بايقاۋدىڭ ماقساتى ەلباسى ن. نازارباەۆتىڭ «تىلدەردىڭ ۇشتۇعىرلىعى» مادەني جوباسىن ىسكە اسىرۋ, ءۇش ءتىلدى – قازاق, ورىس جانە اعىلشىن تىلدەرىن جەتىك مەڭگەرگەن قىزمەتكەرلەردى انىقتاۋ جانە قولداۋ, جان-جاقتى دامىعان, باسەكەگە قابىلەتتى تۇلعا تاربيەلەۋ بولىپ تابىلدى.
اۋقىمدى ءىس-شارا قاراعاندى قالاسىندا بەكەر ءوتىپ جاتقان جوق. وتكەن جىلى «پوليگلوت-2017» بايقاۋىنىڭ جەڭىمپازى ءبىزدىڭ قىزمەتكەر – ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ راديوتەلەفونيستى ساقبوسىنوۆا ارۋ بولدى.
قاراعاندى وبلىسى توتەنشە جاعدايلار دەپارتامەنتىنىڭ باستىعى ازاماتتىق قورعاۋ پولكوۆنيگى يبراگيم كۇلشىمباەۆ ءىس-شارانى اشا وتىرىپ, ءبىزدىڭ كوپۇلتتى ەلىمىزدە بارلىق حالىقتاردىڭ مادەنيەتى مەن سالت-داستۇرىنە قۇرمەتپەن قارايتىندىعىن اتاپ ءوتتى: «قازاقستان پرەزيدەنتى نۇرسۇلتان نازارباەۆ قازاقستاندىقتاردى ءوز وتانىنىڭ كوپ ۇلتتىعى تۋرالى ماقتان تۇتادى».
بايقاۋ 5 تۋردان تۇردى. ءبىرىنشى تۋر «تانىستىرۋ» بولدى. كەلەسى كەزەڭدە مەملەكەتتىك تىلدە بەرىلگەن تەرميندەردى ورىس جانە اعىلشىن تىلدەرىندە نۇسقاسىن جازۋ قاجەت بولدى. بۇدان ءارى قاتىسۋشىلار قازاق حالقىنىڭ سالت-داستۇرلەرىنە, تۇرمىسى مەن مادەنيەتىنە بايلانىستى سۇراقتارعا جاۋاپ بەردى.ءتورتىنشى تۋردا كارتوچكادا بەرىلگەن تابيعي جانە تەحنوگەندىك سيپاتتاعى توتەنشە جاعدايلار تۋرالى احۋالدى باعالاپ, سيپاتتاپ بەرۋ قاجەت بولدى. سونىمەن قاتار, وسى جىلى لاتىن گرافيكاسى بويىنشا جاڭا تۋر ەنگىزىلدى.
كەنشىلەر استاناسىندا تج كوميتەتى بولىمشەلەرىنىڭ 17 قىزمەتكەرى: استانا, الماتى, شىمكەنت ق.ق. جانە وبلىستىڭ تج دەپارتامەنتتەرىنەن, سونىمەن قاتار, كوكشەتاۋ تەحنيكالىق ينستيتۋتىنىڭ قىزمەتكەرى ءتىل بىلۋدەن ءبىرىنشى بولۋ ءۇشىن باس سىناسادى. ولاردىڭ بارلىعى وڭىرلىك بايقاۋدىڭ جەڭىمپازدارى بولىپ تابىلادى.
بايقاۋعا قاتىسۋشىلاردى قر ءىىم تج كوميتەتى مەملەكەتتىك ءتىل جانە اقپارات باسقارماسىنىڭ باسشىسى جاركە باتىرجاننىڭ توراعالىعىمەن قاتال قازالار القاسى باعالادى.
قاتىسۋشىلاردىڭ ءبىلىمىن باعالاۋ كەزىندە تىلدەردى مەڭگەرۋ دەڭگەيى, جاۋاپتارىنىڭ ساپاسى جانە تولىقتىعى, سويلەۋ, ءجۇرىس-تۇرىس مانەرى, ۋاقىت رەگلامەنتىن ساقتاۋى ەسكەرىلدى.
قاتىسۋشىلار وزدەرىنىڭ بىلىمدەرى مەن شەبەرلىكتەرىن كورسەتە وتىرىپ جەڭىسكە ۇمتىلدى.
«پوليگلوت» بايقاۋىنىڭ قورىتىندىسى بويىنشا 1 جۇلدەلى ورىنعا قىزىلوردا وبلىسى تج دەپارتامەنتىنەن بەكسۇلتان بيجىگىت يە بولدى. ەكىنشى جۇلدەلى ورىندى كوكشەتاۋ تەحنيكالىق ينستيتۋتىنىڭ تىنداۋشىسى سەرىك ادىلەت الدى, ال ءۇشىنشى ورىندى قاراعاندى وبلىسىنىڭ تجد ءجۇنىس ايدانا يەلەندى.
«پوليگلوت» رەسپۋبليكالىق بايقاۋىنا قاتىسۋشىلاردىڭ بارلىعىنا ەستەلىك سىيلىقتار بەرىلدى.
