كەڭەس بارىسىندا بيزنەستى دامىتۋ جانە ەلدەگى ساۋدا قىزمەتىن رەتتەۋ جاعدايلارىن ودان ءارى جەتىلدىرۋ ماسەلەلەرى تالقىلاندى.
اتاپ ايتقاندا, كاسىپكەرلىك قىزمەتتى جۇرگىزۋ, كەلىسىمشارتتار جاساۋ, مينوريتارلىق ينۆەستورلاردى قورعاۋ, ەلەكتروندىق جانە بيرجالىق ساۋدا جۇيەلەرىن جەتىلدىرۋ, اگروونەركاسىپ كەشەنىندەگى ىشكى ساۋدا-ساتتىقتى جاقسارتۋ, سونداي-اق سىرتقى ساۋدانى رەتتەۋ ماسەلەلەرىندەگى ۇلتتىق زاڭنامانى ۇيلەستىرۋدى كوزدەيتىن زاڭنامالىق تۇزەتۋلەر پاكەتى قارالدى.
ۇلتتىق ەكونوميكا ءمينيسترى ت. سۇلەيمەنوۆ بايانداما جاسادى. سونىمەن قاتار, قر پرەمەر-ءمينيسترىنىڭ ورىنباسارى ە. دوساەۆ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا, ادىلەت ءمينيسترى م. بەكەتاەۆ, سونداي-اق بەينەكونفەرەنتسيا بايلانىسى ارقىلى قر ۇلتتىق بانكى توراعاسىنىڭ ورىنباسارى و. سمولياكوۆ پىكىر ءبىلدىردى.
