جالپىۇلتتىق ليدەر گەيدار اليەۆ پرەزيدەنت نۇرسۇلتان نازارباەۆتىڭ ەلوردانى الماتىدان استاناعا كوشىرۋگە بايلانىستى شەشىمىن جيىرما جىل بۇرىن جوعارى باعالاپ, ونى تاريحي قادام دەپ اتادى. Aستانا قالاسىنىڭ نەگىزى قالانعان سالتاناتتى راسىمگە قاتىسقان ۇلى ليدەر گەيدار اليەۆ قازاقستاننىڭ جاڭا ەلورداسى استانا قالاسىنىڭ ىرگەسى قالانۋىن قازاق حالقىنىڭ, قازاقستاننىڭ مەملەكەتتىك تاۋەلسىزدىگىنىڭ جانە ۇلتتىق تاۋەلسىزدىكتىڭ ناتيجەسى ەكەندىگىن ايتقان بولاتىن. گ.اليەۆ «بۇل جەڭىس تاريحتا قالادى جانە كەلەشەك بۋىندار تاراپىنان لايىقتى باعاسىن الادى» دەدى.
بۇل شىنىمەن دە ماڭىزدى تاريxي-ساياسي قادام بولدى. استانانىڭ كوشىرىلۋى باسقا قالالاردىڭ جانە وبلىستاردىڭ دا دامۋىنا مۇمكىندىك بەردى. قازىر استانا قارقىندى وزگەرىستەر ورىن العان مەگاپوليسكە اينالىپ, ساياسي ورتالىق رولىنە يە. Aلماتى بولسا ماڭىزدى قارجى جانە ساۋدا ورتالىعى مارتەبەسىن ساقتاپ قالدى. اقتاۋ مەن اتىراۋدا مۇناي ونەركاسىبى, قاراعاندى مەن وسكەمەندە اۋىر ونەركاسىپ پەن مەتاللۋرگيا, شىمكەنت, سەمەي ءتارىزدى قالالاردا اۋىل شارۋاشىلىعى دامۋدا.
قازىرگى تاڭدا استانا جاڭا ماقساتتار بەلگىلەپ الدى. «قازاقستان – 2050 ستراتەگياسىندا» بەلگىلەنگەن ماقساتتار وسىلاردىڭ نەگىزگىلەرى.
بىلتىر استانادا وتكەن «EXPO-2017 – بولاشاق ەنەرگياسى» تاقىرىبىنداعى xالىقارالىق كورمە بالاما ەنەرگيا كوزدەرىنىڭ دامىتىلۋى ءۇشىن ۇلكەن پلاتفورما بولدى. كورمە جوعارى دەڭگەيدە وتكىزىلىپ, مەملەكەتتىڭ جاڭارتىلاتىن ەنەرگيا سالاسىنداعى جوسپارلارى كورسەتىلدى.
كوپ مادەنيەتتىلىكتى ءوزىنىڭ ىشكى جانە سىرتقى ساياساتىنىڭ باسىمدىلىقتارى اراسىندا جاريا ەتكەن ازەربايجان مەن قازاقستان بۇل تۇرعىدان ەكىجاقتى كەلىسىم نەگىزىندەگى ءىس-شارالارىن ۇيلەستىرىپ, xالىقارالىق ۇيىمداردا ورتاق كوزقاراسقا يە. قوس ەل بەيبىتشىلىككە ۇندەيتىن گۋمانيتارلىق جانە ەكونوميكالىق فورۋمدارعا قولداۋ كورسەتىپ, وتكىزىپ كەلەدى. باكۋ مەن استانا جاھاندىق گۋمانيتارلىق, ەكونوميكالىق فورۋمداردى وتكىزۋدى يگى داستۇرگە اينالدىردى.
