستارى مەن الماتى جانە شىمكەنت قالالارىنداعى جاڭعىرتىلعان كىتاپحانالاردا بالالارعا ارنالعان «English for kids» جانە ەرەسەكتەرگە شەت تىلدەرىن ۇيرەتەتىن «Speaking club» كلۋبتارى جۇمىس ىستەپ تۇر.
اۋىل جاستارىنا اعىلشىن ءتىلىن ۇيرەتۋ ءۇشىن «نۇر وتان» اۋىلدارعا ۆولونتەرلار جىبەرۋ ءىسىن قولعا الدى. سونىڭ اياسىندا وسى ايدىڭ سوڭىنا دەيىن «جاس وتاننىڭ» ۇيىمداستىرۋىمەن «English for Jastar» جوباسى ءوز جۇمىسىن باستاماق. وعان 9 ەلدەن كەلگەن 28 شەتەلدىك ازامات پەن 140 قازاقستاندىق جاس ۆولونتەر قاتىسۋعا نيەت ءبىلدىردى.
شىلدە ايىندا «جاس وتاننىڭ» جاڭا سايتىندا «J-Library» ەلەكتروندىق كىتاپحاناسى ىسكە قوسىلدى. قازىر ونداعى كىتاپ قورى 650-گە جەتتى. جۋىردا وسى ەلەكتروندى كىتاپحانانىڭ ينتەرنەتسىز, ياعني وففلاين رەجىمدە وقۋعا مۇمكىندىك بەرەتىن ءموبيلدى قوسىمشاسى ىسكە قوسىلادى.
ودان بولەك, «جاس وتان» جاستار قاناتى «تازا مەكەن» جوباسى بويىنشا ەل اۋماعىنداعى 28 كيەلى مەكەندە تازالاۋ جۇمىستارىن جۇرگىزىپ, ەكسكۋرسيالار ۇيىمداستىردى. سونداي-اق جاستاردى بيزنەسكە باۋلىپ, تاجىريبە الماسۋعا, بيزنەس-باستامالارعا قولداۋ كورسەتۋگە باعىتتالعان «بيزنەس مەنتورلاردىڭ» ونلاين پلاتفورماسىن ىسكە قوسۋ جۇمىستارى پىسىقتالۋدا. اۋىلدىق جەرلەردە جاستار اراسىندا شاعىن كاسىپكەرلىكتى دامىتۋعا ارنالعان «جاستار – اۋىلعا» جوباسى اياسىندا «جاس وتان» «اتامەكەن» ۇلتتىق كاسىپكەرلەر پالاتاسىمەن بىرلەسىپ, 300-دەن استام جاستىڭ باسىن قوسقان بيزنەس-سەمينارلار وتكىزدى.
ماۋلەن اشىمباەۆ وسىنداي تىڭ جوبالاردى تابىستى جۇزەگە اسىرۋ ءۇشىن ەلىمىزدىڭ بارلىق جاستارىن بەلسەندىلىك تانىتۋعا شاقىردى. سونداي-اق ول بۇل جۇمىستار ەلباسى ايقىنداپ بەرگەن مىندەتتەردى ورىنداۋعا باعىتتالعانىن ايتىپ, وسى جولدا جاسوتاندىقتاردىڭ الدىندا تۇرعان باستى مىندەتتەردى اتاپ ءوتتى.
– بىرىنشىدەن, جاسوتاندىقتار «جاس وتاننىڭ» IV سەزىندە قابىلدانعان قورىتىندى قۇجاتتاعى باستامالاردى جۇزەگە اسىرۋعا باسىمدىق بەرۋى ءتيىس. ەكىنشىدەن, پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردى جۇزەگە اسىرۋعا دا بەلسەندى قاتىسۋى كەرەك. اسىرەسە وڭىرلەردە بۇل باعىتتاعى جۇمىستار قارقىندى جۇرگىزىلۋى قاجەت. ۇشىنشىدەن, «جاس وتان» ەل جاستارىن ەلباسى ساياساتىنا توپتاستىراتىن, بارلىق جاستار ۇيىمدارىنىڭ باسىن بىرىكتىرەتىن قوزعاۋشى كۇش بولۋى ءتيىس. بۇل رەتتە «ۇلتتىق پاتريوتتىق اكتىنىڭ» ماڭىزى زور. سەبەبى, وسى قۇجات ارقىلى ەلىمىزدەگى جاستار ۇيىمدارى بىرلەسىپ جۇمىس ىستەۋگە بەل بۋىپ وتىر. تورتىنشىدەن, اۋىل جاستارىنا كوپ كوڭىل ءبولۋىمىز كەرەك. پارتيا جۇزەگە اسىرىپ جاتقان مەكتەپ اسحانالارى مەن سپورت الاڭدارىن جاڭعىرتۋ, ءىت-سىنىپتار اشۋ, اعىلشىن ءتىلىن ۇيرەتۋ سياقتى پارتيالىق جوبالار نەگىزىنەن وسى اۋىل جاستارىنىڭ باسەكەگە قابىلەتتىلىگىن قامتاماسىز ەتۋگە باعىتتالعان. سوندىقتان جاسوتاندىقتار وسىنداي پارتيالىق جوبالاردى جۇزەگە اسىرۋدا كوبىنە اۋىدىق جەرلەرگە باسىمدىق بەرۋ ءتيىس. بەسىنشىدەن, «جاس وتان» جاستار قاناتىنىڭ وكىلدەرى ەلباسىنىڭ «رۋحاني جاڭعىرۋ» باعدارلاماسىن جۇزەگە اسىرۋعا بەلسەنە قاتىسىپ, ۇلتتىق كودتى ساقتاۋ, مادەني مۇرالارىمىز بەن قۇندىلىقتارىمىزدى دارىپتەۋ سياقتى باسىمدىقتاردى جۇزەگە اسىرۋدا جۇيەلى ارەكەت ەتۋى ءتيىس. اتالعان باسىمدىقتاردىڭ الدىڭعى لەگىندە جاستار ءجۇرۋى كەرەك,– دەدى ماۋلەن اشىمباەۆ.
