«Silk Way Series Astana» - CL2 دەڭگەيىندەگى جارىس. مۇندا ۆەلوشاباندوزدارعا الەم كۋبوگىنىڭ كەزەڭىندە ونەر كورسەتۋگە قۇقىق بەرەتىن جولداماعا ساي ۇپايلار بەرىلەدى.
سكرەتچ باسەكەسىندە التىن مەدالدى ارمەنيالىق ەدگار ستەپانيان جەڭدى.
«بۇل مەنىڭ استاناعا ەكىنشى مارتە كەلۋىم. وتكەن جولى مەن جاسوسپىرىمدەر اراسىنداعى الەم چەمپيوناتىنا كەلگەن ەدىم, - دەيدى ەدگار ستەپانيان. – وتكەن جىلى دا جارىستىڭ ۇيىمداستىرىلۋى كەرەمەت بولدى. مۇندا ءوزىمدى ۇيدەگىدەي سەزىنەمىن. سونىمەن قاتار, ماعان قولداۋ بىلدىرۋگە كەلگەن وسىنداعى ارمەنيانىڭ ەلشىلىگىنە دە العىسىمدى بىلدىرەمىن. ولاردىڭ قولداۋى مەن ءۇشىن ماڭىزدى بولدى. سەبەبى مەن جالعىز كەلگەن ەدىم. جانكۇيەرلەردىڭ قولداۋى جەڭىسكە جەتۋگە سەپتىگىن تيگىزگەنى انىق».
سكرەتچتە ەكىنشى ورىندى رەسەيلىك مامىر ستاش جەڭسە, ءۇشىنشى ورىن قازاقستاندىق عابيدەن ازەنگە بۇيىردى.
مامىر ستاش سونىمەن بىرگە ومنيۋم جارىسىن جەڭدى.
«جارىس مەن ءۇشىن جاقسى ءوتتى. ۇيىمداستىرۋشىلارعا العىسىمدى بىلدىرەمىن, - دەدى مامىر ستاش. – باسەكەلەستەرىمنىڭ ءبارى مىقتى بولدى. بىراق مەن ولاردان ءسال مىقتىراق بولدىم. الەم كۋبوگى ءۇشىن ۇپاي جيناۋعا كەلگەن ەدىم. ەندى الداعى ۋاقىتتا گەرمانيا مەن ۇلىبريتانياداعى ەكى بىردەي كەزەڭگە قاتىسسام دەيمىن. استانادا ءبىرىنشى رەت بولۋىم. بۇعان دەيىن الماتىدا بولعام. وندا مەن «الماتى تۋرى» جارىسىنا قاتىسقانمىن. استاناداعى ترەك قاتتى ۇناپ قالدى».
ومنيۋمدا كۇمىس مەدالدى ەدگار ستەپانيان, قولانى ازەن گابيدەن جەڭدى. ال جەكەلەي سپرينتتەگى مەدالداردىڭ ەكى التىنى دا جارىس يەلەرىنە بۇيىردى. سپرينتتە قازاقستاندىق شاباندوز پاۆەل ۆورجەۆ ۇزدىك اتاندى.
«كۇنى بويى جارىسىپ, اۋىر جارىس وتكىزدىك, - دەيدى پاۆەل ۆوجەۆ. – ءدال وسى جارىسقا ماقساتتى تۇردە دايىندالعانىم جوق. ازيا ويىندارىنان كەيىن دەمالىپ جاتقان ەدىم. قازىرگى بابىما قاراپ ايتسام, كورسەتكەن ناتيجەمە ءدان ريزامىن. باسەكەلەستەر مىقتى ەكەن. مىسالى الەم كۋبوگىندا جارىسىپ جۇرگەن دۋبچەنكو وسال ەمەس. نوسوۆ بولسا ليتۆادا كەرەمەت كورسەتكىش تىركەگەن. وزدەرىنىڭ ايتۋىنشا تۋلاداعى جاعداي ءۇشىن كەك الامىز دەپ كەلىپتى. تۋلادا مەن ولاردى جەڭىپ كەتكەن ەدىم. ەندى ولار مەنىڭ ەلىمە كەلىپ جەڭىسپەن تويلاتقىسى كەلدى (ك ۇلىپ). جاراقات العاننان كە ءيىن ءوزىمدى ەندى-ەندى جاقسى سەزىنە باستاعاندايمىن.
ايتا كەتەيىك, پاۆەل ۆورجەۆ قىتاي كۋبوگى جارىسىندا اۋىر جاراقات الىپ ەدى. سپرينتتەگى ەكىنشى ورىندى رەسەيلىك الەكسەي نوسوۆ السا, ءۇشىنشى ورىن قازاقستاندىق سەرگەي پونومارەۆكە بۇيىردى. كەيرين سايىسىندا سەرگەي پونومارەۆ الدىنا جان سالمادى.
«باسەكەلەستىك مىقتى بولىپ, جارىس تاماشا ءوتتى, - دەپ اتاپ ءوتتى سەرگەي پونومارەۆ. – كەلەر جىلى جارىس دارەجەسى تاعى ءبىر جوعارى ساتىعا كوتەرىلەدى دەپ ويلايمىن. نەگىزىگى ماقساتىمىز الداعى ۋاقىتتا وتەتىن الەم كۋبوگىنە ۇپاي جيناۋ بولاتىن. ىرىكتەۋگە ءسال عانا جەتپەي قالدى. سپرينتتە ىرىكتەۋگە ىلىكتىم, ال ەندى كەيريننەن دە ءوتتىم. الەم كۋبوگىندەگى نەگىزگى ماقساتىم 2020-جىلى وتەتىن وليمپيداعا ۇپاي جيناۋ. بارلىعى قولىمنان كەلەتىنىنە سەنىمدىمىن».
كەيرين سايىسى بويىنشى پاۆەل ۆورجەۆ ەكىنشى, رەسەيلىك الەكساندر دۋبچەنكو ءۇشىنشى ورىندى يەمدەندى.
«استانادا وتكەن Silk Way Series جارىسى ءبىز ءۇشىن وتە ماڭىزدى, - دەدى ۆەلوترەكتەگى سپرينت سايىسى بويىنشا ۇلتتىق قۇرامانىڭ باپكەرى ۆالەنتين ساۆيتسكي. – سوڭعى رەيتينگتىك ۇپايلاردى حالىقارالىق رەيتينگتىڭ جابىلۋى الدىندا يەمدەنگەن سەرگەي پوناموروۆ الەم كۋبوگىنىڭ كەزەڭدەرىنە قاتىساتىن بولدى. قازىرگى تاڭدا شاباندوزدار اراسىندا الەم كۋبوگىنە قاتىساتىن ەكى ۆەلەسەبەدشى بار. ولار پاۆەل ۆورجەۆ پەن سەرگەي پونومارەۆ. يەمدەنگەنىمىز ۇلتتىق كۆوتالار بولىپ تابىلادى. ەندى بىزدە سپرينتتەن جانە كەيريننەن يەمدەنگەن ەكى كۆوتا بار».
