قۇرمەتتى وتانداستار!
بارشا قازاقستاندىقتاردى شاپاعاتى مول قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىز!
وسى قاسيەتتى كۇندەرى ءبارىمىز بىرگە شىنايى ادامگەرشىلىك, مەيىرىمدىلىك, ادالدىق, كورشىلەرمەن تاتۋ بولۋ جانە جاقىندارىمىزعا قامقورلىق جاساۋ سياقتى تاماشا داستۇرلەرىمىز بەن جىلدار بويى ساقتالعان ونەگەلى قۇندىلىقتارىمىزعا جۇگىنەمىز.
قۇربان ايت – اينالامىزدى جاقىنداستىراتىن, جانىمىزدى نۇرلاندىراتىن يگى نيەتتەر مەن ىستەردىڭ ۋاقىتى.
قازاقستانداعى قوعامدىق كەلىسىم مەن جالپىۇلتتىق بىرلىك – بۇل قوعامنىڭ باستى يگىلىگى مەن بايلىعى. اۋىزبىرشىلىك – ءبىزدىڭ كۇشىمىز بەن ەلىمىزدىڭ رۋحاني جانە الەۋمەتتىك جاڭعىرۋداعى تابىسىنىڭ كەپىلى.
قىمباتتى وتانداستار! قۇربان ايت مەرەكەسى ءار شاڭىراققا شاتتىق شۋاعىن توگىپ, ىرىسى مول قۇت اكەلسىن.
بارشا قازاقستاندىقتارعا زور دەنساۋلىق, اماندىق, باق-بەرەكە جانە العا قويعان ماقساتتارىڭىز ورىندالسىن دەپ تىلەيمىز!
