جاس كوشباسشىلار فورۋمى

پوگودين اتىنداعى ورىس دراما تەات­رىندا «قازاقستان جاس كوشباس­شى­لار­­عا ءۇمىت ارتادى» جاستار فورۋمى ءوتتى. سال­تاناتتى شارا الدىندا جي­ىن­عا قا­تىسۋشىلار تاۋەلسىزدىك قۇرداستا­رى­نىڭ شىعارماشىلىق كورمەسىن تا­ما­شا­لادى. «ەلگە تىلە!» اتتى فلەشموب ۇي­ىم­­­داستىرىلدى. مۇندا قىزىلجار ءوڭىرى جۇرتشىلىعىنىڭ ەل تاۋەل­سىز­دىگىنىڭ 20 جىلدىق مەرەيتويىنا ار­نالعان يگى تىلەك-لەبىزدەرى توپتاستىرى­لىپ, كوشە­لەردە ورناتىلعان كوگىلدىر ەكراندار ارقىلى كۇن سايىن بەرىلەتىن بولادى. جيىندا وبلىس اكىمىنىڭ ورىنبا­سا­رى فارحاد قۋانعانوۆ ايماق باسشىسى سەرىك ءبىلالوۆتىڭ قۇتتىقتاۋىن وقىپ بەردى. ءبىرىنشى بولىپ وبلىستىق ارداگەرلەر كەڭەسىنىڭ توراعاسى ەسكەندىر ەلەۋسىزوۆ سويلەدى. ول ازاتتىق دەگەن قاسيەتتى دە كيەلى ۇعىمنىڭ باستاۋىندا 1986 جىلعى جەلتوقسان كوتەرىلىسىنىڭ جاس بوزداقتارى تۇرعانىن, ولاردىڭ ومىرلىك ۇستانىمى, ەرلىك ىستەرى كەيىنگى تولقىنعا ۇلگى ەكەنىن جەتكىزدى. ءۋالي­­حانوۆ اۋدانى “قىزىل تۋ” جاستار ۇيى­مىنىڭ مۇشەسى يانا گولۋبتسوۆا جاستار­دىڭ قوعامدىق ومىردەگى رولىنە توقتال­سا, م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى كاسىپوداق ۇيىمىنىڭ ءتورايىمى زارينا اقامباەۆا ۇكىمەتتىك ەمەس ۇيىمدار مەن بيلىك اراسىنداعى سىندارلى باي­لانىستى جەتىلدىرۋ جولدارىن ءسوز ەتتى. بۇدان كەيىن 12 اتالىم بويىنشا ىرىكتەلىپ الىنعان لاۋرەاتتاردى ماراپاتتاۋ باستالدى. جەڭىمپازدار ارا­سىن­دا سقمۋ ەنەرگەتيكا جانە ماشينا جاساۋ فاكۋلتەتىنىڭ دەكانى, تەحنيكا عىلىمدارىنىڭ كانديداتى ءنابي نابيەۆ, جاستار ءماسليحاتىنىڭ ۆيتسە-سپيكەرى ۆلاديمير ۆيتچەنكو, مۇعالىم دانيار ۋاليەۆ, سپورتشى يرينا سوروكينا, «زاعيپتار» قوعامىنىڭ ءتورايى­مى جانەل سۇگىرباەۆا, مەحانيزاتور ەۆگەني پاك, تاعى باسقالار بار. بۇلاردىڭ ەسىمدەرى وبلىستىڭ «ال­تىن كىتابىنا» جازىلاتىن بولادى. ءومىر ەسقالي, سولتۇستىك قازاقستان وبلىسى.