2016 جىلدىڭ 11 ساۋىرىندە 80 ميلليون اقش دوللارىنا سالىنعان بۇل ستاديون 41 903 كورەرمەنگە ەسەپتەلگەن. ەندى «بەشيكتاشتا» سول ماۋسىمداعى چەمپيوندار ليگاسىنىڭ جەڭىمپازى مەن ەۋروپا ليگاسىندا توپ جارعان كوماندا ءوزارا كۇش سىناسىپ, ۋەفا سۋپەركۋبوگىنىڭ يەگەرىن انىقتايدى.
ەستەرىڭىزگە سالا كەتەيىك, ايتۋلى جارىس 1972 جىلدان بەرى قارت قۇرلىقتىڭ ءار قيىرىندا ۇزدىكسىز ۇيىمداستىرىلىپ كەلەدى. ءدۇبىرلى دوپ دوداسىندا ەڭ كوپ ولجاعا كەنەلگەن يسپانيانىڭ «بارسەلوناسى» (1992, 1997, 2009, 2011, 2015) مەن يتاليانىڭ «ميلانى» (1989, 1990, 1994, 2003, 2007). ولاردىڭ ارقايسىسى بەس رەتتەن دارا شىقتى. ءمادريدتىڭ «رەالى» ءتورت مارتە (2002, 2014, 2016, 2017) توپ جارسا, انگليانىڭ «ليۆەرپۋلى» (1977, 2001, 2005), گوللانديانىڭ «اياكسى» (1972, 1973, 1995) جانە ءمادريدتىڭ «اتلەتيكوسى» ءۇش رەتتەن ءدال سونداي قۇرمەتكە بولەندى. ال بەلگيانىڭ «اندەرلەحت» (1976, 1978), يسپانيانىڭ «ۆالەنسيا» (1980, 2004) جانە يتاليانىڭ «يۋۆەنتۋسى» (1984, 1996) ەكى مارتە جەڭىمپاز اتاندى. سونداي-اق, تاعى 14 كوماندا ءبىر-ءبىر رەتتەن توپ جاردى.
ۋەفا سۋپەركۋبوگىن ەڭ كوپ ولجالاعان يسپاندىق كلۋبتارى ەكەن. پيرنەي تۇبەگىندە جاساقتالعان كوماندالار 15 مارتە باس جۇلدەنى يەلەندى. ال يتاليا – 9, انگليا –7, گوللانديا مەن بەلگيا – 3, گەرمانيا, پورتۋگاليا, كسرو, رەسەي, شوتلانديا, رۋمىنيا جانە تۇركيا –1 رەتتەن تەڭدەسسىز دەپ تانىلدى.
عالىم سۇلەيمەن,
«ەگەمەن قازاقستان»
