الەۋمەتتىڭ الەۋەتىن جوعارىلاتۋ ءۇشىن

«نۇر وتان» حالىقتىق-دەموكراتيالىق پارتيا­سى­نىڭ رەسپۋبليكالىق ساي­لاۋ­الدى شتابىنىڭ مۇشەلەرى ءوز ۇگىت ناۋقانىن سولتۇستىك قازاقستان وبلىسىندا جال­عاس­تىردى. وسى ءىرى اگرو­ونەر­كاسىپتىك وڭىردە نۇروتان­دىق­تار اۋىلشارۋاشىلىق كەشەندەرى جۇمىسشىلارىمەن, سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتتەرىمەن جانە وقىتۋشى­لارىمەن كەزدەستى, سونداي-اق پەتروپاۆل قالاسىنىڭ ازىق-ت ۇلىك بازارىندا بولدى. كەزدەسۋلەر بارىسىندا ءار­تۇرلى ماسەلەلەر تال­قى­لان­دى: اۋىلدىڭ دامۋى, جالپى اگ­رو­ونەركاسىپتىك كەشەندى جانە ەتتى مال شارۋاشى­لى­عىن, ءبىلىم جانە عىلىم سالالارىن دا­مى­تۋ, قازاقستاندىقتاردىڭ الەۋ­مەت­تىك قامسىزداندىرىلۋى. ءبىلىم سالاسى وكىلدەرىن جاس­تارعا قولداۋ كورسەتۋگە با­عىتتالعان پارتيالىق باعدار­لا­مالار, ستۋدەنتتەردىڭ ءشا­كىرت­اقىسىن جانە مۇعالىمدەر مەن وقىتۋشىلاردىڭ ەڭبەك­اقى­سىن كوبەيتۋ ماسەلەسى قى­زىقتىردى. «نۇر وتان» پارتياسى ءبىلىم مەن عىلىمدى تابىستى بو­لاشاقتىڭ نەگىزى رەتىندە قا­راس­تىرادى. وسى باعىتتى ءوزى­نىڭ «قازاقستان. 2017 ماقسات­تا­رى. ۇلتتىق ءىس-قيمىل جوس­پا­رى» سايلاۋالدى تۇعىرنا­ما­سى باسىمدىقتارىنىڭ ءبىرى رەتىندە ايقىندادى. قالالىق مادەنيەت ۇيىندە وتكەن كەزدەسۋگە كەلگەن وقىتۋ­شى­لار مەن ستۋدەنتتەر الدىن­دا سويلەگەن سوزىندە «نۇر وتان» پارتياسىنىڭ رەسپۋب­لي­كالىق سايلاۋالدى شتابى­نىڭ جەتەكشىسى نۇرلان نىع­ما­تۋلين: «بۇكىل الەم تانىعان تۇڭعىش پرەزيدەنتىمىز, ەل­با­سى نۇرسۇلتان ءابىش ۇلى نازارباەۆ باستاعان دامۋ جولىن جالعاستىرۋ ءۇشىن, حالقى­مىز­دىڭ جاعدايىن ودان ءارى جاق­سارتۋ ءۇشىن, ۇلى ماقساتتارعا جەتۋ ءۇشىن الداعى سايلاۋدا ءوز داۋىستارىڭىزدى تەك «نۇر وتان» ءۇشىن بەرىڭىزدەر», دەپ اتاپ ءوتتى. «نۇر وتان» ءوز الدىنا جۋىق اراداعى بەس جىلعا قوياتىن مىندەتتەرى قاتارىندا جوعارى, تەحنيكالىق جانە كاسىبي ءبىلىمدى كەڭەيتۋ, ونىڭ ينفرا­قۇ­رىلىمىن جاڭارتۋ, وقىتۋ­شى­لار قۇرامى بىلىكتىلىگىن با­رىنشا ارتتىرۋ. سونىمەن بىرگە, 3 مىڭنان اسا مەكتەپكە دەيىنگى ۇيىمدار, رەسپۋبليكالىق جانە جەرگىلىكتى بيۋدجەتتەر ەسەبىنەن 400-دەن كەم ەمەس مەكتەپ قۇرىلىسى, مۇعالىم­دەر­دىڭ ورتاشا ايلىعىنىڭ مولشەرىن جەكە سەكتورداعى ورتاشا ايلىقتىڭ مولشەرىنە دەيىن جەتكىزۋ, ال پەداگوگي­كا­لىق شەبەرلىك ورتالىق­تا­رىن­دا جانە «وركەن» بىلىكتىلىكتى ارتتىرۋ ۇلتتىق ورتا­لىعىندا بىلىكتىلىكتى ارتتىرۋ كۋرستارىنان وتكەن جانە بىلىكتىلىك ەمتيحانىن تاپ­سىر­عان مۇعالىمدەرگە جالاقىنى 30-دان 100 پايىزعا دەيىن ۇلعايتۋ سەكىلدى ماسەلەلەر بار. عىلىم سالاسىندا «نۇر وتان» پارتياسى مەملەكەتتىك شىعىندار كولەمىن ءىجو-ءنىڭ 1%-ىنا دەيىن جەتكىزۋدى, بيزنەس پەن ۋنيۆەرسيتەتتەردى ين­تەگراتسيالاۋدى كوزدەپ وتىر. كەزدەسۋلەرگە كەلگەن سول­تۇستىك قازاقستاندىقتار «نۇر وتان» پارتياسىنىڭ «قازاق­ستان. 2017 ماقسات­تارى. ۇلت­تىق ءىس-قيمىل جوس­پارى» ساي­لاۋالدى باعدارلا­ماسىندا بەلگىلەنگەن باستى باعىتتار ەلىمىزدى نىعايتۋعا جانە قا­زاقستاندىقتاردىڭ ءال-اۋقا­تىن ارتتىرۋعا جاع­داي جا­ساي­تىنىنا سەنىمدى. سول سەبەپتى ولار 2012 جىلدىڭ 15 قاڭتارىندا «نۇر وتان» ءۇشىن داۋىس بەرەتىن بولادى. ءومىر ەسقالي.