وسى جازدا ەۋروپادا بولعان قۇرعاقشىلىقتىڭ سالدارىنان وزەندەردە «اشتىق تاستارى» كورىنە باستادى. «مەنى كورىپ تۇرساڭدار, جىلاڭدار» دەگەن جازۋى بار وسى تاستار ەجەلدە قيىن قىستاۋ كەزەڭى باستالعانىن بىلدىرەتىن.
سەبەبى ولار وزەندەر قاتتى قۇرعاعان كەزدە عانا كورىنەتىن. سول جىلى استىق ونبەي, حالىق اشتىقتىڭ زاردابىن تارتاتىن. وسىنداي تاستار جاقىندا چەحيانىڭ دەچين قالاسى ماڭىنداعى ەلبا وزەنىندە شىقتى.
بۇل وزەندەگى سۋ دەڭگەيى 155 سانتيمەترگە تۇسكەنىن كورسەتىپ وتىر. وسىنداي جاعدايدا وزەن بويىمەن كەمەلەر جۇرە المايدى. ال كونە زاماندا ەۋروپادا جۇكتەر نەگىزىنەن كەمەلەرمەن تاسىمالداناتىندىقتان, سىرتتان ازىق-ت ۇلىك اكەلۋ مۇمكىن بولمايتىن.
