ءماجىلىستىڭ كۇن ءتارتىبى وتە اۋقىمدى جانە ادام قۇقىقتارى ماسەلەلەرى بويىنشا وزەكتى جانە كوكەيتەستى ماسەلەلەردى قامتيدى, اتاپ ايتقاندا ادامنىڭ نەگىزگى قۇقىقتارى مەن بوستاندىقتارىن قامتاماسىز ەتۋ, زاڭنىڭ ۇلىقتىلىعى, سوت ورگاندارىنىڭ تاۋەلسىزدىگى, ءسوز پەن باق-تىڭ بوستاندىعى, جينالىس بوستاندىعى, ءدىني جانە ۇلتتىق ازشىلىقتاردىڭ جاعدايى, دەموكراتيالىق سايلاۋدى قامتاماسىز ەتۋ, گەندەرلىك تەڭدىك, ادام ساۋداسىنا قارسى كۇرەس جانە باسقا ماسەلەلەر.
ۆارشاۆا ءماجىلىسى ۇيىمنىڭ ءۇشىنشى قورجىنى اياسىندا ەڭ ۇلكەن جانە اسا ماڭىزدى ءىس-شارا بولىپ تابىلادى – وعان جىل سايىن شامامەن ءبىر مىڭ ۇكىمەتتىك ەمەس ۇيىمدار مەن ەقىۇ-نىڭ 57 مۇشە-ەلدەرىنىڭ ۇلتتىق دەلەگاتسيالارى قاتىسادى.
قازاقستان تاراپىنان قازاقستان حالقى اسسامبلەياسىنىڭ, وسك, ءسىم, اكم, قدم, قر ادام قۇقىقتارى جونىندەگى ۋاكىلى كەڭسەسى جانە باس پروكۋراتۋرا وكىلدەرىنەن قۇرىلعان دەلەگاتسيا قاتىسۋدا.
ءماجىلىستىڭ العاشقى ەكى كۇنى دەموكراتيالىق ينستيتۋتتار ءرولىنىڭ, ونىڭ ىشىندە ۇلتتىق, ايماقتىق جانە جەرگىلىكتى دەڭگەيلەردە, ەقىۇ ايماعىندا دەموكراتيالىق جانە اشىق سايلاۋ وتكىزۋگە جانە بۇقارالىق اقپارات قۇرالدارىنىڭ ەركىندىگىن قامتاماسىز ەتۋ ماسەلەلەرىنە ارنالعان.
قاتىسۋشىلار ءماجىلىستىڭ العاشقى كۇندەرى تاقىرىبىنا بايلانىستى وزەكتى ماسەلەلەر بويىنشا پىكىر الماسىپ, ارىپتەس ەلدەردىڭ وسى سالالارداعى تاجىريبەلەرىمەن تانىستى.
قازاقستان دەلەگاتسياسىنىڭ باسشىسى قر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى جالعاس ادىلباەۆ سويلەگەن سوزىندە, قازاقستان ۇلتتىق جانە حالىقارالىق دەڭگەيدە, اسىرەسە حالىقارالىق بەيبىتشىلىك پەن قاۋىپسىزدىكتى قامتاماسىز ەتۋدە زاڭنىڭ ۇستەمدىگىن قولداۋعا ۇمتىلادى. ەلىمىز حالىقارالىق قۇقىقتىڭ تولىق قۇقىقتى سۋبەكتىسى جانە ادام قۇقىقتارى سالاسىنداعى الپىستان اسا كوپ جاقتى امبەباپ حالىقارالىق شارتتاردىڭ, سونىڭ ىشىندە «ادام قۇقىقتارىن قورعاۋدىڭ حالىقارالىق قۇرالدارى» دەپ اتالاتىن بىرىككەن ۇلتتار ۇيىمىنىڭ ادام قۇقىقتارى جونىندەگى جەتى نەگىزگى كونۆەنتسيالارىنىڭ قاتىسۋشىسى بولىپ تابىلاتىنىن اتاپ ءوتتى. «قازاقستاندا ۇكىمەتتىك ەمەس قۇقىق قورعاۋ ۇيىمدارى ادام قۇقىقتارىن قورعاۋدىڭ ۇلتتىق جۇيەسىندە ماڭىزدى ورىن الادى. بۇل رەتتە, قازاقستاننىڭ مەملەكەتتىك ساياساتى ازاماتتىق قوعام ينستيتۋتتارىنىڭ قىزمەتىن دامىتۋعا جانە قولداۋعا باعىتتالعان», - دەپ اتاپ ءوتتى.
