«تۋعان اۋىل, تۋىپ-وسكەن تاۋلار, سول تاۋ-تاستىڭ اراسىندا سىلدىراپ اققان اق كوبىكتى وزەندەر. تاۋدا جايقالعان قىزعالداقتار, قىزىل تۇسكە بويالعان تاۋ بوكتەرى. سول قىزىل كىلەمنىڭ ۇستىندە ويىن-ساۋىق قۇراتىنبىز, دوپ تەبەتىنبىز, سوسىن جيدەك تەرۋ ءۇشىن تاۋعا شىعىپ كەتەتىنبىز - وسىنىڭ ءبارى ارقاشان ويعا ورالادى. قيىن جاعدايعا تاپ بولعان كەزدەردە, تۇندە وي قۇشاعىندا جاتقاندا, سول سۇرلەۋمەن ءجۇرىپ, اناممەن بىرگە اتتىڭ ۇستىندە وتىرعانىمدى, ونىڭ مەن ۇيىقتاعاندا قۇلاپ كەتپەسىن دەپ بايلاپ قوياتىنىن ەسكە الامىن. بيىك تاۋلاردىڭ اراسىندا كەلە جاتقانىمىز, تومەندە گۇرىلدەپ اققان وزەننىڭ اۋەنى ەسكە تۇسەدى», - دەدى نۇرسۇلتان نازارباەۆ.
