ۇگىت-ناسيحات جۇمىستارىنا كىرىستى

تىركەۋدەن ءوتىپ, الدى­مىز­داعى پارلامەنت ءما­جىلىسى دەپۋتاتتارىن سايلاۋ دوداسىنا بەلسەنە قاتىسۋعا ۇمتىلعان پارتيالار قاتا­رىن­دا اۋىلدىقتار دا وزدە­رىنىڭ سايلاۋالدى جۇمىس­تارىن جۇرگىزۋگە بەلسەندى تۇردە كىرىسىپ كەتتى. پارتيانىڭ سايلاۋالدى شتابىنا حابارلاسىپ, شتاب باسشىسى, اۋىل شارۋاشى­لى­عى عىلىمدارىنىڭ دوك­تورى, اكادەميك كوپما­عام­بەت ەلەمەسوۆپەن سويلە­سۋدىڭ ءساتى ءتۇستى. – ۇستىمىزدەگى جىلدىڭ 1 جەلتوقسانىندا ءوزىمىزدىڭ سە­زىمىزدى وتكىزىپ, وندا پار­تيانىڭ سايلاۋالدى جۇ­مىس­تارىنىڭ تۇعىرناما­سىن بەكىتتىك. سونداي-اق پار­لا­مەنت ءماجىلىسى دەپۋ­تات­تى­عىنا كانديدات رەتىندە ار­نايى تىركەۋگە 23 ادامدى ۇسى­نۋ جونىندە شەشىم قا­بىل­داپ, ولاردىڭ ءتىزىمىن جا­ساعان ەدىك. وسىلاردىڭ ىشىنەن 18 ادام تىركەۋدەن ءوتتى. ەندى حالىقپەن كەزدەسىپ, ساي­لاۋالدى جۇمىستارىمىزدى جۇرگىزۋگە كىرىسىپ جاتىرمىز. بارلىق جەردە وبلىستىق شتاب­تارىمىز قۇرىلىپ, كىم­نىڭ قايدا بارىپ, قانداي ۇيىمدارمەن كەزدەسەتىندىگى ايقىندالۋدا. مەن ءوزىم كۇنى ەرتەڭ اتىراۋ وبلىسىنداعى ماحامبەت اۋدانىنىڭ حال­قى­مەن كەزدەسۋگە ساپارعا شىق­پاق­پىن. مۇنان كەيىن اق­تاۋدا جانە باسقا دا جەرلەردە بولامىن. پارتيامىزدىڭ توراعاسى, اۋىل شارۋاشى­لى­عى عىلىمدارىنىڭ دوكتورى, اكادەميك عاني قاليەۆ باس بولىپ, ۇيىمداستىرۋ جۇ­مىس­­تارىن قولعا الىپ جاتىر­مىز, – دەدى بىزبەن اڭگىمەسىندە كوپماعامبەت ەلەمەس ۇلى. پارتيا شتابىنا ءبىز ءسوي­لەسكەن ساتتە تەلەفوندار شىل­دىرلاپ, جان-جاقپەن حابارلاسۋ, قىزۋ ۇيىمداستىرۋ جۇمىستارى قايناپ ءجۇرىپ جاتتى. بۇقارالىق اقپارات قۇرالدارى وكىلدەرىنەن دە بىرنەشە تىلدەسۋلەر كەلىپ ءتۇستى. جۋىقتا عانا استانادا وتكەن پارتيانىڭ سەزىندە ونىڭ توراعاسى عاني قاليەۆ پارتيانىڭ اۋىلدى دامىتۋ ماسەلەسىنە ەرەكشە ءمان بەرەتىندىگىن ايتىپ, وسى باعىتتا ۇسىنىلاتىن ۇسىنىستار مەن جۇرگىزىلەتىن جۇمىستاردى ساراپقا سالا كەلە, اۋىلدىق جەرلەردە اگروقالاشىقتار قۇرۋ يدەياسىن ۇسىنعان بو­لا­تىن. سونىمەن قاتار, «اۋ­ىل» پارتياسىنىڭ تۇعىر­نا­ماسى تەك اگرارلىق ماسە­لەلەرمەن عانا شەكتەلمەيتىندىگىن, ول ەل ءومىرىنىڭ بار­لىق جاعىن قامتيتىن­دى­عىن ايتۋعا بولادى. اۋىل­دىقتار حالىقپەن كەزدەسۋ ماقساتىندا جەر-جەرلەرگە اتتانعاندا ءوز سايلاۋشى­لارى­نىڭ اراسىندا وسى جونىندە ناقتى تۇسىنىكتەر بەرۋدى, سونداي-اق ولاردىڭ تالاپ-تىلەگىن ەستىپ, ونى جوعارى جاققا جەتكىزىپ, الداعى ۋاقىتتا وزدەرىنىڭ باعدارلامالىق قۇجاتتارى­نا ەنگىزۋدى ءجون ساناپ وتىر. شتاب باستىعى كوپما­عام­بەت ەلەمەسوۆ پارتيا ءۇشىن سايلاۋالدى جۇمىس­تارىنىڭ ماڭىزدىلىعىن, وسى بويىنشا اتقارىلاتىن ىستەردى حالىققا جەتكىزۋ قاجەتتىگىن ەسكەرە وتىرىپ, بۇقارالىق اقپارات قۇ­رالدارىمەن تىكەلەي باي­لانىس جاساۋشى مىندەتىن ءوزىنىڭ ورىنباسارى عالىم­جان ماديەۆكە جۇكتەدى. سۇڭعات ءالىپباي. استانا.