تسيفروۆيزاتسيا بويىنشا جاۋاپتى (CDO) ءتورت ۆيتسە-مينيستر – دينارا ششەگلوۆا (قر اقپارات جانە كوممۋنيكاتسيالار ۆيتسە-ءمينيسترى), ارىستان قابيكەنوۆ (قر ينۆەستيتسيالار جانە دامۋ ۆيتسە-ءمينيسترى), ارمان ەۆنيەۆ (قر اۋىل شارۋاشىلىعى ۆيتسە-ءمينيسترى), مارات نۇرعوجين (قورعانىس جانە اەروعارىش ونەركاسىبى ۆيتسە-ءمينيسترى) IT-نارىق وكىلدەرىمەن اشىق ديالوگ جۇرگىزىپ, بيزنەس قاۋىمداستىعىمەن ناتيجەلى بايلانىس ورتانۋعا دايىن ەكەندەرىن بىلدىرۋدە.
ءىس-شاراعا شاقىرىلعان ارنايى قوناق رەتىندە شاقىرىلعان, مەملەكەتتىك سالادا بىرنەشە IT-جوبانى – جوبانى ىسكە اسىرعان Be In Tech كومپانياسىنىڭ باسشىسى باعدات مۋسين قاتىسۋشىلارمەن كورپوراتيۆتى سەكتورداعى تسيفرلىق شەشىمدەرمەن ءبولىستى.
«ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆتىڭ ايتۋىنشا, «كەلىسسوزدەر جۇرگىزۋدەگى اشىقتىق جانە قولجەتىمدىلىك ترەندكە اينالدى, مۇنىمەن ءبىز تەك ماقتانا الامىز. ويتكەنى حالىقتى تىڭداي وتىرىپ, جەتىستىكتەرگە قول جەتكىزە الامىز. بۇگىنگى شارا IT-نارىق وكىلدەرى مەن مينيسترلىكتەردە تسيفروۆيزاتسيا بويىنشا جاۋاپتى جەتەكشىلەردىڭ IT-جوبالارىنا جاڭا تىنىس بەرىپ, بيزنەس پەن مەملەكەتتىك سەكتوردىڭ ارا-قاتىناسىن نىعايتادى دەپ ويلايمىن».
بۇگىنگى فورۋم ەكى پانەلدىك سەسسيادان تۇرادى, ءبىرىنشى ءبولىم مينيسترلىكتەردى تسيفرلاندىرۋدىڭ اعىمداعى مىندەتتەرى تۋرالى جانە «تسيفرلىق قازاقستان» مەملەكەتتىك باعدارلاماسى اياسىندا الداعى جوبالار تۋرالى ەركىن «storytelling»-كە ارنالادى. سونىمەن قاتار, «اشىق ميكروفون» اتتى ينتەراكتيۆتى سەسسيا جوسپارلانىپ وتىر, ونىڭ بارىسىندا ءىت-نارىققا قاتىسۋشىلار مەملەكەتتىك ورگاندار وكىلدەرىنە سۇراقتار قويا الادى.
ايتا كەتەلىك, قر دەنساۋلىق ساقتاۋ مينيسترلىگى, قر قارجى مينيسترلىگى, قر ەڭبەك جانە حالىقتى الەۋمەتتىك قورعاۋ مينيسترلىگى, قر ءبىلىم جانە عىلىم مينيسترلىگىنىڭ ۆيتسە-مينيسترلەرى قاتىسۋىمەن 11 تامىزدا وتكەن «Digital Arena» ءبىرىنشى فورۋمىنان كەيىن اتالعان مينيسترلىكتەرگە 30-دان استام ءىت-كومپانيا ماسەلەلەرىن شەشىپ بەرۋ بويىنشا ءوتىنىم جاساعان, ءارى ۇشتەن ءبىر بولىگى پيلوتتىق جوبالاردى جۇزەگە اسىرماق.