سونىمەن قاتار «نۇر وتان» پارتياسى توراعاسىنىڭ ءبىرىنشى ورىنباسارى قازىرگى جاڭا ۇردىستەر مەن قۇندىلىقتارعا بايلانىستى باسەكەگە قابىلەتتى بولۋ ءۇشىن جاستاردىڭ بويىندا قانداي قاسيەتتەر بولۋى كەرەكتىگىن ايتتى.
– ەل جاستارىنىڭ بويىندا ۇدايى ىزدەنىس, اشىق سانا, اسقاق ارمان جانە ۇلتتىق مۇددە بولۋى ءتيىس. بۇل – بۇگىنگى زامان تالابى. سوندىقتان ىزدەنۋدەن, وقۋدان, ۇيرەنۋدەن جالىقپاۋ كەرەك. سونداي-اق بارلىق ماسەلەدە بىرجاقتى بولماي, بالاما پىكىرلەردى دە ەسكەرگەن ءجون. دۇرىس ارمانداپ, ناقتى ماقساتتار قويا ءبىلۋ كەرەك. ەڭ باستىسى, بارلىق ىستە ۇلتتىڭ, ەلدىڭ مۇددەسىن جوعارى قويىپ, حالىقتىڭ قامى ءۇشىن ەڭبەك ەتۋىمىز كەرەك, – دەدى ماۋلەن اشىمباەۆ.
ءىس-شارا بارىسىندا جاستار قوعامداعى وزەكتى ماسەلەلەرگە قاتىستى پكىرلەرىن ءبىلدىرىپ, سپيكەرگە ءوز ساۋالدارىن جولدادى.
لاگەر جۇمىسى 19 قىركۇيەككە دەيىن جالعاسادى. بيىلعى لاگەردىڭ ەڭ باستى جاڭالىعى قازاقستان جاستارىنىڭ «ۇلتتىق پاتريوتتىق اكتىگە» قول قويۋى بولىپ وتىر. بۇل قۇجاتقا «جاس وتان» جاستار قاناتىمەن بىرگە قوعامدىق دامۋ مينيسترلىگى جاستار جانە وتباسى ءىسى جونىندەگى كوميتەتى, «قازاقستاننىڭ جاستار كونگرەسى», «حالىقارالىق «بولاشاق» ستيپەندياسى ستيپەندياتتارىنىڭ قاۋىمداستىعى», «قازاقستان ستۋدەنتتەرىنىڭ اليانسى», «جاسىل ەل» جاستار ەڭبەك جاساقتارىنىڭ رەسپۋبليكالىق شتابى, قازاقستان حالقى اسسامبلەياسىنىڭ «جاڭعىرۋ جولى» رەسپۋبليكالىق جاستار قوزعالىسى سياقتى بىرقاتار جاستار ۇيىمدارى قول قويدى.
وسى رەتتە الداعى ۋاقىتتا دا قازاقستاندىق جاس ليدەرلەردىڭ ىنتىماقتاستىق قۇجاتى اتالعان اكتىگە قول قويۋعا كەز كەلگەن جاستار ۇيىمىنىڭ مۇمكىندىگى بار ەكەنىن اتاپ وتكەن ءجون.
لاگەر جۇمىسى بارىسىندا قاتىسۋشىلار Jas Otan Ironman ءۇشسايىسى, ياعني ساداق اتۋ, ۆەلوسيپەد, جۇگىرۋ-ياركوكروسس پەن شىعارماشىلىق كەشتەردە سىنعا تۇسەدى. سونداي-اق ارنايى شاقىرىلعان بىلىكتى ساراپشىلاردىڭ دارىستەرىن تىڭداپ, وزەكتى ماسەلەلەردى تالقىلاۋ جوسپارلانىپ وتىر. لاگەر قوناقتارىنىڭ قاتارىندا بەلگىلى قوعام قايراتكەرلەرى, ءماجىلىس دەپۋتاتتارى, بىلىكتى ماماندار مەن سپورتشىلار بار. ولار جاستارعا تابىسقا جەتۋ جولدارى مەن ءوز سالالارىنا قاتىستى سوڭعى ۇردىستەر جايىن ءسوز ەتپەك.
