قازاقستاننىڭ تۇركياداعى ەلشىلىگىنىڭ شاقىرۋىمەن ەتيمەسگۋت اۋدانىنىڭ مەرياسى ۇيىمداستىرعان «انادولۋ» فەستيۆالىنە جامبىل وبلىسى شۋ اۋدانىنىڭ «Əسەم əۋەن» فولكلورلىق ءانسامبلى قاتىستى. ونەر ۇجىمى ساپارىن قالا تانىستىعىنان باستاپ, ەتيمەسگۋت اۋدانىنىڭ مەرى ءانۋار دەميرەلدىڭ قابىلداۋىندا بولدى. شىعارماشىلىق دەلەگاتسيانى جامبىل وبلىستىق مادەنيەت, ارحيۆتەر جانە قۇجاتتاما باسقارماسىنىڭ باس مامانى ەركەجان سەمباەۆا, وبلىستىق حالىق شىعارماشىلىعى ورتالىعىنىڭ كوركەمدىك جەتەكشىسى ەلميرا دۇتباەۆا, شۋ اۋدانى اكىمىنىڭ ورىنباسارى كلارا قوجاعاپپانوۆا, ءانسامبلدىڭ كوركەم جەتەكشىسى, قازاقستاننىڭ ەڭبەك سىڭىرگەن قايراتكەرى Əۋەسحان كەلگەنباەۆ باستاپ كەلدى. جۇزدەسۋ بارىسىندا انادولۋ فەستيۆالىنىڭ ماڭىزى مەن تۇركى ىنتىماعىنا تيگىزەر ىقپالى جايىندا əڭگىمە ءوربىدى. جازۋشى-اۋدارماشى مəلىك وتارباەۆ قازاقستاندىق قوناقتاردى تانىستىرىپ, فەستيۆالدىڭ ءسəتتى وتۋىنە تىلەكتەستىك ءبىلدىردى.
ۇزاق جىلدان بەرى قازاق ونەرى مەن مəدەنيەتىن, əدەبيەتىن تۇركيا تورىندە ناسيحاتتاپ, ەكى ەل اراسىندا تىعىز قارىم-قاتىناس ورناتۋعا ۇلەس قوسىپ كەلە جاتقان ەتيمەسگۋت مەرى ءانۋار دەميرەلگە حالىقارالىق جامبىل سىيلىعى مەن توسبەلگىسى تابىس ەتىلدى. بيىل 15-ءشى مəرتە ۇيىمداستىرىلىپ وتىرعان ونەر مەرەكەسىنە الىس-جاقىن تۇركى تىلدەس مەملەكەتتەردەن جانە تۇركيا اۋماعىنداعى بارلىق قالالار مەن پروۆينتسيالاردان شىعارماشىلىق توپتار شاقىرىلىپتى. ولار ون كۇن بويى انادولۋ جەرىن دۋمانعا بولەپ, ۇلتتىق فولكلورىن پاش ەتپەك.
«Əسەم əۋەن» فولكلورلىق ءانسامبلى كورەرمەندەر نازارىنا ءƏبدىمومىن جەلدىباەۆتىڭ «ەركە سىلقىم», مەلس وزبەكوۆتىڭ «تولقيدى شۋىم», ەسكەندىر حاسانعاليەۆتىڭ «اتامەكەن», ارمان بەكسۇلتاننىڭ «ەلگە تىلەك» جانە مايلىقوجانىڭ «وسيەت» تەرمەسى مەن «جان ەركەم», «قۇربىم-اي», » دەي سالدىم-اي», «اۋىلىڭ سەنىڭ ىرگەلى» سىندى حالىق əندەرىن تارتۋ ەتتى. جاس قوبىزشى بىرعانىم مىرزاحان حالىق ءəنى «يليگايدى» ورىنداپ, تۇرىك ءəنى «دۋ-دۋدى» باۋىرجان ۇيسىنباەۆ ناقىشىنا كەلتىرە شىرقادى. انسامبل انشىلەرى مادەنيەت قايراتكەرى جانات دوسجانوۆا, ايگۇل ديقانوۆا, نۇربولات ىڭكəربەكوۆ تە جوعارى دەڭگەيدە ونەر كورسەتىپ, قازاق ەلىنىڭ ۇلتتىق ونەرىن لايىقتى تانىستىرا ءبىلدى. قازاقستان ونەرپازدارىن 50 مىڭ كورەرمەن تاماشالاپ, «بەنگۇ» تۇرىك ارناسى تىكەلەي ەفيردەن تاراتتى.
كەش سوڭىندا قازاقستاننىڭ تۇركياداعى ەلشىسى ابزال ساپاربەك ۇلى ءسوز سويلەپ, كونە تاراز تورىنەن, قاسيەتتى تالاس جەرىنەن كەلگەن ونەر يەلەرى مەن شارانى ۇيىمداستىرعان ەتيمەسگۋت اۋدانى مەرياسىنا العىس ءبىلدىردى.
