مەكتەپتەر مەملەكەتتىك نورماتيۆتەرگە سايكەس كەلمەگەندىكتەن اۋداندىق اكىمدىكتەر قاۋلىسىمەن جابىلدى. قازىر وبلىس بويىنشا جالپى ءبىلىم بەرەتىن 514 مەكتەپ بار. سونىڭ 345-ءى شاعىن جابدىقتالعان ءبىلىم وشاقتارى. ال 108 مەكتەپ نورماتيۆتىك جەلىگە سايكەس كەلە بەرمەيدى. 7 ءبىلىم بەرۋ مەكەمەسى ورتا مەكتەپتەن ورتالاۋعا, ورتالاۋدان باستاۋىشقا اينالدى.
«وبلىس وڭىرىندەگى 175 ەلدى مەكەندە مەكتەپ جوق. ال ول جەرلەردە مەكتەپ جاسىنداعى 1621 بالا تۇرادى. ولاردىڭ 250-ءى مەكتەپ-ينتەرناتتارىندا وقيدى, 55 بالا مەكتەبى بار اۋىلدارداعى تۋىستارىنىڭ ۇيىندە جاتادى, 1316 بالانى مەكتەپكە كولىكپەن تاسيدى. ول ءۇشىن وبلىستا 139 اۆتوبۋس بار. بالانى مەكتەپكە تاسۋعا وبلىستا 29 اۆتوبۋس جەتىسپەيدى» دەدى ءباتيما بەكسۇلتانقىزى.
وتكەن وقۋ جىلى سارىكول اۋدانىندا وسى ماقساتقا ءبىر اۆتوبۋس الىنعان, ال قوستاناي اۋدانىندا قارجى بولىنگەن, بىراق ءالى كولىك الىنباعان. وبلىس اكىمى ارحيمەد مۇحامبەتوۆ بۇل ماسەلەنى تەزدەتىپ شەشۋدى, ول ءۇشىن ليزينگتىك جۇيەمەن اۆتوبۋس الۋعا شۇعىل قۇجاتتار دايىنداۋدى تاپسىردى.
ءنازيرا جارىمبەت,
«ەگەمەن قازاقستان»
قوستاناي
