اقتوبە وبلىسىنداعى 7-20-25 باعدارلاماسى اياسىنداعى العاشقى جارنا مولشەرى كەيبىر كاتەگوريالارداعى تۇرعىندارعا ەكى ەسە ازايعان. بۇگىن وبلىس باسشىسى بەردىبەك ساپارباەۆ پەن "باسپانا" يپوتەكالىق ۇيىمىنىڭ توراعاسى قايرات التىنبەكوۆ فورۋم بارىسىندا ءتيىستى مەموراندۋمعا قول قويدى.
سودان سوڭ پارتيا حاتشىسى اقتوبە قالاسىنىڭ «نۇر اقتوبە» شاعىن اۋدانىندا مەملەكەتتىك باعدارلاما بويىنشا بوي كوتەرگەن تۇرعىن ۇيلەردى ارالادى.
2018 جىلى از قاباتتى عيماراتتار قۇرىلىسىنىڭ ەكىنشى كەزەڭى جوسپارلانعان. ول جالپى كولەمى 93,3 مىڭ شارشى مەتر نەمەسە 1695 پاتەرلى 3,4,5 قاباتتى 36 تۇرعىن ءۇي. اعىمداعى جىلى 3043 پاتەردى پايدالانۋعا بەرۋ جوسپارلانىپ وتىر.
اقتوبە وبلىسى «7-20-25» باعدارلاماسىمەن نەسيە الۋعا قابىلدانعان وتىنىمدەر سانى بويىنشا وبلىستار اراسىندا 4 ورىنعا يە. وبلىستا باعدارلاما شەڭبەرىندە ەكىنشى دەڭگەيلى بانكتەر ارقىلى 1165,0 ملن.تەڭگەگە نەسيە الۋعا 137 ءوتىنىم قابىلدانسا, ونىڭ ىشىندە 758,8 ملن.تەڭگەگە 88 ءوتىنىم ماقۇلداندى.
سودان سوڭ "نۇر وتان" پارتياسىنىڭ حاتشىسى تامارا دۇيسەنوۆا اقتوبە وبلىسىنداعى كاسىپكەرلىككە گەواقپاراتتىق ونلاين-قىزمەت كورسەتۋدى جۇزەگە اسىرۋ بارىسىمەن تانىستى.
اتالمىش پارتيالىق جوبا مەملەكەت باسشىسىنىڭ «نۇر وتان» پارتياسىنىڭ ساياسي كەڭەسىندە بەرگەن تاپسىرماسىمەن جۇزەگە اسۋدا.وسىعان سايكەس پورتالعا كاسىپكەرلەر كوممەرتسيالىق جالعا الا الاتىن جەر ۋچاسكەلەرى تۋرالى بارلىق قاجەتتى اقپارات سالىنادى.
تامارا دۇيسەنوۆانىڭ ايتۋى بويىنشا بۇل جەر ۋچاسكەلەرىن ءبولۋ ۇدەرىسىنىڭ اشىقتىعىن ارتتىرىپ, سونىمەن قاتار سىبايلاس جەمقورلىقتىڭ الدىن الادى.
سونداي-اق, ول مەكتەپتەردە بەرىلەتىن تاعامداردىڭ جاعدايى مەن ساپاسىن جاقسارتۋعا باعىتتالعان «مەكتەپ اسحانالارىن جاڭعىرتۋ» جوباسى اياسىندا اشىلعان «اتامەكەن» تاماقتانۋ كومبيناتىنىڭ قىزمەتىمەن تانىستى. قازىر اتالمىش كومبينات اقتوبە قالاسىنداعى 4 مەكتەپتە قىزمەت كورسەتىپ, 3 مىڭعا جۋىق مەكتەپ وقۋشىسىن تابيعي تازا ونىممەن تۇستەندىرۋدە.
كومبينات مەكتەپ وقۋشىلارىنا دۇرىس تاماقتانۋدى ۇيىمداستىرۋ ءۇشىن «نۇر وتان» پارتياسىنىڭ جوباسى اياسىندا قۇرىلدى.
-ءبىز بارلىق سانيتارلىق نورمالاردى ساقتاۋعا مۇمكىندىك بەرەتىن بىرىڭعاي جۇيە بويىنشا جۇمىس ىستەيمىز. بالالاردىڭ تاماقتانۋ جۇيەسىنەن قۇرامىندا تاعامدىق قوسپالار, بوياعىشتار بار تاعامداردى الىپ تاستاپ, تەك تابيعي ونىمدەردى قولدانامىز, - دەيدى كاسىپورىن باسشىسى كالاۋشا سادىقوۆا.
كومبينات قىزمەتىمەن تانىسقان سوڭ تامارا دۇيسەنوۆا بۇل تاجىريبەنى باسقا قالالاردا, سونىڭ ىشىندە استانادا دا ەنگىزۋگە بولاتىنىن ايتتى.
سودان سوڭ پارتيا حاتشىسى پارتيالىق جوبا بويىنشا اقتوبە پوليتەحنيكالىق كوللەدجى جانىنان اشىلعان ءىT-ورتالىقتىڭ جۇمىسىمەن تانىستى.
وقىتۋ جانە قايتا دايارلاۋ IT-ورتالىعىندا "Full-stack ازىرلەۋ", ء"موبيلدى ازىرلەۋ", "Big Data Analysis", "اكىمشىلىك دەرەكتەر" باعىتتارى بويىنشا ءبىلىم بەرىلەدى.
مەملەكەت باسشىسى تاياۋدا وتكەن «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا قاجەتتىلىگىنە بايلانىستى اۋىل جانە قالا تۇرعىندارىنا, اسىرەسە جاستارعا شاعىن نەسيە ۇسىنۋ قاجەتتىلىگىنە ەرەكشە نازار اۋدارعان بولاتىن.ەلباسىنىڭ ۇكىمەت الدىنا جۇكتەگەن تاپسىرماسى بۇگىندە ءوز جەمىسىن بەرۋدە.
اقتوبەلىك ميرا جيەنباەۆا 10 ملن. تەڭگە نەسيە الىپ, ءبىر اي بۇرىن مەكتەپكە دەيىنگى بالالاردى دامىتۋ ورتالىعىن اشقان. ورتالىق 120-عا دەيىن بالا قابىلداي الادى. مۇندا حورەوگرافيا, اعىلشىن ءتىلىن ۇيرەنۋ, لوگوپەد قىزمەتى, "گالو الەمى" تۇزدى شاحتا, ويىن الاڭى, مەديتسينالىق كابينەت جانە ت. ب. ءبىلىم بەرۋ قىزمەتتەرى كورسەتىلەدى.
پارتيا حاتشىسى وسى كۇنى مەملەكەتتىك قىزمەتكەرلەرمەن دە كەزدەستى.
