بۇگىندە «نۇر وتان» پارتياسى مەملەكەت باسشىسىنىڭ تىكەلەي تاپسىرماسىمەن پارتيا قىزمەتىن جاڭعىرتۋ جۇمىستارىن قارقىندى جۇرگىزۋدە. وسى باعىتتا 20-دان استام جاڭا جوبا قولعا الىنىپ, جۇزەگە اسىرىلۋدا. ولاردىڭ قاتارىندا تسيفرلاندىرۋدى جۇزەگە اسىرۋ, شاعىن جانە ورتا بيزنەستى قولداۋ جانە «رۋحاني جاڭعىرۋ» باعدارلاماسىنا باعىتتالعان جوبالار بار. دالىرەك ايتساق, «تسيفرلى قازاقستان» باعدارلاماسى بويىنشا تەگىن ءىت-ورتالىقتار مەن IT-سىنىپتار اشىلىپ, IT-ماماندار دايارلاۋ ءىسى جۇيەلى جۇرگىزىلۋدە. رەسپۋبليكا بويىنشا ءۇش جىل ىشىندە اشىلۋعا ءتيىس 1000 ءىت-سىنىپتىڭ 100-دەن استامى اشىلىپ ۇلگەردى. ولاردا جىلىنا 8-16 جاس ارالىعىنداعى 150 مىڭ بالا باعدارلامالاۋ, روبوت تەحنيكاسى جانە 3D مودەلدەۋ نەگىزدەرى جايىندا تەرەڭدەتىلگەن ءبىلىم الادى. ودان بولەك, جوسپارلانعان 20 ءىت-ورتالىقتىڭ 15-ءى اشىلدى. قازىردىڭ وزىندە استانا قالاسىندا اشىلعان 11 ءىت-سىنىپتا 225 بالا ءبىلىم الىپ جاتىر. جىل سوڭىنا دەيىن تاعى 73 سىنىپ اشىلىپ, ولار 4500-دەن استام بالانى قامتىماق.
وسىنداي ءىت-سىنىپتاردىڭ ءبىرى استانا قالاسىنداعى كولىك جانە كوممۋنيكاتسيا كوللەدجىندە اشىلدى. بۇگىنگە دەيىن مۇندا 500-دەن استام ازامات تسيفرلىق ساۋاتتىلىعىن ارتتىرىپ, ءبىلىمىن جەتىلدىردى. قازىرگى تاڭدا بۇل وقۋ ورنىندا 2500-دەن استام ستۋدەنت ءبىلىم الادى. سونداي-اق كوللەدجدە «قازاقستان تەمىر جولى» ۇلتتىق كومپانياسىمەن اراداعى كەلىسىم بويىنشا ءدۋالدى ءبىلىم بەرۋ جۇيەسى ەنگىزىلگەن. بۇدان باسقا كوللەدج «قازاقاۆتوجول», «ترانستەلەكوم», ارەك, كەگوك سياقتى ءىرى كومپانيالارمەن تىعىز بايلانىس ورناتقان.
كوللەدجگە ارنايى كەلگەن ماۋلەن اشىمباەۆ پارتيالىق جوبانىڭ ءمانى مەن ماڭىزىنا كەڭىنەن توقتالدى. «جوبالاردى ءساتتى جۇزەگە اسىرساق, الەمدىك نارىقتاعى ءىت-قىزمەتتەر وتاندىق ماماندار ءۇشىن دە قولجەتىمدى بولا تۇسەدى. پارتيانىڭ باستاماسىمەن الداعى ءۇش جىلدا جارتى ميلليونعا جۋىق جاس قازاقستاندىق قازىرگى زامانعى باعدارلامالاۋ تىلدەرىن مەن تسيفرلىق تەحنولوگيانىڭ قىر-سىرىن مەڭگەرەتىن بولادى. ولاردىڭ قاتارىندا جۇمىسسىز جانە ءوزىن-ءوزى جۇمىسپەن قامتىعان جاستار دا بار. مۇنىڭ بارلىعى بۇگىنگى زامان تالابى. سوندىقتان وسى مۇمكىندىكتى ءتيىمدى پايدالانىپ, باسەكەگە قابىلەتتى مامان بولۋعا ۇمتىلۋىمىز كەرەك», - دەدى ول.
