وسىدان ءبىر اپتا بۇرىنعى چەحيادا وتكەن ماتچتا دا جەرلەستەرىمىز 2:0 ەسەبىمەن قارسىلاستارىنا جول بەرىپ قويعان-دى. الماتىدا كوبىرەك گول سوعۋدى ماقسات تۇتقان «قايرات» كومانداسى بۇكىل ۇجىم بولىپ شابۋىلداپ, قورعانىستى مۇلدە ۇمىت قالدىردى. سونداي ساتتەردىڭ بىرىندە «سيگما» شابۋىلشىسى مارتين نەشپور ستاس پوكاتيلوۆ قورعاعان قاقپانىڭ ساڭلاۋىن وڭاي تاۋىپ, ويىنداعى ەسەپتى اشتى.
ەكىنشى تايمنىڭ 51-مينۋتىندا داۆيدا گوۋسكي ەسەپتى 2:0-گە جەتكىزىپ, «قايراتتىڭ» كەلەسى كەزەڭگە وتەتىن ءۇمىتىن سۋ سەپكەندەي باستى. ويتكەنى, الماتىنىڭ كومانداسى كەلەسى كەزەڭگە شىعۋ ءۇشىن 5 گول سوعۋ كەرەك بولاتىن. ارادان 10 مينۋت وتكەندە مارتون ەپپەل گول سوعىپ, ەسەپ ايىرماسىن قىسقارتتى. گولدان كەيىن جانكۇيەرلەر مەن «قايرات» فۋتبولشىلارى ەڭ بولماعاندا تەڭ ناتيجەگە ءۇمىت ارتقان ەدى. الايدا 79-مينۋتتا «قايرات» ساپىنان حۋان فەليپە ەكىنشى سارى قاعازىن الىپ, ويىننان قۋىلدى. ال ماتچ سوڭىندا يساەل دە ەكىنشى سارى قاعازىن الىپ, ماتچتى مەرزىمىنەن بۇرىن اياقتادى. وسىلايشا, «قايرات» ويىنشىلارى كەزدەسۋدى 9 فۋتبولشىمەن اياقتادى.
ەكى ماتچتىڭ قورىتىندىسى بويىنشا «سيگما» 4:1 ەسەبىمەن جەڭىسكە جەتىپ, ەۋروپا ليگاسىنىڭ پلەي-وفف كەزەڭىنە شىقتى.
