حاتتاماعا 2017 جىلعى 9 قاراشادا چەليابينسك قالاسىندا مەملەكەتتەر باسشىلارىنىڭ قاتىسۋىمەن وتكەن قازاقستان مەن رەسەيدىڭ وڭىرارالىق ىنتىماقتاستىعىنىڭ ءحىV فورۋمىنىڭ بارىسىندا قول قويىلعان بولاتىن.
قازىرگى كەزدە قولدانىستاعى كەلىسىم اياسىندا قازاقستاندىق ازاماتتارعا, بايقوڭىر قالاسىنىڭ 48 مىڭنان استام تۇرعىنىنا مەديتسينالىق كومەكتى رەسەي فەدەراتسياسىنىڭ زاڭناماسىنا سايكەس رەسەيلىك مەديتسينالىق ۇيىمدار عانا كورسەتەدى.
قازاقستاندا كورسەتىلەتىن مەديتسينالىق كومەكتەن ايتارلىقتاي وزگەشەلىكتەر بولۋىنا بايلانىستى ءبىزدىڭ ازاماتتارىمىز قازاقستاننىڭ زاڭناماسىنا سايكەس كەپىلدىك بەرىلگەن مەديتسينالىق كومەك كولەمىن, تەگىن دارىلىك قۇرالدار مەن مەديتسينالىق ماقساتتاعى بۇيىمدار الۋ, پروفيلاكتيكالىق مەديتسينالىق (سكرينينگتىك) تەكسەرۋلەردەن ءوتۋ قۇقىعىمەن قامتاماسىز ەتىلمەگەن. بايقوڭىر قالاسىنىڭ تۇرعىندارى قازاقستاننىڭ بارلىق وڭىرلەرىندە قولجەتىمدى جوعارى مامانداندىرىلعان مەديتسينالىق كومەككە قول جەتكىزە الماۋدا, بۇل مۇگەدەكتىككە جانە ءومىر ساپاسىن تومەندەتۋگە الىپ كەلەتىن كەلەڭسىز جاعدايلار قاۋپىن ۇلعايتىپ وتىر.
زاڭ جوباسىن قابىلداۋ حاتتاماعا سايكەس قازاقستان رەسپۋبليكاسىنىڭ بايقوڭىر قالاسىندا, تورەتام جانە اقاي كەنتتەرىندە تۇراتىن ازاماتتارىنا قازاقستاننىڭ ۇلتتىق زاڭناماسىنا سايكەس ەلىمىزدىڭ دەنساۋلىق ساقتاۋ سۋبەكتىلەرىنىڭ مەديتسينالىق كومەك كورسەتۋى ماسەلەسىن رەتتەۋگە مۇمكىندىك بەرەدى.
زاڭ جوباسىن قابىلداۋ تەرىس قۇقىقتىق جانە الەۋمەتتىك-ەكونوميكالىق سالدارلارعا الىپ كەلمەيدى, ونى ىسكە اسىرۋ بارىسىندا مەملەكەتتىك بيۋدجەتتەن قوسىمشا قارجى شىعىندارى بولمايدى.
زاڭ جوباسى پالاتانىڭ قاراۋىنا جىبەرىلدى.
