اۋدان اكىمدىگىنىڭ ارنايى شاقىرتۋىمەن مەديتسينا عىلىمدارىنىڭ دوكتورى ءƏمىر احەتوۆ باستاپ كەلگەن استانالىق دəرىگەرلەر اراسىندا نەيروحيرۋرگ, پۋلمانولوگ, رەۆماتولوگ, اللەرگولوگ, تەراپەۆت, انگيحيرۋرگ, كارديولوگ, اريتمولوگ سياقتى ماماندار بار.
– جەرگىلىكتى جەردە دارىگەرلەر جەتىسپەيدى. سوندىقتان استانالىق دارىگەرلەردىڭ اۋىلعا كەلۋى اسا ماڭىزدى, – دەدى قالىپتاسىپ وتىرعان قيىندىقتى اتاپ وتكەن اۋداندىق ەمحانانىڭ باس دəرىگەرى بانۇرجان جاڭعالوۆ.
ەمحاناعا كۇنىنە 200-250-گە دەيىن ادام كەلەدى. تەك كەيبىر مامانداردىڭ جوقتىعىنان ناۋقاستار ەلەكتروندى پورتال ارقىلى كوكشەتاۋ جəنە استانا قالالارىنداعى ەمدەۋ مەكەمەلەرىندە قارالۋعا ءماجبۇر. كەزەگى كەلگەنشە ءبىراز ۋاقىت سارىلىپ كۇتەدى. بۇل جولى دəرىگەرلەر ناۋقاستاردى كەزەكسىز قابىلدادى. سونىڭ ىشىندە ءبىرىنشى ساناتتاعى اريتمولوگ دəرىگەر نۇرلان ەلۋباەۆقا 15 ادام جازىلعان. كەلۋشىلەردىڭ اراسىندا زەرەندى اۋىلىنىڭ اينۇر قۇداباەۆا ەسىمدى تۇرعىنى دا بار. اينۇردىڭ دارىگەرگە كورىنىپ جۇرگەنىنە 7 جىل بولعان. «وسىعان دەيىن اۋداندىق ەمحانادا اريتمولوگ دəرىگەر بولماۋى قيىندىق تۋدىرعان. بۇل جولى ماماننىڭ ءوزى كەلىپ قابىلدادى. تەگىن مەديوتسينالىق قىزمەتىنە تەگىس ريزامىز», دەيدى ول.
سونىمەن قاتار جوعارى بىلىكتى دارىگەر ماماندار ەم-دوم شارالارىنان بولەك اۋدان تۇرعىندارىنا اقىل-كەڭەس بەردى. حالىق قان تاپسىرىپ, رەنتگەنگە ءتۇستى. بۇل كۇنى اۋدان بويىنشا بارلىعى 180-نەن استام ادام قابىلداۋدا بولدى. كەيبىر ناۋقاستارعا پرەزيدەنت ءىس باسقارماسىنىڭ مەديتسينالىق ورتالىعى اۋرۋحاناسىندا ستاتسيونارلىق ەم قابىلداۋعا جولداما بەرىلدى.
بايقال ءبايادىل,
«ەگەمەن قازاقستان»
اقمولا وبلىسى,
زەرەندى اۋدانى