- كۇزدىڭ وسى تاماشا كۇندەرى جۇرەگىمىزگە ۇلكەن قۋانىش سىيلاعان حV «انادولۋ» حالىقارالىق فەستيۆالى تۇركيانىڭ عانا ەمەس, تۇرىك الەمىنىڭ بىرەگەي جوباسىنا اينالدى. اۋقىمدى شارا مادەني قارىم-قاتىناستارىمىزدى دامىتۋعا جانە باۋىرلاستىق رۋحىمىزدى نىعايتۋعا ايرىقشا ۇلەس قوسىپ كەلەدى. ۇلتتىق ونەرىمىزدى ءبىر ساحنادا توعىستىرىپ قانا قويماي, ءبىزدىڭ ماڭگىلىك مۇرالارىمىز بەن رۋحاني قۇندىلىقتارىمىزدى جانداندىرۋعا, تاريحىمىزبەن جاقىن تانىسۋعا, ىنتىماق-بىرلىگىمىزدىڭ ارتا تۇسۋىنە ۇلكەن مۇمكىندىك, تىڭ سەرپىن بەرىپ وتىر.
سوندىقتان ەتيمەسگۋت مۋنيتسيپاليتەتىنىڭ مەرى ءانۋار دەميرەل مىرزاعا وسى ۇمىتىلماس ءىس-شارانى ۇيىمداستىرعانى ءۇشىن زور ريزاشىلىق بىلدىرگىم كەلەدى, - دەدى ابزال ساپاربەك ۇلى.
ءوز كەزەگىندە شۋ اۋدانى اكىمىنىڭ ورىنباسارى كلارا قوجاعاپپانوۆا جامبىل وبلىسى اكىمى اسقار مىرزاحمەتوۆ پەن شۋ اۋدانىنىڭ اكىمى قايرات دوساەۆتىڭ ىستىق سəلەمى مەن جىلى لەبىزىن جەتكىزىپ, مەر Əنۋار دەميرەل مەن ەلشى ابزال ساپاربەك ۇلىنىڭ يىعىنا شاپان جاۋىپ, تاراز قولونەر شەبەرلەرىنىڭ جىر الىبى جامبىل جاباەۆتىڭ بەينەسىن قولمەن توقىعان كەلەمشەنى سىيعا تارتتى.
جامبىل وبلىسى ونەرپازدارىنىڭ گاسترولدىك ساپارى ارى قاراي نيگدە قالاسىندا جالعاسىن تاپتى. شىعارماشىلىق دەلەگاتسيا كۇتىپ العان نيگدە قالاسىنىڭ بور مۋنيتسيپاليتەتى مادەنيەت باسقارماسىنىڭ باسشىسى مەحمەت باش تاريحي ورىنداردى ارالاتىپ, كونە تيانا قالاشىعى اسپان استى مۋزەيىمەن تانىستىردى. كەشكىسىن 5 مىڭ ورىندىق امفيتەاتردا وتكەن كونتسەرتكە جاقىن ماڭداعى التاي قازاق اۋىلىنىڭ تۇرعىندارى ارنايى كەلدى. سونداي-اق قازاقستاننىڭ تۇركياداعى ەلشىسى ابزال ساپاربەك ۇلى, نيگدە قالاسىنىڭ مەرى يىلماز شيمشەك, بور مۋنيتسيپاليتەتى مەرى سىتكى ەرات جانە باسقا دا لاۋازىمدى تۇلعالار مەن باق وكىلدەرى قاتىستى.
باعدارلاما بارىسىندا استانا قالاسىنىڭ 20 جىلدىق مەرەيتويىنا وراي ا.ساپاربەك ۇلى بور پروۆينتسياسىنىڭ مەرى سىتكى ەرات مىرزاعا ەلوردا سيمۆولى «بايتەرەك» مونۋمەنتى ورنەكتەلەگەن ساعاتتى سىيعا تارتسا, جامبىل وبلىسى شۋ اۋدانى اكىمىنىڭ ورىنباسارى كلارا يساكقىزى شاپان جاۋىپ, قۇرمەت كورسەتتى. سونىمەن قاتار, جامبىل وبلىسى اكىمدىگىنىڭ مادەنيەت, ارحيۆتەر جانە قۇجاتتاما باسقاراماسى اتىنان نيگدە قالاسىنىڭ مەرى يىلماز شيمشەككە «كونە تاراز» كىلەمشەسى تابىس ەتىلدى.
گاسترولدىك ساپار بارىسىندا «اسەم اۋەن» فولكلورلىق ۇجىمى كاپادوكيا, ىستامبۇل قالاسىنىڭ كورىكتى ورىندارىن ارالاپ, تاريحي ورىندارىمەن تانىستى.
ەلۆيرا سەرىكقىزى,
«ەگەمەن قازاقستان
