ەركىن دامۋدىڭ كەزەڭى

قازاق جەرىنىڭ تۇڭ­عيىعى تابيعي بايلىققا تو­لىپ تۇر. مۇناي مەن گاز­دىڭ دا, التىن مەن كومىردىڭ دە مول قورى بار, ءبىر سوزبەن ايتقاندا, ءبىزدىڭ جەرىمىزدە مەندەلەەۆ كەستەسىندەگى ەلە­مەنت­­­تەردىڭ بارلىعى دەرلىك كەزدەسەدى. الايدا, ەلىمىز ءوز تاۋەل­سىزدىگىن الماي تۇرعاندا وسىناۋ تابيعي بايلىقتى حالىق قاجە­تى­نە جاراتا المادىق. سول سەبەپتەن وتاندىق ەكونوميكامىز­دى قارىشتى وركەندەتۋ مۇمكىن بولمادى. بۇل جاسىرىن ەمەس. ءتىپتى قازاقستان تاۋەلسىزدىگىنىڭ ەلەڭ-الاڭىنداعى قيىنشى­لىق­تار دا ۇمىتىلا قويعان جوق. تاۋبە دەپ ايتايىق, تاۋەلسىزدىك ءبىزدىڭ ەلىمىزدىڭ باعىن اشتى, ەكونوميكانىڭ ءار سالاسىن ەركىن دامىتۋعا داڭعىل جول اشىپ بەردى. مۇنى ەلىمىزدىڭ ءار ءوڭى­رىنىڭ ەكونوميكالىق-الەۋمەتتىك دامۋىنان بايقاي الامىز. ەل تاۋەلسىزدىگىنىڭ جيىرما جىلدىق مەرەيتويلىق سالتانا­تىن­دا ءسوز سويلەگەن تۇڭعىش پرە­زيدەنتىمىز نۇرسۇلتان نازارباەۆ بۇدان بىلاي قا­زاق­ستاندى يندۋستريالاندىرۋدىڭ ماڭىزى ايرىقشا ەكەنىنە ور­ىن­دى توقتالدى. ويتكەنى, كەز كەلگەن مەملەكەتتىڭ يندۋسترياسىز وركەن جايعانى كەمدە-كەم. ءاسى­رەسە, بۇگىنگى جاھاندانۋ ءداۋى­رىن­دە يندۋسترياسى كەڭ اۋقىمدا دامىماعان مەملەكەتتەر باسە­كە­گە قابىلەتتى بولا الماۋى عاجاپ ەمەس. تابيعي بايلىقتى شيكىزات رەتىندە الەم رىنوگىنا مولى­نان شىعارۋعا بولار, بىراق ءتۇپ­تىڭ-تۇبىندە ەن بايلىق تاۋسىل­ماي­تىن دۇنيە ەمەس قوي. مىنە, ماسەلەگە وسى تۇرعىدان ءۇڭىل­گەن­دە ەلباسىنىڭ «ءبىزدىڭ جاڭا يندۋستريالاندىرۋ –تاۋەلسىز­دىك­تىڭ ماڭگىلىك قوزعالتقىشى. بۇگىندە قازاقستاندا ەلەكترو­ني­كانىڭ, ماشينا جاساۋدىڭ, اۆياتسيا قۇرىلىسىنىڭ, لوكوموتيۆتەر مەن ۆاگوندار ءوندىرىسىنىڭ, قۇرىلىس يندۋسترياسىنىڭ جاڭا سالالارى مەن ەلىمىزدە بۇرىن ەشقاشان بولماعان باسقا دا سالالار قۇرىلۋدا. جاڭا يندۋس­تريالاندىرۋ – جاڭا عاسىردىڭ كەڭ اۋ­قىم­دى ءور­كە­نيەتتى جوباسى» دەپ ەكپىن ءتۇسى­رۋى­نىڭ ەلىمىز­دىڭ كەلەشەگى ءۇشىن ماڭىزى ايرىقشا ەكەنىندە داۋ جوق. قازىر ەلىمىزدىڭ ەكونوميكاسى شىن مانىندە ەركىن دا­مۋدىڭ جولىنا ءتۇستى. سونىڭ دالەلى رەتىندە ەلباسى بايانداماسىندا ايتىل­عان­داي, يندۋستريالاندىرۋدىڭ يننوۆاتسيالىق جوبالارمەن اي­شىقتالا تۇسكەنىن ايتا الامىز. بۇل جوبالاردى ىسكە اسىرۋدان شاعىن جانە ورتا بيزنەس وكىل­دەرى تىس قالمايدى. ويتكەنى, ءتاۋ­ەلسىزدىكپەن بىرگە بۇرىن ءوڭى­مىز تۇگىلى تۇسىمىزگە كىرمەگەن كاسىپكەرلىك سالاسى قارقىنمەن دامي باستادى. بۇل كۇندەرى كا­سىپكەرلىكتىڭ وركەن جايۋىن ەكو­نوميكانىڭ ءار سالاسىنان باي­قايمىز. كاسىپكەرلىكتى دامىتۋ ءۇشىن مەملەكەت تاراپىنان ءۇل­كەن قولداۋ جاسالدى. وسى سالا وكىلى سانالاتىن ءوزىم دە كاسىپ­كەرلىگىمدى تۇز ءوندىرىسى سالا­سىندا جالعاستىرۋدامىن. مۇ­ناي­لى اتىراۋدىڭ يندەر اۋدا­نىنداعى تۇز كولىنەن كۇندەلىكتى ومىرىمىزدە ءجيى تۇتىناتىن اس تۇزىنان باستاپ, تەحنيكالىق تۇز­دى دا وندىرەمىز. ەندى جاڭا ءبىر ءونىم ءتۇرىن شىعارۋدى باس­تاعالى وتىرمىز. مۇنىڭ بارىنە ءتاڭىر سىي­ىن­داي بولعان تاۋەلسىزدىگىمىزدىڭ ارقاسىندا قول جەتكىزىپ وتىر­مىز. ءار قازاق ءۇشىن, ءار قازاق­ستان­دىق ءۇشىن بويتۇمارى­مىز­داي بولعان تاۋەلسىزدىگىمىزدىڭ قا­دىرىن ارتتىرعان ەلباسى نۇر­سۇلتان نازارباەۆتىڭ ەرەن ەڭبەگىنىڭ جەمىسى ەكەنى دە جا­سىرىن ەمەس. ەلباسى ەلىمىزدى ەر­كىن دامۋدىڭ جولىنا تۇسىرمە­گەندە بۇگىنگىدەي باسەكەگە قابى­لەت­تى ءارى ساپالى ونىمدەر ءون­دىرۋگە قادام جاساماعان بولار ەدىك. ەندى مىنە, بۇگىنگى بيىگىمىزدى يندۋستريالاندىرۋ ارقىلى نىقتاي بەرەتىنىمىزگە سەنەمىن. ويتكەنى, ەلىمىز ءۇشىن ەركىن دامۋدىڭ كەمەل كەزەڭى باستالدى. ابيىربەك توقتىباەۆ, «تۇز» جشس ديرەكتورى. اتىراۋ وبلىسى.