بۇگىنگى كۇنى ازەربايجان مەن قازاقستان اراسىنداعى دوستىق نەگىزدى كوپجاقتى ىنتىماقتاستىقتىڭ دامىپ جاتقاندىعىن زور قۋانىشپەن اتاپ وتكىم كەلەدى. مەملەكەت باسشىلارىنىڭ جوعارى ساياسي جىگەرلەرى مەن سەنىمدەرى نەگىزىندە قوس ەل اراسىندا ەكىجاقتى جانە كوپجاقتى جاقىن ىنتىماقتاستىق ورنادى. بايلانىستارىمىزدىڭ كەڭ ءنورماتيۆتى قۇقىقتىق بازاسى بار. ۇكىمەتارالىق كوميسسيانىڭ ىستەرى ساۋدا-ەكونوميكالىق بايلانىستاردىڭ ودان ءارى كەڭەيۋى ءۇشىن ماڭىزدى مەxانيزم ءرولىن اتقارۋدا. ەكى ەلدىڭ ىسكەرلەرى اراسىندا بايلانىستاردىڭ ودان ءارى ارتتىرىلۋىنا ۇمتىلۋدامىز. پارلامەنتارالىق بايلانىستار مەن پارلامەنت ديپلوماتياسى دوستىعىمىزدىڭ – دامۋىنا سەرپىن بەرەتىن ماڭىزدى باعىت.
تاريحي جىبەك جولى بويىندا ماڭىزدى ورىنعا يە ازەربايجان مەن قازاقستان بىرلەستىرۋشى كۇشى بار كاسپي تەڭىزى ارقىلى باتىس پەن شىعىس اراسىندا بايلانىس ءدالىزىن ورناتاتىن جانە وسى تۇرعىدان باكۋ مەن استانانى ءبىر-بىرىمەن ءجيى بايلانىستىراتىن جوبالاردى جۇزەگە اسىرادى. باكۋ مەن استانا اراسىندا جۇزەگە اسىرىلعان تىكەلەي رەيستەر حالىقتارىمىز اراسىندا بايلانىستاردىڭ نىعايۋىنا قىزمەت ەتىپ, قازاق تۋريستەرىنىڭ باكۋ, ازەربايجاندىق تۋريستەردىڭ استانانىڭ اسەمدىگىن كورۋىنە مۇمكىندىك بەرەدى.
قازاقستان مەن ازەربايجان – حالىقارالىق كۇن تارتىبىندەگى ماسەلەلەردىڭ تالقىلانۋىندا, جاھاندىق بەيبىتشىلىك پەن قاۋىپسىزدىكتىڭ قامتاماسىز ەتىلۋىندە بەلسەندى رولگە يە مەملەكەتتەر. باكۋ مەن استانانىڭ بەلسەندى ديپلوماتيالىق باستامالارىنىڭ ناتيجەسىندە 2012-2013 جىلدارعا ازەربايجان, ال 2018-2019 جىلدارعا قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. ەلدەرىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانۋى حالىقارالىق قاۋىمداستىق تاراپىنان ازەربايجان مەن قازاقستانعا دەگەن جوعارى سەنىمىنىڭ كورسەتكىشى.
Oرتاق قۇندىلىعىمىز – تۇركى مۇراسىنىڭ دامىتىلۋى ءۇشىن ەلدەرىمىز تۇركىتىلدەس مەملەكەتتەردىڭ ىنتىماقتاستىق كەڭەسى مەن باسقا پلاتفورمالاردا دا ىنتىماقتاستىق قۇرۋدا.
جاستىق كۇش-قايراتى مەن دانالىق ۇيلەسىمدىلىگى بار 20 جاستاعى استانا الەمدىك ارەنادا ءوزىنىڭ لايىقتى ورنىن نىعايتۋدى جالعاستىرىپ كەلەدى. بارشا قازاقستاندى جانە قازاق حالقىن مەرەيتويمەن قۇتتىقتاپ, استانا قالاسىنىڭ ارقاشان گۇلدەنىپ, كوركەيە بەرۋىنە تىلەكتەستىك بىلدىرەمىن!
ەلمار ماممەدياروۆ,
ازەربايجان رەسپۋبليكاسىنىڭ
سىرتقى ىستەر ءمينيسترى
