ءبىرىنشى راۋندتاعى 30 سەكۋندتىق بارلاۋدان كەيىن شۇمەنوۆ بىردەن تاكتيكاسىن وزگەرتىپ, شابۋىلعا باستى. الايدا ءحيزنيدىڭ قورعانىسى بەرىك بولعانىن ايتا كەتۋ كەرەك. العاشقى راۋندتىڭ اياقتالۋىنا ءبىر مينۋت قالعاندا بەيبىت قارسىلاسىنىڭ ءبۇيىرى تۇسىنان قاقىراتا سوعىپ, تىزەرتەلىپ تاستاعان ەدى. دەسە دە, ورنىنان كوتەرىلگەن تۇرىك بوكسشىسى وڭاي بەرىلە قويمايتىنىن كورسەتتى.
ەكىنشى راۋندتا بەيبىت باسىمدىعىن ساقتاي وتىرىپ, بۇيىردەن سوققىنى ءجيى جاسادى. الايدا بۇعان تۇرىك بوكسشىسى دايىن ەكەنىن بايقاتتى. ءۇشىنشى جانە ءتورتىنشى راۋندتا دا وتانداسىمىزدىڭ باسىم ەكەنى ايقىن بايقالعان ەدى. بەسىنشى راۋند كەلگەندە التىنكاي دا شابۋىلىمەن كوزگە ءتۇسىپ, كورەرمەندەر ناعىز بوكستى كورگەندەي بولدى. دەسە دە, اتالمىش راۋندتا ەشقانداي نوگداۋن تىركەلگەن جوق. سەگىزىنشى راۋندتا التىنكاي بىرنەشە اۋىر سوققىلاردى جىبەرىپ الدى. توعىزىنشى راۋندتا التىنكاي نوگداۋنعا ءتۇسىپ, تورەشى ەسەپ اشتى. كورەرمەندەردىڭ كوز الدىندا التىنكاي ءۇشىن جەڭىستىڭ اۋىلى الىستاپ بارا جاتقانى انىق كورىنگەن ەدى. توعىزىنشى راۋندتان كەيىن تۇرىك بوكسشىسىنىڭ تاراپى التىنكايدى كەلەسى راۋندقا شىعارۋدان باس تارتتى. وسىلايشا, بەيبىت شۇمەنوۆ 10-شى راۋندتا جەڭىسكە جەتتى.
ايتا كەتسەك, بەيبىت شۇمەنوۆ پەن حيزني التىنكايعا دەيىن 10 قازاقستاندىق بوكسشى شارشى الاڭعا شىعىپ, بارلىعى دا جەڭىسكە جەتكەن بولاتىن.
