پرەمەر-مينيستر دەرەكتەردى وڭدەۋ ورتالىعىنىڭ ء(دوو) كوماندالىق ورتالىعى مەن گەرموايماعىن تەكسەردى. مۇندا قاراپايىم تەلەفون بايلانىسىنان باستاپ, تسيفرلىق تەلەۆيزيا مەن كەڭ جولاقتى ينتەرنەت نارىعىنداعى سوڭعى ۇسىنىستارعا دەيىن ءارتۇرلى قىزمەتتەر ۇسىنىلادى. قالالار مەن اۋىلدىق ەلدى مەكەندەر اراسىنداعى «قازاقتەلەكوم» اق قىزمەتتەرىنە قول جەتكىزۋ مەن پايدالانۋداعى ايىرماشىلىق ازايىپ كەلەدى.
«دەرەكتەردى وڭدەۋ ورتالىعى» يننوۆاتسيالىق جوباسى 2013 جىلى يندۋستريالاندىرۋ كارتاسى جوبالارىن تانىستىرۋعا ارنالعان جالپىۇلتتىق تەلەكوپىر كەزىندە ءوز جۇمىسىن باستاعان بولاتىن. بۇل — ورتا ازياداعى Tier III ساناتىنداعى, ياعني نىساننىڭ جۇمىسىن پروفيلاكتيكالىق جوندەۋ كەزىندە توقتاتپاي جۇزەگە اسىرۋعا مۇمكىندىك بەرەتىن سەنىمدى ءارى العاشقى جوبا.
«قازاقتەلەكوم» اق دەرەكتەر ورتالىقتارىنىڭ جەلىسى جالپى رەسپۋبليكانى قامتيدى جانە ۆيرتۋالدى حوستينگ, VPS, Colocation, Dedicated قىزمەتتەرى, سونداي-اق, بيىل شىلدە ايىندا قوسىلعان Microsoft Hosted SharePoint, Microsoft Hosted Exchange جانە بەينەكونفەرەنتسيا بايلانىسى جۇيەسى سەكىلدى بىرقاتار يننوۆاتسيالىق سەرۆيستەردى ۇسىناتىن 14 نىسانى بار.
ورتالىقتىڭ جۇمىسى تۋرالى Genesis Mining كومپانياسىنىڭ جەرگىلىكتى وكىلى لۋكاس پفايففەر ايتىپ بەردى. بۇگىندە دەرەكتەر ورتالىعى ەلەكتروندى اقپارتتى وڭدەپ ءارى ساقتايتىن 11 مىڭنان اسا قۇرىلعىنى قابىلداۋعا قاۋقارلى. تىرشىلىكتى قامتاماسىز ەتەتىن بارلىق جۇيە مىسالى, ەنەرگەتيكا, كونديتسيالاۋ, ءورت ءسوندىرۋ جۇيەلەرى كەيىنگە ساقتالىپ, مالىمەتتەردى جىبەرەتىن ماگيسترالدى كانالدارعا قوسىلعان. سونداي-اق, دەرەكتەردى وڭدەۋ ورتالىعىندا جيناقتىق ەسەپتەۋ تۇجىرىمداماسى نەگىزىندە جاسالعان قىزمەتتەر ۇسىنىلادى, ماسەلەن: جيناقتىق سەرۆەرلىك پلاتفورما, دەرەكتەردى ساقتاۋدىڭ جيناقتىق جۇيەسى, دەرەكتەردى وڭدەۋدىڭ ۆيرتۋالدى ساقتىق ورتالىعى, بيزنەسكە ارنالعان باعدارلامالىق قامسىزداندىرۋ, ينتەراكتيۆتى قارىم-قاتىناس جانە اقپاراتپەن الماسۋ جۇيەسى, جيناقتىق بەينەكونفەرەنتسيا بايلانىسى.
«قازاقتەلەكوم» اق باسقارما توراعاسى قۋانىش ەسەكەەۆ دەرەكتەردى وڭدەۋ ورتالىعى قازاقستاندا ۇسىنىلاتىن جيناقتىق قىزمەتتەر كولەمى بويىنشا كوش باستاپ تۇرعانىن اتاپ ءوتتى. كليەنتتەر — كورپوراتيۆتىك سەكتور مەن مەملەكەتتىك قۇرىلىمداردىڭ وكىلدەرى. بۇدان وزگە,ء دوو رەسەيلىك كليەنتتەر مەن سەرىكتەستەرگە قىزمەت ۇسىنا الادى, بۇل — پاۆلوداردىڭ رف شەكاراسىنا جاقىن ورنالاسۋ جاعدايىنا بايلانىستى.
