تاۋەلسىزدىككە تاعى ءبىر تارتۋ

تاۋەلسىزدىك كۇنى قارساڭىندا استاناداعى №64 مەكتەپ-ليتسەيدە «قازاقتىڭ قاني­پاسى» اتانعان كسرو مەملەكەتتىك سىيلىعىنىڭ لاۋرەاتى, قازاقستان رەسپۋبلي­كا­سى­نىڭ ەڭبەك سىڭىرگەن مۇعالىمى, پروفەسسور قانيپا بىتىباەۆانىڭ شىعىس قازاقستان وب­لىسى, وسكەمەن قالاسىنداعى عىلىمي-ادىستەمەلىك زەرتحاناسىنىڭ فيليالى اشىلدى. بۇل يگىلىكتى شارانىڭ باستاماسى وسىدان ءبىر اي بۇرىن قولعا الىنعان ەدى. ەلوردانىڭ شىعىستا وتكەن كۇندەرى كەزىندە زەردەلى ۇستازدار قاۋىمى قانيپا ومارعاليقىزى ەڭبەك ەتەتىن جامبىل اتىنداعى وبلىستىق مامانداندىرىلعان مەكتەپ-گيمنازيا ينتەرناتىندا بولىپ, جۇمىسىمەن تانىسقان ەكەن. سول جۇزدەسۋدە وسىنداي زەرتحانا بولىمشەسىن استانادا دا باياندى ەتۋ ماسەلەسى  قوزعالسا, ەندى  مىنە, جۇزەگە استى. ءداۋىردىڭ دارا ۇستازىنىڭ عىلىمي-ادىستەمەلىك زەرتحاناسىنىڭ مۇمكىندىگىن كەڭ­ەي­تۋ, ۇستازدىڭ جاڭاشىل ءىس-تاجىريبەسىن تاراتۋ ماقساتىندا اشىلعان فيليال­دىڭ ال­عاش­قى وتىرىسىندا استانامىزداعى مىڭعا تارتا قازاق ءتىلى مەن ادەبيەتى پاندەرىنىڭ مۇ­عالىمدەرى ءوز ويلارىن ورتاعا سالىپ, تاجىريبە الماستى. بۇدان كەيىن قانيپا ەڭسەلى ەلوردانىڭ بۇگىنگى كوركىنە ءتانتى بولعانىن, ءبىر كەزدەرى ءبىرلى-جارىم عانا قازاق تىلىندە ساباق وتكىزەتىن ءبىلىم ۇيالارى بولسا, قازىر تازا مەملەكەتتىك تىلدە وقىتاتىن ءبىلىم ور­دالارى 23-كە جەتكەنىن, سول سەكىلدى 35 ارالاس, 11 ورىس ءتىلدى مەكتەپتەردە ساباق بەرىپ ءجۇر­گەن مۇعالىمدەردىڭ تالپىنىسىنا ءدان ريزالىعىن ءبىلدىرىپ, ادەبيەت ءپانىن وقىتۋ جايىنا توقتالدى. ول سونىمەن قاتار, ەسكى سۇرلەۋدەن شىعىپ, تاۋەلسىز ەلىمىزدىڭ بۇگىنگى ادەبيەتىن دە تالداپ وقىتۋ جايىن قوزعاپ, كەشەگى الىپتاردان كەيىنگى ادەبيەت وكىلدەرى تۋرالى ءوزىنىڭ ارنايى كىتاپ جازعانىن, وندا مۇقاعالي ماقاتاەۆ, قادىر مىرزاليەۆ, تۇمانباي مولداعاليەۆتەن باستاپ, ارامىزدا جۇرگەن اقىندار ۇلىقبەك ەسداۋلەت, ەسەنعالي راۋشانوۆ, وزگە دە اقىن-جازۋشىلار شىعارماشىلىعىن تالدا­عانىن ايتتى. باسقوسۋدى بەلگىلى جازۋشى ءشاربانۋ بەيسەنوۆا تۇيىندەپ, ۇستاز ۇلاعاتى تۋرالى تەبىرەنە اڭگىمەلەدى. سۇلەيمەن مامەت. استانا.