ق.توقاەۆ امەريكالىق ەلشىنىڭ ەكىجاقتى قاتىناستاردى دامىتۋداعى ەلەۋلى ۇلەسىنە توقتالا كەلىپ, مەملەكەت باسشىسى ن.نازارباەۆتىڭ ۆاشينگتونعا بيىلعى قاڭتارداعى رەسمي ساپارىنىڭ تاريحي ماڭىزىن اتاپ ءوتتى. «قازاقستان مەن اقش اراسىنداعى ءححى عاسىرداعى كەڭەيتىلگەن ستراتەگيالىق ارىپتەستىك تۋرالى بىرلەسكەن مالىمدەمە» پرەزيدەنت د.ترامپپەن كەلىسسوزدەردىڭ اسا ماڭىزدى ناتيجەسى بولدى.
پارلامەنتارالىق بايلانىستاردى ودان ءارى دامىتۋدىڭ ماڭىزى تۋرالى ايتا كەلىپ, جۇزدەسۋشىلەر پارلامەنتارالىق ىنتىماقتاستىقتى ودان ءارى نىعايتۋ قاجەتتىگىن اتاپ ءوتتى. «امەريكالىق سەناتورلار, كونگرەسشىلەر مەن پارلامەنت اپپاراتتارىنىڭ قىزمەتكەرلەرى كوبىرەك كەلگەن سايىن اقش قازاقستان تۋرالى, ءبىزدىڭ ەلىمىزدىڭ ىشكى جانە سىرتقى ساياساتى تۋرالى كوبىرەك بىلە تۇسەتىن بولادى», دەدى ق.توقاەۆ. تاراپتار قازاقستان مەن اقش اراسىنداعى ىنتىماقتاستىق پەن ارىپتەستىكتىڭ ستراتەگيالىق سيپاتى ورتالىق ازيا ايماعىنداعى قاۋىپسىزدىكتى نىعايتۋدىڭ ماڭىزدى بولىگى ەكەنىن اتاپ ءوتتى.
ق.توقاەۆ حالىقارالىق احۋالدىڭ ۋشىعا تۇسۋىنە وراي قازاقستان كوشباسشىسىنىڭ شيەلەنىستى شەشۋگە ازىرلىگىن اتاپ ءوتتى. سەنات توراعاسىنىڭ ايتۋىنشا, بەيبىتشىلىك, قاۋىپسىزدىك, قارۋسىزدانۋ جولىنداعى ىنتىماقتاستىقتى نىعايتۋ ساياساتى قاعيدالىق تۇرعىدا دايەكتىلىكپەن, باتىل تۇردە جۇرگىزىلە بەرەدى.