سونىمەن قاتار پارتيا جۇمىسىنداعى باسىمدىقتاردىڭ ءبىرى – «رۋحاني جاڭعىرۋ» باعدارلاماسىنا جۇيەلى تۇردە قاتىسۋ. سوعان وراي «نۇر وتان» پارتياسى وتاندىق كىتاپحانالاردى زاماناۋي ءبىلىم ورتالىقتارى رەتىندە قايتا قۇرىپ, ولاردىڭ جۇمىسىن جانداندىرۋ ءىسىن قولعا الدى. سونىڭ ناتيجەسىندە بىرىڭعاي ونلاين كىتاپحانا جۇيەسى قالىپتاسىپ, ەلىمىزدەگى بارلىق كىتاپ قورى ەلەكتروندى فورماتقا كوشىرىلۋدە. اتالعان ءبىلىم ورتالىقتارىندا جاستارعا ارنالعان قىزىقتى لەكتسيالار ۇيىمداستىرىلىپ, پىكىرتالاس الاڭدارى جۇمىس ىستەي باستادى. سونداي-اق جاستاردىڭ اعىلشىن ءتىلىن ۇيرەنىپ, جالپى بىلىمگە دەگەن ىنتاسىن ارتتىرۋعا بارلىق جاعداي جاسالعان.
ءدال وسىنداي تىڭ باستامالار استانا قالاسىنداعى №5 كىتاپحانادا دا جۇزەگە اسۋدا. كىتاپحاناعا ارنايى كەلىپ, ونداعى تىڭ وزگەرىستەرمەن تانىسقان ماۋلەن اشىمباەۆ كىتاپحانا وقىرماندارى جانە قىزمەتكەرلەرىمەن كەزدەسۋىندە جاستاردىڭ عىلىم-بىلىمگە دەگەن ۇمتىلىسى زامان تالابى ەكەنىن ايتتى.
«جوبا بويىنشا بىرىڭعاي ونلاين-كىتاپحانا جۇيەسى قالىپتاسىپ, وعان بارلىق وتاندىق كىتاپحانالار قوسىلادى. سول ارقىلى ەلىمىزدەگى بارلىق كىتاپ قورى ءار قازاقستاندىققا قولجەتىمدى بولادى. شەت تىلىندەگى ادەبيەتتەر دە قوسىلىپ جاتىر. كىتاپحانالاردىڭ جاستاردى تاربيەلەۋ بارىسىنداعى ماڭىزى وتە زور. مازمۇنى باي كىتاپتارسىز جاقسى ءبىلىم جوق. وسى كىتاپتاردى وقۋعا جاستارىمىزدى باعىتتاۋ – ء بىزدىڭ مىندەتىمىز»,- دەدى پارتيا توراعاسىنىڭ ءبىرىنشى ورىنباسارى.
بۇگىندە اتالعان كىتاپحانادا قازىرگى زامانعى اقپاراتتىق جانە ەلەكتروندى تەحنولوگيالار كەڭىنەن ەنگىزىلىپ, وقىرمانداردىڭ ءتۇرلى ءىس-شارالار وتكىزۋىنە جاعداي جاسالعان. جىلدامدىعى جوعارى ينتەرنەت جەلىسىنە قوسىلىپ, كىتاپتاردىڭ ەلەكتروندى كاتالوگى دا جۇيەلى جۇمىس ىستەپ تۇر. سونىمەن قاتار پارتيالىق جوبا اياسىندا تاياۋدا 18 ەلوردالىق كىتاپحانا مەن قازاقستان رەسپۋبليكاسىنىڭ ۇلتتىق اكادەميالىق كىتاپحاناسى اراسىندا مەموراندۋمعا قول قويىلدى. سونىڭ ناتيجەسىندە استاناداعى بارلىق كىتاپحانالار بىرىڭعاي ونلاين-كىتاپحانالار جۇيەسىنە قوسىلدى. بۇل ءوز كەزەگىندە وقىرمانداردىڭ قاجەت وقۋلىقتى تەز ءارى وڭاي تابۋىنا مۇمكىندىك بەرەتىنى ءسوزسىز.
ۆەنەرا تۇگەلباي,
«ەگەمەن قازاقستان»
