كەلىسىمشارتقا سايكەس 297 پاتەرگە ارنالعان 4 نىساننىڭ قۇرىلىسى جۇرەدى, ال تۇرعىن ۇيلەر كەلەر جىلى پايدالانۋعا بەرىلمەك. ءوڭىر تۇرعىندارىن باسپانامەن قامتۋ ءۇشىن بۇدان باسقا دا بىرقاتار مەموراندۋمدارعا قول قويىلدى.
وبلىس اكىمى نۇرلان نوعاەۆتىڭ ايتۋىنشا, قازىر ايماقتا 3 مىڭ پاتەرلى 44 كوپقاباتتى ءۇي سالىنىپ جاتىر. جىل سوڭىنا دەيىن 2 مىڭ پاتەرگە ارنالعان 34 كوپقاباتتى ءۇي پايدالانۋعا بەرىلەدى. «7 – 20 – 25» مەملەكەتتىك باعدارلاماسى باستالعالى بەرى 59 ءوتىنىم قابىلدانىپ, 34-ءى بەكىتىلگەن. «نۇرسايا» ىقشام اۋدانىندا «جاس وتاۋ» تۇرعىن ءۇي باعدارلاماسىنا سايكەس 100 پاتەرلىك تۇرعىن ءۇي قۇرىلىسى باستالادى. وعان 29 جاستان اسپاعان جاس وتباسىلار قاتىسا الادى. پاتەردىڭ ءبىر شارشى مەترىنىڭ قۇنى 179 مىڭ تەڭگەدەن ەسەپتەلەدى. «نۇرلى جەر» باعدارلاماسى بويىنشا «نۇرسايا», «بەرەكە» ىقشام اۋداندارىندا 21 تۇرعىن ءۇي سالۋ جوسپارلانىپ وتىر.
قۇرىلىسقا قاتىستى تاعى ءبىر جاڭالىق – وبلىس ورتالىعى ماڭىندا ورنالاسقان تالعايراڭ اۋىلىندا 80 جەكەمەنشىك ءۇي تۇرعىزىلادى. اۋدانى 64-191 شارشى مەتر بولاتىن ءۇيدىڭ ءبىر شارشى مەترىنىڭ قۇنى 120 مىڭ تەڭگەگە باعالانعان. تالعايراڭدا تۇرعىسى كەلەتىندەر جەر ۋچاسكەسىن الۋ ءۇشىن جەرگىلىكتى اكىمدىكتە كەزەكتە بولۋلارى كەرەك دەگەن شارت بار.
جاڭادان جاسالعان مەموراندۋمداردىڭ قاي-قايسىسى دا باسپانالى بولۋعا نيەتتىلەر ءۇشىن قولايلى.
باقىتگۇل باباش,
«ەگەمەن قازاقستان»
اتىراۋ