قازاقستان رەسپۋبليكاسىنىڭ سىرتقى ىستەر مينيسترلىگىنىڭ ۇكىمەتتىك ەمەس ۇيىمدارمەن ىنتىماقتاستىعى باعىتىنداعى ناتيجەلى جۇمىستىڭ ۇلگىسى رەتىندە سىرتقى ساياسي ۆەدومستۆوسىنىڭ نەگىزىندە 2013 جىلدان بەرى تۇراقتى جۇمىس ىستەيتىن «ادامي ولشەم بويىنشا ءۇن قاتىسۋ الاڭى» - كونسۋلتاتيۆتىك-كەڭەسشى ورگانىن (ككو) قۇرۋ تاجىريبەسى كورسەتىلدى. بۇل ورگانعا نەگىزگى قاتىسۋشىلارى قۇقىق قورعاۋشىلار ۇەۇ-دارى مەن مەملەكەتتىك ورگانداردىڭ باسشىلارى بولىپ تابىلادى. بۇل تۇرعىدا ج. ادىلباەۆ اتاپ وتكەندەي ككو جۇمىسىنىڭ بارىسىندا 20-دان استام كەزدەسۋلەر وتكىزىلدى, 100-دەن استام ۇسىنىمدار ازىرلەنىپ قابىلداندى, قر ۇكىمەتى ءۇشىن حالىقارالىق ۇيىمداردىڭ جانە ادامي ولشەمدەردەگى ازاماتتىق قوعام وكىلدەرىنىڭ 50-دەن استام ۇسىنىسى تاڭداپ الىندى, ناتيجەسىندە ولاردى ىسكە اسىرۋ ءۇشىن 50 «جول كارتاسى» ازىرلەنگەنى» تۋرالى حابارلادى. ادام قۇقىقتارىن قورعاۋ سالاسىندا ازىرلەنگەن وسى ۇسىنىمدار قازاقستان رەسپۋبليكاسىنىڭ ۇكىمەتى مەن پارلامەنتىنە ۇلتتىق زاڭناما مەن قۇقىق قولدانۋ پراكتيكاسىن جەتىلدىرۋ ءۇشىن جىبەرىلەدى.
قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى زاۋرەش بايمولدينا ەڭ الدىمەن, سايلاۋ پروتسەسىنىڭ جەكە قۇقىقتىق نورمالارى مەن ينستيتۋتتارىن, سونىڭ ىشىندە ەقىۇ دياقب ۇسىنىمدارى نەگىزىندە, ودان ءارى جەتىلدىرۋگە باعىتتالعان قازاقستاننىڭ سايلاۋ زاڭناماسىن حالىقارالىق ستاندارتتارعا سايكەس رەفورمالاۋ پروتسەسى تۋرالى ايتىپ بەردى.
قر اقپارات جانە كوممۋنيكاتسيالار مينيسترلىگىنىڭ وكىلى ميحايل كوميسساروۆ ءوزىنىڭ سوزىندە, قازاقستان رەسپۋبليكاسى ءوزiنiڭ حالىقارالىق مiندەتتەمەلەرi شەڭبەرiندە ازاماتتاردىڭ ءسوز بوستاندىعى قۇقىقتارىنىڭ ساقتالۋىن قامتاماسىز ەتۋ ءۇشiن دايەكتi قادامدار جاسالىپ كەلە جاتقانىن اتاپ ءوتتى. وتاندىق مەديا سالاسىن جاڭعىرتۋعا, الەۋەتتى جانە باسەكەگە قابىلەتتى وتاندىق باق-تاردى دامىتۋعا, مەملەكەت پەن قوعامنىڭ جانە مەديا-نارىقتاعى كاسىبي قاتىسۋشىلاردىڭ اراسىنداعى ديالوگتى دامىتۋعا باعىتتالعان اۋقىمدى جۇمىس جۇرگىزىلۋى تۋرالى ايتىپ بەردى.
ماجىلىسكە قازاقستاندىق ازاماتتىق قوعام وكىلدەرى دە بەلسەندى قاتىسۋدا. ولار ءوز باستاماشىلىعىمەن فورۋمنىڭ الاڭدارىندا ءماجىلىستىڭ كۇن تارتىبىنە سايكەس تاقىرىپتارعا ارنالعان بىرقاتار ءىس-شارالاردى وتكىزۋدى جوسپارلاپ وتىر.
ەكى اپتالىق ءىس-شارا 21 قىركۇيەكتە اياقتالىپ, ءماجىلىستىڭ قورىتىندىلارى بويىنشا ەقىۇ ايماعىنداعى گۋمانيتارلىق ولشەمدەگى جاعدايىنا شولۋ جانە قاتىسۋشىلارعا ارنالعان جەكە ۇسىنىستار جاسالادى دەپ كۇتىلۋدە.
