وسى ويىندى وتكىزۋگە مادەنيەت جانە سپورت مينيسترلىگى ىنتا-ىقىلاس تانىتىپ, ناتيجەسىندە وتكەن شىلدە ايىنىڭ باسىندا يۋنەسكو-نىڭ ءداستۇرلى سپورت تۇرلەرى مەن ويىندار كوميتەتىنىڭ وكىلدەرى حاليل احمەد حان, شاممي رانا جانە مارسەللين دەللي مىرزالار ارنايى ساپارمەن ەلورداعا كەلگەن بولاتىن.
جوعارىداعى ماقساتتى شارانىڭ باستاماشىلارى جاقىندا تۇركيانىڭ ەرزۋرۋم قالاسىندا جالاۋىن كوتەرگەن دۇنيەجۇزىلىك ەتنوسپورت كونفەدەراتسياسىنىڭ «تۇركى ويىندارى – 2018» فەستيۆالىنە جينالىپ, سونىمەن بىرگە ىستانبۇل قالاسىندا دۇنيەجۇزىلىك ەتنوسپورت كونفەدەراتسياسىنىڭ ۇيىمداستىرۋىمەن «كەشەندى ءىV كونسۋلتاتسيالىق كەڭەس وتىرىسى» جانە ء«داستۇرلى سپورت تۇرلەرى مەن ويىندار بويىنشا دوستىق توبى وتىرىسى» اتتى اسا ماڭىزدى باسقوسۋ وتكىزدى.
الەمدە ەتنوسپورتىن دامىتۋشى جۇزدەگەن مەملەكەت وكىلدەرىنىڭ باسى توعىسقان اتالمىش جيىنعا مادەنيەت جانە سپورت مينيسترلىگى مەن ۇلتتىق سپورت قاۋىمداستىعىنىڭ وكىلدەرى قاتىسىپ, 2021 جىلى وتەتىن الەمدىك ەتنوسپورت ويىندارىن ەلىمىزدە وتكىزۋ تۋرالى ۇسىنىس ايتتى. ۇسىنىس ءبىراۋىزدان قابىلدانىپ, ەل تاۋەلسىزدىگىنىڭ 30 جىلدىق مەرەكەسىمەن ورايلاس, ۇلى ءدۇبىر ەتنوسپورت وليمپياداسى ەلىمىزدە وتەتىن بولدى.
بەكەن قايرات ۇلى,
«ەگەمەن قازاقستان»
