جىل باسىنان بەرى قىلمىس سانى 8%-عا ( 175 مىڭعا دەيىن), قىلمىستىق تەرىس قىلىقتار 15%-عا (20 مىڭعا دەيىن) ازايدى.
اسا اۋىر (-5%,) جانە اۋىر قىلمىستار (-17%), ورتاشا (-8%) جانە اۋىر ەمەس قىلمىس تۇرلەرىنىڭ سانى(-10%) قىسقاردى. توناۋ (-10%), بۇزاقىلىق (-17%), ۇرلىق (-9%), سونداي-اق قوعامدىق ورىندارداعى قىلمىستار (-8%), سونىڭ ىشىندە كوشەلەردەگى قىلمىس (-5%), تومەندەدى. بۇرىن سوتتالعاندار تاراپىنان ورىن الاتىن قىلمىس (-35%), ماس كۇيىندە جاسالاتىن (-11%) جانە جاسوسپىرىمدەر قىلمىسى (-4%) دا از تىركەلدى. دەگەنمەن, ۇرلىق سانى بۇرىنعىشا ەڭ كوپ تارالعان قىلمىس ءتۇرى بولىپ وتىر. ونىڭ ۇلەسى جالپى قىلمىس كورسەتكىشى ىشىندە 70%-ءتى قۇرايدى.
وسىعان بايلانىستى, پوليتسيا مەن ۇلتتىق ۇلان جاساقتارىنىڭ جۇمىسى جەتىلدىرىلۋدە, وقيعاعا جەدەل دەن قويۋ جىلدامدىعى ارتتى, قۇقىق ءتىرتىپتى كۇزەتۋ سالاسىنا يننوۆاتسيالىق تەنولوگيالار بەلسەندى ەنگىزىلۋدە, سونىڭ ىشىندە::
- تاۋلىك بويى قىزمەت اتقاراتىن پوليتسيانىڭ كەشەندى كۇشتەرىن باسقارۋ ءۇشىن جەدەل باسقارۋ ورتالىقتارى جۇمىس ىستەيدى. مۇنداي ورتالىقتار ءاربىر وبلىس ورتالىقتارىندا بار, قازىرگى ۋاقىتتا كريمينوگەندىك جاعدايى قيىن شاعىن قالالاردا دا سالىنۋدا (جاڭاوزەن, رۋدنىي, ششۋچينسك, سەمەي جانە حرومتاۋ قالالارىندا, 2019 جىلى قاپشاگاي, ريددەر, تەمىرتاۋ جانە ستەپنوگورسك قالالارىندا جبو قۇرۋ جوسپارلانىپ وتىر);
- جەرگىلىكتى اتقارۋشى ورگانداردىڭ قولداۋىمەن قالا كوشەلەرىندە, حالىق كوپ جينالاتىن جەرلەردە بەينەباقىلاۋ (6 مىڭ دانا) جۇيەسى دامىپ كەلەدى;
- «قاۋىپسىز اۋلا» باعدارلاماسى اياسىندا استانا, الماتى جانە وبلىس ورتالىقتارىندا بەينەباقىلاۋ جۇيەسى كەڭىتىلە باستادى, قازىرگى ۋاقىتتا 15 مىڭ تۇرعىن ءۇي قاداعالانادى (42 مىڭ بەينەكامەرا ورناتىلدى, ونىڭ ىشىندە 1280-ءى پپب-عا, كونسەرجدەردىڭ بەينەباقىلاۋ پۋلتتەرىنە 1796-ى قوسىلعان);
- جول قاۋىپسىزدىگى سالاسىندا جقە بۇزۋدىڭ فوتو-بەينە تىركەۋ جۇيەسى جانە جول قوزعالىسىن باقىلاۋدىڭ «ينتەللەكتۋالدى» جۇيەسى ەنگىزىلۋدە (3,3 مىڭ. بىرلىك.);
پوليتسيا ناريادتارى ستاتسيونارلى جانە الىپ ءجۇرۋ بەينە تىركەگىشتەرىمەن تولىقتاي قامتاماسىز ەتىلگەن.
▪ ەلەكتروندى اكىمشىلىك ءوندىرىس ەنگىزىلۋدە. پوليتسەيلەر كەزەڭ-كەزەڭمەن دەربەس پلانشەتتەرمەن قامتاماسىز ەتىلۋدە, ولاردىڭ كومەگىمەن حاتتامالار تولتىرىلادى, ايىپپۇلدار وندىرىلەدى.
اعىمداعى جىلى 17,8 مىڭ ماس بولعان جۇرگىزۋشى ۇستالدى. سوت تارتىبىمەن 25,6 مىڭ زاڭ بۇزۋشى كولىك جۇرگىزۋ قۇقىعىنان ايىرىلدى, ال 2200 جۇرگىزۋشىگە اكىمشىلىك قاماۋ شاراسى قولدانىلدى. اعىمداعى كەزەڭدە 9 669 (-8,7%) جول-كولىك وقيعاسى تىركەلدى.
