ۇلتتىق بىرلىك – ۇلى جەتىستىك

مەن موڭعوليا قازاقتارى­نىڭ اراسىندا ەلدىك ىستەرگە تالايدان ارالاسىپ جۇرگەن ادام­مىن. بارلىق قۇرىلتايلارعا قاتىستىم. بيىل استانادا وتكەن قۇرىلتايدا دا نۇرەكەڭ سالي­قالى سوزىمەن ءبارىمىزدى رازى ەتتى.  كەشە عانا استاناداعى تاۋەلسىز­دىك سارايىندا بولدىق. حالقى­مىزدىڭ يگى جاقسىلارىمەن ارا­لاسىپ-قۇرالاستىق. ەلباسىمىز­دىڭ جان-جۇرەكتى تولعاندىرعان ءسوزىن ەستىدىك. قاناتتاندىق. مەيىرلەندىك. قازاق ەلىنىڭ تاۋەلسىزدىگى ءدۇ­نيەگە قايتا كەلگەندە جەر شا­رىنىڭ قاي تارابىندا جۇرسە دە بويىندا قازاقتىڭ قانى بار ادامنىڭ بارلىعىنىڭ جۇرەگىنە شاتتىق ۇيالاپ, قاتتى تولعانعان ەدى. مىنە, بۇگىن سول  كۇدىك تە, تول­عانىس تا ءبارى ارتتا قالىپ,  اتاسىندا كورمەگەندە بوتاسىندا كورىپ جاتىر ءبىزدىڭ قازاق. بۇل جىلدار ىشىندە ەلباسىمىز قا­زاق­تىڭ بىرلىگىن بەكەمدەۋ جو­لىن­دا ۇلى ىستەر اتقاردى. ۇلت­تىق بىرلىك – ۇلى جەتىستىك. قازاقستان ءوزىنىڭ تۇڭعىش پرەزيدەنتىن اسا كورەگەندىكپەن قالاپ العاندىعىن وسى 20 جىل ابدەن دالەلدەپ بەردى. قازاق ەلى­نىڭ باق تالايىنا ساي تاريح دۇنيەگە اكەلىپ بەرگەن نۇرسۇل­تان ءابىش ۇلى نازارباەۆ ءوزىنىڭ تەرەڭ بىلىمىمەن, دانا اقىل-ويى­مەن, جوعارى ادامگەرشىلىگىمەن, وزىق باستاماسىمەن, باتىل ۇستانىمدارىمەن ءتورت قۇبىلاسى تەڭ باسشى ەكەندىگىن ايداي الەم­گە تاماشا تانىتتى. ەلدىڭ احۋا­لى, كەلبەتى وسىدان 20 جىل بۇرىن قانداي ەدى, بۇگىن قانداي؟ بۇل ەلمەن تۇستاس تاۋەلسىزدىگىن العان باسقا ەلدەر قازىر قانداي كۇيدە؟ بۇل سۇراقتارعا ءاربىر سانالى ادام جاۋاپ بەرە الادى. ەڭ باستىسى, نۇرسۇلتان نازار­باەۆ­تىڭ تالانتتى كوشباسشى­لى­عىنىڭ ارقاسىندا قازاقستان ءوزىنىڭ ەگەمەندىگىن باتىل شە­شىم­تالدىقپەن جەڭىپ الىپ, تاۋەل­سىزدىكتىڭ بارلىق مۇمكىندىكتەرىن قامتاماسىز ەتۋدىڭ ناتيجەسىندە قىسقا مەرزىمدە ەتەك-جەڭىن جي­ىپ, تالاي تاريحي عاسىرلارعا تاتىرلىق قارىشتى قاداممەن العا تارتتى. اسىرەسە, قۇداي بەتىن ارى قىلسىن, ىشكى ۇلتتىق جانە ساياسي قاقتىعىستار مەن اسقىنعان الاۋىزدىقتار شىعىپ, ەلدىڭ قۇت-بەرەكەسىن قاشىراتىن قاسىرەتتى جاعدايدىڭ تۋىندا­ۋىنا جول بەرمەگەندىگى اركىمدى سۇيىندىرەتىن ۇلكەن ەرلىك. نۇرسۇلتاندى بىزگە جاراتقان يەمىز سىيلاعان, تاريح سىيلا­عان, وسەر ەلدىڭ ماڭدايىنا جاز­عان. نۇرەكەڭنىڭ قادامىنا ءار­دايىم قۇت دارىپ, حالقىنىڭ نۇرلى بولاشاعى جولىندا ەرلىكپەن, جىگەرمەن العا باسىپ, عۇمىر جاسى ۇزاق بولۋىن حالقى تىلەپ, ۇلكەن ءۇمىت ارتىپ وتىر. راسىندا دا, قازاق ەلىنىڭ ماڭ­دايىنا نۇرەكەڭدى اللا ءوزى بەرگەن. ءار نارسەنىڭ ءوزىنىڭ ورنى بولادى. كەزەگى كەلگەندە ايتىل­ما­عان ءسوز جەتىم دەمەي مە؟  قا­زاق ەلىنىڭ 20 جىلدىعىندا ەلەنبەگەن ەڭبەك قاشان ەلەنەدى, وسىن­دايدا ايتىلماعان ءسوز قا­شان ايتىلادى دەگەن ويمەن كو­ڭىلىمدەگىنى اقتارىپ ايتىپ جا­تىر­مىن. مۇنداعى تاعى ءبىر ويىم ەلدەگى قانداستارىمىز باسىنا قانداي باق ورناپ وتىرعانىن بىلە تۇسسە دەگەنىم. قازاقتىڭ  باعى ارتىپ, مەرەيى تاسي بەرسىن. الىستاعى اعا­يىن­دارىڭىزدىڭ جۇرەكجاردى تىلەگى وسى. ۇزبەن قۇرمانباي ۇلى, موڭعوليا جازۋشىلار وداعىنىڭ مۇشەسى,  موڭعوليانىڭ ەڭبەك سىڭىرگەن بايلانىسشىسى.