قحر ەلشىلىگى ۇلتتىق مۋزەيمەن بىرلەسىپ ۇيىمداستىرىپ وتىرعان «تاڭعاجايىپ قىتاي» فوتوكورمەسىنىڭ توپتاماسى سوڭعى بەس جىل ىشىندەگى قول جەتكىزگەن تاريحي جەتىستىكتەردى جان-جاقتى اشىپ كورسەتەدى.
مارال بالتىشەۆ, ۇلتتىق مۋزەي ديرەكتورىنىڭ ورىنباسارى «قازاقستان مەن قىتاي اراسىنداعى قارىم-قاتىناستار ەكىجاقتى قارقىندى دامۋدا. مادەنيەت پەن ونەر ەكى ەل حالىقتارىنىڭ اراسىنا دانەكەر بولىپ, ءبىر-ءبىرىن جاقىنداستىرۋعا قىزمەت جاساپ كەلەدى. بۇگىنگى كورمەگە ارقاۋ بولىپ وتىرعان باتىس قىتاي – كەڭ اۋماقتى, ءارتۇرلى ۇلتتاردىڭ ەتنيكالىق مادەنيەتىنە باي جەر.ول ولكەنىڭ جان-جاقتى كورىنىستەرىن وسى كورمەدەن تاماشالاۋعا بولادى», – دەدى.
باتىس قىتاي – كەڭ اۋقىمدى, بيىك تاۋلارى مەن وزەندەرى بار, مىڭ عاسىرلىق تاريحى مەن حالىقتىق مادەنيەتى قالىپتاسقان ولكە. شەنسي, گانسۋ, تسينحاي, گۋيچجوۋ, يۋننان پروۆينتسيالارىنىڭ كورمەسىندە سوڭعى 40 جىلدىڭ ىشىندە باتىس قىتايدىڭ پروۆينتسيالارىنىڭ الەۋمەتتىك, ەكونوميكالىق جانە مادەني سالالارداعى زور جەتىستىكتەرى مەن ەكولوگيالىق ورتانى قورعاۋ جانە تۇراقتى دامۋدى قامتاماسىز ەتۋ ىسىندە قۇندى تاجىريبەسى كورسەتىلەدى.
باعاشار تۇرسىنباي ۇلى,
«ەگەمەن قازاقستان»
