ءتارتىپ ساقشىلارىنا تەمىر تۇلپار بەرىلدى

ءتارتىپ ساقشىلارىنىڭ قىز­مەتى قاي كەزدە دە قىراعىلىقتى تالاپ ەتەدى. قوعامنىڭ تىنىش­تىعىن ساقتاۋدا, ءتۇرلى قۇقىق­بۇزۋشىلىقتارمەن كۇرەسۋدە پوليتسەيلەردىڭ ەڭبەگى ەرەكشە. جامبىل وڭىرىندە جىل ساناپ سالا ماماندارىنا قام­قورلىق ارتىپ كەلەدى. سو­نىڭ ناقتى كورىنىسى رەتىندە جۋىردا ورتالىق «دوستىق» الاڭىندا وبلىس اكىمى اسقار مىر­زاحمەتوۆتىڭ قاتىسۋىمەن وبلىستىق ىشكى ىستەر دەپار­تامەنتىنىڭ قىزمەتكەر­لەرىنە 68 بىرلىك سۋ جاڭا پا­ترۋلدىك كولىكتىڭ كىلتى تابىستالدى. بۇل كولىكتەر قوستاناي قالا­سىنداعى ءوندىرىس وشاعىندا قۇ­راستىرىلعان. ءوز سوزىندە ءوڭىر باس­شىسى جۇمىستى تالاپقا ساي اتقارۋ ءۇشىن ماتەريالدىق-تەح­نيكالىق بازانىڭ دا ماڭىزدى ەكەنىن, سوندىقتان دا بيۋدجەتتىڭ مۇمكىندىگىنشە جىل ساناپ دەپارتامەنت قاجەتتىلىكتەرىن قام­تاماسىز ەتۋگە ءتيىستى قارجى ءبو­لىنىپ كەلە جاتقانىن ايتىپ ءوتتى.

ماسەلەن, وسى جىلى اتال­عان سالانى جانداندىرۋعا 7 ميللياردقا جۋىق قارجى قاراس­تىرىلعان. بۇل كورسەتكىش وسىدان ەكى جىل بۇرىنعى مەرزىممەن سالىستىرعاندا 1,8 ميلليونعا ارتىق. ءوز سوزىندە وبلىستىق ىشكى ىستەر دەپارتامەنتىنىڭ باستىعى, پوليتسيا پولكوۆنيگى ارمان ورازاليەۆ ايماق باسشىسىنا العىسىن ايتا كەلىپ, الداعى ۋاقىتتا جەمىستى جۇمىس ىستەيتىنىن جەتكىزدى. ايتا كەتەيىك, 68 بىرلىك پاترۋلدىك تەحنيكا الۋعا وبلىستىق بيۋدجەتتەن بار­لىعى 447 ميلليون تەڭگە قارجى قاراستىرىلعان بولاتىن.

حاميت ەسامان,

«ەگەمەن قازاقستان»

جامبىل وبلىسى