ريگادا باستالعان 8 بەن 18 جاس ارالىعىنداعى ەر جانە قىز بالالار اراسىنداعى شاحماتتان ەۋروپا چەمپيوناتىنا47 ەلدەن 1080 ءجاسوسپىرىم مەن ەۋروپالىق شاحمات فەدەراتسياسىنىڭ بەدەلدى وكىلدەرى قاتىستى. الەمدىك شاحمات قاۋىمداستىعى بالالارعا ارنالعان ينتەللەكتۋالدىق تۋىندىنى اعىلشىن تىلىندە تاماشالاپ, جوعارى باعا بەردى. اتالمىش تۋىندى 3D فورماتتا جانە ءۇش تىلدە جۇزەگە استى.
سونداي-اق, اشىلۋ سالتاناتىنا فيدە حالىقارالىق شاحمات فەدەراتسياسىنىڭ پرەزيدەنتى كيرسان يليۋمجينوۆ, لاتۆيانىڭ قارجى ءمينيسترى, حالىقارالىق گروسسمەيستەر دانا رەزنيتسە, لاتۆيانىڭ ءبىلىم ءمينيسترى, اتاقتى شاحماتشىلار, باپكەرلەر مەن تورەشىلەر بولدى.
ايتا كەتەيىك, 32 بولىمنەن تۇراتىن «شاحمات پاتشالىعى» مۋلتحيكاياسى قر اقپارات جانە كوممۋنكاتسيالار مينيسترلىگىنىڭ قولداۋىمەن, «بالاپان» تەلەارناسىنىڭ تاپسىرىسى بويىنشا «د.سادۋاقاسوۆ اتىنداعى شاحمات اكادەمياسى» وندىرىلگەن بولاتىن.
