كەزدەسۋ بارىسىندا ت.دۇيسەنوۆا مەملەكەتتىك قىزمەتشىلەرگە قوناقدارىس وقىپ, ءوزىنىڭ ومىرلىك تاجىريبەسىمەن ءبولىستى, مەملەكەتتىك قىزمەتشىلەردىڭ سۇراقتارىنا جاۋاپ بەردى.
سونىمەن قاتار, ەلباسىنىڭ «رۋحاني جاڭعىرۋ» باعدارلاماسىنىڭ اياسىندا مەملەكەتتىك قىزمەتشىلەردىڭ اراسىندا «وقى, جەتىل جانە ءبولىس» اتتى چەللەندجى باستاۋ الدى.
اتالعان چەللەندج بارىسىندا ت.دۇيسەنوۆا جانە اگەنتتىكتىڭ اقتوبە وبلىسى بويىنشا دەپارتامەنتى باسشىسى, ادەپ جونىندەگى كەڭەس توراعاسى ر.مەدەتوۆ ءاربىر مەملەكەتتىك قىزمەتشىنىڭ وقۋى ءتيىس كىتاپتاردى تابىستادى.
اكتسيا اياسىندا مەملەكەتتىك قىزمەتشى قىسقا مەرزىمدە كىتاپتى وقىپ, بولعاننان كەيىن ونى كەلەسى مەملەكەتتىك قىزمەتشىگە بەرەدى.
جىل سوڭىندا اتالعان كىتاپتاردىڭ مازمۇنى بويىنشا پىكىر الماسۋ وتكىزىلىپ, ۇزدىك مەملەكەتتىك قىزمەتشىلەر العىس حاتتارمەن جانە ەلەكتروندىق كىتاپتارمەن ماراپاتتالادى.
نەگىزگى مىندەت - كىتاپ وقۋ ارقىلى مەملەكەتتىك كىزمەتشىلەردىڭ وي-ساناسىن, ءوزىن-ءوزى تانۋىن ارتتىرۋ, ولاردىڭ مەملەكەتتىك باسقارۋدىڭ وڭ تاجىريبەسىن يگەرۋى.
