سولتۇستىك قازاقستان ءوڭىرىنىڭ جەرى شاعىن بولسا دا بەرەكەلى, بيدايى كوپ. اگرارلى ايماق سوڭعى جىلدارى ءداندى-داقىلداردان بولەك مايلى داقىلداردى وسىرۋگە ەرەكشە دەن قويىپ وتىر.
ەلباسى «تايىنشا ماي» زاۋىتىن ارالاپ, تسەح جۇمىسىمەن تانىسادى. ءوندىرىس ورنى مايلى داقىلداردى وڭدەپ, ەكولوگيالىق ءونىمدى ەكسپورتقا شىعارادى. «تايىنشا ماي» – قازاقستان مەن قىتايدىڭ بىرلەسكەن جوباسى. زاۋىت وزىنە قاجەتتى شيكىزاتتى جەرگىلىكتى شارۋالاردان ساتىپ الادى. كاسىپورىن بيىل 100-150 مىڭ توننا شيكىزات وڭدەۋدى جوسپارلاپ وتىر.
وبلىس اكىمى قۇمار اقساقالوۆ ايماقتىڭ الەۋمەتتىك-ەكونوميكالىق دامۋ كورسەتكىشتەرى بويىنشا پرەزيدەنتكە ەسەپ بەرەدى. پرەزيدەنت سولتۇستىك وڭىردە اۋىل شارۋاشىلىعىن ءارتاراپتاندىرۋ بويىنشا كەڭەس وتكىزبەك. سونداي-اق نۇرسۇلتان نازارباەۆ تايىنشا اۋدانى يليچەۆكا اۋىلىنعان سالىنعان جاڭا ۇيلەردى ارالاپ كورمەك.
سۋ جاڭا باسپانالاردىڭ يەلەرى – وڭتۇستىكتەن سولتۇستىككە قونىس اۋدارعان تۇرعىندار. وسى جىلى يليچەۆكا اۋىلىنا وڭتۇستىكتەن 14 وتباسى كوشىپ كەلگەن. ەلىمىزدە جۇمىس كۇشى تاپشى وڭىرلەردى قاجەتتى ماماندارمەن قامتاماسىز ەتۋ ءۇشىن قولعا الىنعانى بەلگىلى. قونىس اۋدارۋشىلارعا الەۋمەتتىك كومەك بەرىلەدى.
