1974 جىلعى 31 تامىزدا اتىراۋ وبلىسىندا تۋعان. «تاريح جانە گەوگرافيا ءپانى مۇعالىمى» ماماندىعى بويىنشا اقتوبە پەداگوگيكالىق ينستيتۋتىن (1991), «مەملەكەتتىك قىزمەت مەنەدجەرى» ماماندىعى بويىنشا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك قىزمەت اكادەمياسىن (1999), ءال-فارابي اتىنداعى قازاق ۇلتتىق ۋنيۆەرسيتەتىنىڭ اسپيرانتۋراسىن ۇزدىك اياقتادى, ساياسات عىلىمدارىنىڭ كانديداتى.
ەڭبەك جولىن 1999 جىلى قازاقستان رەسپۋبليكاسى قاۋىپسىزدىك كەڭەسى اناليتيكالىق ورتالىعىنىڭ ساراپشىسى بولىپ باستادى.
2001 جىلدان باستاپ بانك سالاسىندا جۇمىس اتقاردى.
2003 جىلدان باستاپ اقتوبە وبلىسى اكىمىنىڭ اپپاراتى باسشىسى; «اتامەكەن» جالپىۇلتتىق كاسىپكەرلەر جانە جۇمىس بەرۋشىلەر وداعى ءباسپاسوز قىزمەتىنىڭ باسشىسى; قازاقستان رەسپۋبليكاسى پرەزيدەنتىنىڭ اكىمشىلىگى مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ ساراپشىسى جانە باس ينسپەكتورى; قازاقستان رەسپۋبليكاسى قورشاعان ورتانى قورعاۋ ءمينيسترىنىڭ كەڭەسشىسى; قازاقستان رەسپۋبليكاسى قورشاعان ورتانى قورعاۋ مينيسترلىگى ەكولوگيالىق رەتتەۋ جانە باقىلاۋ كوميتەتى توراعاسىنىڭ ورىنباسارى بولىپ جۇمىس اتقاردى.
2009 جىلدان باستاپ «نۇر وتان» حدپ ورتالىق اپپاراتى حاتشىلىعىنىڭ ساراپشىسى, اقپارات جانە تالداۋ دەپارتامەنتىنىڭ ديرەكتورى; قازاقستان رەسپۋبليكاسى يندۋستريا جانە ساۋدا مينيسترلىگى ساۋدا كوميتەتى توراعاسىنىڭ ورىنباسارى; قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ كەڭەسشى - ءباسپاسوز حاتشىسى; قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى اتوم ەنەرگياسى كوميتەتى توراعاسىنىڭ ورىنباسارى; قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى اكىمشىلىك-كادر جۇمىسى دەپارتامەنتىنىڭ ديرەكتورى; قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى تۋريزم يندۋسترياسى كوميتەتىنىڭ توراعاسى بولىپ ەڭبەك ەتتى.
جاڭا قىزمەتكە تاعايىندالعانعا دەيىن اقمولا وبلىسى اكىمىنىڭ تۋريزم جونىندەگى كەڭەسشىسى بولدى.
